قوستاناي. 16 ناۋرىز. قوستانايداعى بالالار شىعارماشىلىعى ۇيىندە «ماڭگىلىك ەل—بولاشاقتاعى بىرىڭعاي ۇلتتىڭ رۋحاني نەگىزى» اتتى دوڭگەلەك ۇستەل باسىنداعى ءماجىلىس قازاقستان حالقى اسسامبلەياسى اتىنان پارلامەنت ءماجىلىسىنىڭ دەپۋتاتتىعىنا كانديداتتاردىڭ, قازاقستان حالقى وبىلستىق اسسامبلەياسىنىڭ مۇشەلەرى, جەرگىلىكتى ەتنومادەني ورتالىقتار وكىلدەرى, عىلىمي-ساراپتاۋ توبىنىڭ مۇشەلەرىنىڭ قاتىسۋىمەن ءوتتى. بۇل تۋرالى egemen.kz ءتىلشىسى حابارلادى.
ساياسي ناۋقاندا سايلاۋالدى ناسيحات جۇمىسىن جۇرگىزىپ جۇرگەن قازاقستان حالقى اسسامبلەياسى اتىنان پارلامەنت ءماجىلىسىنىڭ دەپۋتاتتىعىنا كانديدات ىشكى ىستەر ءمينيسترىنىڭ ورىنباسارى, ورىس, سلاۆيان جانە كازاك ۇيىمدارى قاۋىمداستىعى توراعاسىنىڭ ورىنباسارى, قازاقستان حالقى اسسامبلەياسىنىڭ مۇشەسى ۆلاديمير بوجكو, قىزىلوردا قالالىق وقۋشىلار مەن جاسوسپىرىمدەر ءۇيىنىڭ ديرەكتورى, قازاقستان حالقى اسسامبلەياسىنىڭ مۇشەسى, وبلىستىق انالار كەڭەسىنىڭ ءتورايىمى ناتاليا جۇمادىلداەۆا, «قازاقستان ۇيعىرلارى رەسپۋبليكالىق ەتنومادەني ورتالىعى» قوعامدىق بىرلەستىگىنىڭ توراعاسى, اسسامبلەيا مۇشەسى شايماردان نۇرىموۆ ەڭ الدىمەن ەلىمىزدىڭ تىنىشتىعىنا, ونى مەكەن ەتىپ وتىترعان ءتۇرلى ۇلتتاردىڭ تاتۋلىعىنا ەرەكشە توقتالدى.
ءبىر وتباسى, ءبىر اۋلەت تۇتاس مەملەكەتتىڭ كىشكەنتاي كورىنىسى ىسپەتتى. تاتۋلىقتى تۋ ەتكەن حالقىمىز «اعايىن تاتۋ بولسا ات كوپ, ابىسىن تاتۋ بولسا اس كوپ» دەپ تۇيگەن عوي. ەلباسى نۇرسۇلتان نازارباەۆتىڭ «ماڭگىلىك ەل» يدەياسى حالىقتار بىرلىگىن, ۇلتتار تاتۋلىعىن تۋ ەتەدى.
«قازاقستان ۇيعىرلارى رەسپۋبليكالىق ەتنومادەني ورتالىعى» قوعامدىق بىرلەستىگىنىڭ توراعاسى, قازاقستان حالقى اسسامبلەياسىنىڭ مۇشەسى شايماردان نۇرىموۆ: «ۇيعىر مەن قازاق تاريحتا ەشقاشان دا ءبىرىن بىرىنە قىلىش كوتەرمەگەن ەكەن. قازاق جەرىنە ءتۇرلى تاعدىرمەن باس قوسقان ۇلىستاردىڭ بارلىعى دا بۇگىن دە قازاقستاندا تۇرعانى ءۇشىن باقىتتى. تىنىشتىعى جوق ەلدەردىىڭ قانداي جاعدايعا جەتكەنىن كورىپ وتىرمىز. تاتۋ بولساق بەرەكە دە, مەرەكە دە ۇزىلمەيدى», – دەدى.
جيىنعا قاتىسقان قوستانايلىقتار دا پارلامەنت ءماجىلىسى دەپۋتاتتىعىنا كانديدات قازاقستان حالقى اسسامبلەياسى مۇشەلەرىنىڭ پىكىرىن قولداپ, مەملەكەتتىڭ مىقتىلىعى دا, «ماڭگىلىك ەل» يدەياسىنىڭ جۇزەگە اسۋى دا تەك حالىقتىڭ جۇدىرىقتاي جۇمىلعان بىرلىگىنە بايلانىستى ەكەنىن ايتتى.
ءنازيرا جارىمبەتوۆا.
دەرەك,سۋرەت: egemen.kz.
