Maserati اۆتوكونتسەرنى 28 مىڭ كولىكتى كەرى قايتارادى

استانا. 13 ناۋرىز. يتاليانىڭ بەلگىلى برەند Maserati اۆتوكونتسەرنى سولتۇستىك امەريكادا ساتىلعان 28 235 كولىكتى كەرى شاقىردى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. شاقىرىلعان كولىكتەر تىزىمىنە Quattroporte جانە Ghibli ۇلگىسىندەگى كولىكتەر ەندى. كومپانيا باسشىلىعىنىڭ ايتۋىنشا, جۇرگىزۋشى جاقتا ورنالاسقان كىلەمشە اكسەلەراتور باسقىشىنا تىرەلىپ, جىلدامدىقتىڭ ارتۋىنا سەبەپ بولادى. «ەگەر دە كىلەمشە ءوزىنىڭ ورنالاسقان ورنىنان قوزعالىپ كەتەر بولسا, اكسەلەراتور باسقىشى مەن كوۆروين ارالىعىنا تىرەلىپ قالۋى مۇمكىن. وسىدان سوڭ كولىكتىڭ جىلدامدىعى ارتىپ, جول اپاتىنىڭ بولۋىنا, كولىك ىشىندەگىلەردىڭ قاتتى جاراقات الۋىنا نەمەسە وقيعانىڭ قايعىلى اياقتالۋىنا سەبەپ بولادى», – دەيدى كومپانيا باسشىلىعى. اۆتوكونتسەرن بۇل جۇمىسىن وسى جىلدىڭ 29 ساۋىرىنەن باستايدى. شاقىرتۋعا 2013 جىلدىڭ 1 اقپانى مەن 2015 جىلدىڭ 30 قاراشا ارالىعىندا شىققان كولىكتەر ەندى. ءوندىرىس ورنى كولىك كىلەمشەسى مەن اكسەلەراتور باسقىشىن اۋىستىرادى. جوندەۋ جۇمىستارى تەگىن جۇرگىزىلەدى. ايان ءابدۋالي. دەرەك, سۋرەت: تاسس.