باتىس قازاقستاندا قۇتىرعان يت ادامعا شاپتى

ورال. 10 ناۋرىز. باتىس قازاقستان وبلىسىنىڭ ءبورلى اۋدانىندا قۇتىرعان يت ادامعا شاۋىپ, جاس بالانى قاۋىپ الدى. بۇل تۋرالى batysnewskz.kz-كە سىلتەمە جاساعان egemen.kz ءتىلشىسى حابارلادى. ابىروي بولعاندا, دەر كەزىندە كورسەتىلگەن مەديتسينالىق كومەكتىڭ ارقاسىندا بالانىڭ دەنساۋلىعىنا ايتارلىقتاي زيان كەلگەن جوق. اتا-اناسى اۋرۋحاناعا ونى جەدەل جەتكىزىپ, ەم قابىلداعان. سونىڭ ارقاسىندا ۆيرۋس اعزاعا تاراپ ۇلگەرمەي تۇرىپ, قاتەردىڭ كوزى جويىلعان. ال ۆەتەرينارلاردىڭ باقىلاۋىنا الىنعان يت ۆيرۋستىڭ ۋشىعۋىنان 10 كۇننەن سوڭ ءولىپ قالعان. ايتا كەتەيىك, بۇعان دەيىن اتالعان اۋداندا ەكى جانۋاردىڭ قۇتىرۋعا شالدىققانى انىقتالعان. ونىڭ ءبىرى – جابايى تۇلكى ەكەن. ءۇي اۋلاسىنا قورىقپاستان ەنىپ, ايبات شەككەن حايۋاندى تۇرعىنداردىڭ ءبىرى ۇرىپ ولتىرگەن. جۇرگىزىلگەن ساراپتامادان سوڭ ونىڭ دا قۇتىرعانى انىقتالىپ, قاۋىپسىزدىك شاراسى قولدانىلعان. سالا ماماندارى وسىنداي جاعدايلارعا كۋاگەر بولىپ نەمەسە زارداپ شەككەن جاعدايدا جەدەل اق حالاتتىلار مەن ۆەتەرينارلارعا حابار بەرۋ قاجەتتىگىن ەسكەرتەدى. تەمىر قۇسايىن. دەرەك: batysnewskz.kz. سۋرەت: gorlovka.today.