ورالدىق قۇتقارۋشىلار العىس ايتۋ كۇنىن ايرىقشا اتاپ ءوتتى

ورال. 29 اقپان. باتىس قازاقستان وبلىسى توتەنشە جاعدايلار دەپارتامەنتىنىڭ قىزمەتكەرلەرى العىس ايتۋ كۇنىنە ارنالعان ءىس-شارالار شەڭبەرىندە ەكى مۇگەدەك بالا تاربيەلەپ وتىرعان وتباسىنا اتاۋلى كومەك كورسەتتى. بۇل تۋرالى وبلىستىق توتەنشە جاعدايلار دەپارتامەنتى مەملەكەتتىك ءتىل جانە اقپارات توبىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. ۇلداردىڭ اناسى بالالاردى وقىتۋ ءۇشىن ورال قالاسىندا جالعا الىنعان پاتەردە تۇرۋعا ءماجبۇر. سەبەبى, ۇلكەنى ايقىن №15 كومەكشى مەكتەبىندە وقسا, كىشىسى ايبەك مۇگەدەك بالالارعا جانە قاتتى پسيحيكالىق-نەۆرولوگيالىق اۋرۋلارمەن اۋىراتىن ناۋقاستارعا ارنالعان «شاپاعات» وڭالتۋ ورتالىعىنا بارادى. قۇتقارۋشىلار قامكوڭىل وتباسىعا تەلەديدار جانە ۇتىك سىيلادى. وزدەرىنە كوڭىل ءبولىپ, قايىرىمدىلىق تانىتقان دەپارتامەنت قىزمەتكەرلەرىنە العىسىن جاۋدىرعان ۇلداردىڭ اناسى نۇرگۇل بەردەنوۆا: «الەمدە اۋرۋ بالالارعا كومەك كورسەتەتىن ادامداردىڭ قالعاندىعىن سەزىنۋدىڭ ءوزى ەرەكشە اسەرگە بولەيدى ەكەن. ءبىز قۇتقارۋشىلارعا ارتىق ءسوزسىز ناعىز ەرلەرگە ءتان كومەك كورسەتكەندەرى ءۇشىن شىن العىسىمىزدى بىلدىرەمىز», – دەدى. تەمىر قۇسايىن. دەرەك, سۋرەت: باتىس قازاقستان وبلىستىق توتەنشە جاعدايلار دەپارتامەنتى مەملەكەتتىك ءتىل جانە اقپارات توبىنىڭ ءباسپاسوز قىزمەتى.