جامبىل وبلىسىندا ەسىرتكى تاسىمالداعاندار قولعا ءتۇستى

تاراز. 29 اقپان. جامبىل وبلىسىنىڭ ىشكى ىستەر دەپارتامەنتىنىڭ جەرگىلىكتى پوليتسيا قىزمەتىنىڭ جول-پاترۋلدىك پوليتسيا باتالونىنىڭ ينسپەكتورلارى جەدەل-ىزدەستىرۋ ءىس-شارالارىن جۇرگىزۋ بارىسىندا جامبىل وبلىسىنىڭ «بۋرىلبايتال» بەكەتىندە «شىمكەنت-قاراعاندى» باعىتىنداعى جولاۋشىلار اۆتوبۋسىن توقتاتتى. بۇل تۋرالى جامبىل وبلىسى ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. ىشكى ىستەر ورگاندارىنىڭ كريمينالدىق پوليتسيا ءبولىمى جانە «دەلتا-دولينا» ايماقارالىق ەسىرتكى بيزنەسىنە قارسى كۇرەس ءبولىمىنىڭ  قىزمەتكەرلەرى, سونداي-اق ىشكى ىستەر دەپارتامەنتىنىڭ كوشى-قون پوليتسياسىنىڭ ينسپەكتورلار توبى بىرلەسىپ, اۆتوبۋس ىشىنە جانە ونىڭ تەحنيكالىق جاعدايىنا تەكسەرۋ جۇرگىزدى. تەرگەۋ بارىسىندا جولاۋشىلاردىڭ ءبىرى – استانا قالاسىنىڭ تۇرعىنى, 35 جاستاعى ەر ادامنىڭ جول سومكەسىنەن قويۋ جاسىل ءتۇستى, ەرەكشە ءيىستى وسىمدىك تەكتەس قاراسورا زاتى بار قارا پوليەتيلەن پاكەت تابىلىپ, تاركىلەندى. سوت-حيميالىق ساراپتاماسىنا سايكەس, تاركىلەنگەن زات سالماعى 19 كگ 220 گرامم گاشيش ەسىرتكى زاتى بولىپ شىقتى. كۇدىكتى كىناسىن مويىنداپ, ۋاقىتشا  ۇستاۋ وقشاۋلاعىشىنا قاماۋعا الىندى. وسى دەرەك بويىنشا قىلمىستىق ءىس قوزعالدى. وسىعان سايكەس قىلمىسكەر ءۇش  جىلدان جەتى جىلعا دەيىنگى مەرزىمگە باس بوستاندىعىنان ايىرۋعا جازالانادى. قازىرگى كەزدە سوتقا دەيىنگى تەرگەۋ امالدارى جۇرگىزىلۋدە. ورالحان ءداۋىت. دەرەك, سۋرەت: جامبىل وبلىسى ىشكى ىستەر دەپارتامەنتىنىڭ ءباسپاسوز قىزمەتى.