اقش-تا قازا تاپقاندار اراسىندا قازاقستاندىق جەتكىنشەكتەر بولۋى مۇمكىن

استانا. 28 اقپان. اقش-تىڭ استاناسى ۆاشينگتون قالاسىنىڭ بيلىگى جەتكىنشەكتەردىڭ قازاسىنا بايلانىستى تەرگەۋ امالدارىن جۇرگىزىپ جاتىر. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. الدىن الا بولجام بويىنشا, قازا تاپقاندار قازاقستاننان نەمەسە رەسەيدەن اسىراپ الىنعان بولۋى مۇمكىن. ازىرگە رەسمي تۇردە حابارلانعان جوق. ديپلوماتتار اقش تاراپىنان وقيعانىڭ ءمان-جايىن كۇتىپ وتىر. وقيعا ورنىندا 49 جاستاعى لانا كارلسون, 16 جاستاعى كۋين كارلسون جانە 18 جاستاعى توري كارلسون قازا تاپتى. سونداي-اق, تاعى ءبىر قىزدىڭ ەسىمى ازىرگە بەلگىسىز. پوليتسيا قىزمەتكەرلەرىنىڭ ايتۋىنشا, بۇل ىسكە لانا كارلسوننىڭ كۇيەۋى دەۆيد ۋەين كەمپبەلل كىنالى بولۋى مۇمكىن. ءتارتىپ ساقشىلارى كەلگەن ساتتە ول ءوز-وزىنە قول جۇمساپ ۇلگەرگەن. «ءبىز وسى ىسكە قاتىستى ءمان-جايدى تولىق ءبىلۋ ءۇشىن مەملەكەتتىك دەپارتامەنتكە حات جولداعانبىز. بىراق ازىرگە جاۋاپ الا الماي وتىرمىز. الايدا ءدال قازىر مەنىڭ قولىمدا ولاردىڭ قازاقستاننان اسىراپ الىنعاندىعى جونىندە اقپارات بار», – دەدى جەرگىلىكتى شەريفتىڭ ورىنباسارى رايان سپەرلينگ. ايان ءابدۋالي. دەرەك, سۋرەت: تاسس.