جاڭا ۇلگىدەگى بالاباقشا

زامان اعىمىنا ساي جاڭاشا ارەكەت ەتىپ, جاقسىلىققا ۇمتىلۋ ۋاقىت تالابى. بۇل رەتتە الماتى وبلىسى, ەڭبەكشىقازاق اۋدانىندا سان سالانى قامتي اتقارىلىپ جاتقان جۇمىستى ۇلگى تۇتۋعا بولادى. سەبەبى, سول يگىلىكتىڭ پاي­­داسىن حالىق كورىپ وتىر. اي­تالىق, ەسىك قالاسىنداعى «ايالا» ساناتوريالىق ۇلگىدەگى بالاباقشاسى بۇلدىرشىندەردىڭ ءبىر ۇيىنە اينالا ءبىلدى. مۇندايدا قازاق «قۋانسا بالا قۋانسىن» دەپ بەكەر ايتپاعان. نەگىزى بۇل بالاباقشا ورنالاسقان عيمارات 1964 جىلى سالىنىپ «بالالار ءۇيى» بولىپ اشىلعان. 2015 جىلدىڭ 1 قاڭتارىندا «بالالار ءۇيى» جابىلىپ, 13 ساۋىردەن باستاپ جەرگىلىكتى بيۋدجەتتەن 146 000 000 تەڭگە قاراجات ب­و­لىنىپ, ەڭبەكشىقازاق اۋدانى اكىمىنىڭ №407 قاۋلىسىمەن «ەڭبەكشىقازاق اۋدانى اكىمىنىڭ اپپاراتى» «ەسىك قالاسىنداعى «ايالا» ساناتوريالىق ۇلگىدەگى بالاباقشاسى مەملەكەتتىك كوم­مۋنالدىق قازىنالىق كاسىپورنى بولىپ قايتا قۇرىلدى. جالپى اۋماعى 210 شارشى مەتر. بىل­تىرعى جىلى 13 000 000 تەڭگە بولىنسە, ال 2016 جىلى 62 148 000 تەڭگە قاراجات ءبولىندى. 75 بالاعا ارنالعان بالاباقشادا قۇرال-جابدىقتارمەن جابدىقتالعان 25 كابينەت بار. قازىرگى تاڭدا 2 توپ جۇمىس ىستەۋدە. وندا 18 تاربيەشى, 9 بالا كۇتۋشى, 21 باسقا قىزمەتكەر ەڭبەك ەتەدى. «ەلباسى تاپسىرماسىنا ءساي­كەس, مەملەكەت-جەكەمەنشىك ءارىپ­تەستىگىن دامىتۋدا اۋىز تولتىرا ايتاتىن جەتىستىككە جەتتىك. ءبى­رىنشى كەزەكتە اۋدانىمىزداعى بالاباقشا پروبلەماسىمەن وبلىس اكىمىن دەر كەزىندە حاباردار ەتۋمەن شەكتەلمەي, ونى شەشۋ جولدارىن دا دۇرىس جەتكىزە بىلدىك. بۇل ماسەلەگە ءوڭىر باسشىسى ەرەكشە نازار اۋدارىپ, سوزبۇيداعا سالماي, ءتۇرلى كەدەرگىلەردى دەرەۋ جويۋ جونىندە تاپسىرما بەردى. سول كۇننەن زاڭ شەڭبەرىندە ارەكەت ەتىپ 11 جەكەمەنشىك با­لا­باقشا اشۋعا ىقپال ەتتىك. ياعني, بالاباقشا سالۋ ءۇشىن جەر تەلىمىن ءبولۋ, بۇرىن سالىنعان ءۇيدىڭ ماقساتىن وزگەرتىپ با­لاباقشاعا اۋىستىرۋ سەكىلدى ءتۇرلى قۇجاتتارىن رەتتەستىرۋدە جانە تاعى باسقا قاجەتتىلىكتەرىن شەشۋگە جول اشتىق. اۋىلدىق وكرۋگتەر اكىمدەرى مەن اۋداندىق مەكەمەلەر باسشىلارىنىڭ بار­لىعىنا ەگەر بالاباقشا سالۋ, اشۋ ماسەلەسى بويىنشا كىمدە-كىم الدارىڭا كەلسە تىكەلەي تەلەفونىمدى بەرىپ, بايلانىستىرىڭدار دەپ تاپسىرما بەرىپ, سول جۇمىستى باسىنان اياعىنا دەيىن باقىلاپ تا وتىردىم. ناتيجەسىندە بالاباق­شامەن قامتۋ 56 پايىزدان 77,3 پايىزعا جەتىپ, 21 پايىزعا وستىك. ءبىزدىڭ اۋداندا 3-6 جاس ارا­لى­عىندا 14 مىڭنان استام بالا, 43 مىڭ مەكتەپ وقۋشىسى بار. بۇل كى­شىگىرىم ءبىر اۋداننىڭ حالقىمەن تەڭ عوي. وسى تۇستا ايتا كەتەر تاعى ءبىر مالىمەت, سوڭعى ءتورت جىل­دا جەرگىلىكتى بيۋدجەتكە ءتۇ­سەتىن سالىق مولشەرى 2,3 ملرد. تەڭ­گەدەن 3 ملرد. 797 ملن. تەڭگەگە ءوسىپ, ويعا العان جۇمىسىمىزدى ەش توق­تاۋسىز اتقارۋىمىزعا قولد­اۋ بولىپ وتىر», دەدى ەڭبەك­شىق­ازاق اۋدانىنىڭ اكىمى ءبينالى ىس­قاق. نۇربول الدىباەۆ, «ەگەمەن قازاقستان». الماتى وبلىسى, ەڭبەكشىقازاق اۋدانى.