قىزىلوردادا جۇرەك سوعىسىن توقتاپاي اشىق وتا جاسالدى

قىزىلوردا. 25 اقپان. قىزىلوردادا جۇرەككە وتانىڭ جاڭا ءتۇرى جاسالدى. بۇل تۋرالى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. استانا قالاسىنداعى ۇلتتىق عىلىمي ورتالىقتىڭ كارديوحيرۋرگيا ءبولىمىنىڭ مەڭگەرۋشىسى, مەديتسينا عىلىمىنىڭ كانديداتى تەمىر لەسبەكوۆ جانە جوعارى بىلىكتى رەانيماتور-انەستەزيولوگ نۇرلان سماعۇلوۆتاردىڭ كومەگىمەن جۇرەك سوعىسىن توقتاتپاي, جۇرەككە اشىق وتا جاسالدى. مۇنداي وتا قىزىلوردا وبلىسىندا ءبىرىنشى رەت جاسالۋدا. وبلىستىق مەديتسينا ورتالىعىنىڭ كارديوحيرۋرگتارى تىكەلەي وتاعا قاتىسىپ, تاجىريبە الماستى. جىل باسىنان بەرى اشىق جۇرەككە 20-دان استام وتا جاسالسا, جاڭا وتا 4 ناۋقاسقا جاسالىپ, بىلىكتى ماماندار 15 ناۋقاسقا كەڭەس بەردى. ەندىگى كەزەكتە, زاماناۋي قۇرال-جابدىقتارمەن جابدىقتالعان وبلىستىق مەديتسينا ورتالىعىنىڭ كارديوحيرۋرگتارى اتالعان وتا ءتۇرىن ءوز كۇشتەرىمەن جاساماق. ەرجان بايتىلەس. دەرەك: قىزىلوردا وبلىسىنىڭ دەنساۋلىق ساقتاۋ باسقارماسىنىڭ ءباسپاسوز قىزمەتى. سۋرەت: isra-med.com.