قىزىلوردادا كاسىپكەرلەر قايىرىمدىلىق شاراسىن وتكىزدى

قىزىلوردا. 24 اقپان. قىزىلوردادا جاقىندا اشىلعان پاللياتيۆتىك كومەك بەرۋ بولىمشەسىن جابدىقتاۋعا ايماقتىڭ بيزنەس وكىلدەرى بەلسەندى اتسالىسۋدا. بۇل تۋرالى وبلىستىق كاسىپكەرلەر پالاتاسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. كاسىپكەرلەر پالاتاسى ديرەكتورىنىڭ مىندەتىن اتقارۋشىسى دارحان مىرزاليەۆتىڭ ايتۋىنشا, مەتسەناتتار جاڭا بولىمگە جۇمساق, كورپۋستى, مەديتسينالىق جيھازدار, تۇرمىستىق تەحنيكالار, ءجۇرىس ارباسىن جانە وزگە دە ناۋقاستاردىڭ قاجەتتىلىگىنە ارنالعان زاتتاردى الىپ بەردى. ولاردىڭ باسىم بولىگى مۇناي-سەرۆيستىك كومپانيالار, سونداي-اق  «Frac Jet», «نەفتتەحسەرۆيس», «پيەم لۋكاس قازاقستان», «دوس ينجينيرينگ», «سىر مارجانى», «Kyzylorda Wildlife Foundation» جاۋاپكەرشىلىگى شەكتەۋلى سەرىكتەستىگى مەن جاندوس قارابالا, قادىربەرگەن بەدەر, ماقسات مۇباراك, انۆار ياكۋپوۆ. كاسىپكەرلەر بۇل كومەكتەرىن «ەمدەلۋشىلەرگە مورالدىق كومەك كورسەتىپ, قولداۋ بىلدىرگىمىز كەلدى. بۇل باستامامىز وزگە ازاماتتار دا جالعاپ الىپ كەتەدى دەگەن سەنىمدەمىز» دەيدى. «وبلىس اكىمىنىڭ قولداۋىمەن جەرگىلىكتى بيۋدجەتتەن بولىنگەن قارجىعا وبلىستا ونكولوگيالىق دەرتپەن اۋىراتىن ناۋقاستارعا پاللياتيۆتىك كومەك كورسەتۋگە ارنالعان 15 ورىندىق حوسپيس اشىلعان بولاتىن. اتالمىش اۋرۋعا شالدىققان, جاعدايى وتە تومەن ازاماتتارعا ارنالعان مۇنداي ورتالىقتى اشۋ بۇرىننان جوسپارىمىزدا بار بولاتىن. بىراق ءساتى ەندى ءتۇستى. كوڭىلگە قۋانىش ۇيالاتاتىنى, كاسىپكەرلەردىڭ بىردەن كومەك قولىن سوزىپ, ورتالىققا قاجەتتى قۇرال-جابدىقتارمەن قامتاماسىز ەتكەندىگى», – دەيدى وبلىستىق دەنساۋلىق ساقتاۋ باسقارماسىنىڭ باسشىسى اقمارال ءالنازاروۆا. ايتا كەتەيىك, پاللياتيۆتىك كومەك بەرۋ بولىمشەسىنىڭ ەمدەلۋشىلەرىنە پالاتا جانىنداعى وبلىستىق ىسكەر ايەلدەر كەڭەسى دە كومەك كورسەتۋدە. كەڭەس مۇشەسى ايجان شەگەنوۆا باستاعان نازىك جاندىلار ورتالىقتى بولمە گۇلدەرىمەن بەزەندىرىپ, قابىرعا سۋرەتتەرىن تابىس ەتتى. سونداي-اق, الدا كەلە جاتقان حالىقارالىق ايەلدەر كۇنى قارساڭىندا سۇلۋلىق سالونى قىزمەتكەرلەرىمەن ورتالىقتا جاتقان قىز-كەلىنشەكتەرگە قىزمەت كورسەتەتىندىكتەرىن جەتكىزدى. ەرجان بايتىلەس. دەرەك, سۋرەت: قىزىلوردا وبلىسى كاسىپكەرلەر پالاتاسىنىڭ ءباسپاسوز قىزمەتى.