قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى №908

2015 جىلعى 30 قاراشا  استانا قالاسى ورتاشا جالاقىنى ەسەپتەۋدىڭ بىرىڭعاي قاعيدالارىن بەكىتۋ تۋرالى 2015 جىلعى 23 قاراشاداعى قازاقستان رەسپۋبليكاسى ەڭبەك كودەكسىنىڭ 16-بابى 22) تارماقشاسىنا سايكەس بۇيىرامىن: 1. قوسا بەرiلiپ وتىرعان ورتاشا جالاقىنى ەسەپتەۋدىڭ بىرىڭعاي قاعيدالارى بەكiتiلسiن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ەڭبەك جانە الەۋمەتتىك ارىپتەستىك دەپارتامەنتى زاڭنامادا بەلگiلەنگەن تارتiپپەن: 1) وسى بۇيرىقتى قازاقستان رەسپۋبليكاسى ادiلەت مينيسترلiگiندە مەملەكەتتiك تiركەۋدi; 2) وسى بۇيرىق مەملەكەتتiك تiركەلگەننەن كەيىن كۇنتiزبەلiك ون كۇن iشiندە ونى مەرزiمدi باسپا باسىلىمدارىندا جانە «ادiلەت» قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ اقپاراتتىق-قۇقىقتىق جۇيەسiندە رەسمي جاريالاۋعا جiبەرۋدi; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىنا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسiن. 3. «ورتاشا جالاقىنى ەسەپتەۋدىڭ بىرىڭعاي قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 7 شىلدەدەگى № 567 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11855 بولىپ تىركەلگەن, 2015 جىلعى 11 تامىزدا «ادىلەت» اقپاراتتىق-قۇقىقتىق جۇيەسىندە جاريالانعان) كۇشى جويىلدى دەپ تانىلسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ جاۋاپتى حاتشىسى ا.د. قۇرمانعاليەۆاعا جۇكتەلسىن. 5. وسى بۇيرىق 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى ت.دۇيسەنوۆا. كەلىسىلدى قازاقستان رەسپۋبليكاسىنىڭ قارجى ءمينيسترى _______________ ب. سۇلتانوۆ 2015 جىلعى 4 جەلتوقسان كەلىسىلدى قازاقستان رەسپۋبليكاسىنىڭ ۇلتتىق ەكونوميكا ءمينيسترى _______________ ە. دوساەۆ 2015 جىلعى 7 جەلتوقسان قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 30 قاراشاداعى № 908 بۇيرىعىمەن بەكىتىلگەن ورتاشا جالاقىنى ەسەپتەۋدىڭ بىرىڭعاي قاعيدالارى 1. جالپى ەرەجەلەر 1. وسى ورتاشا جالاقىنى ەسەپتەۋدىڭ بىرىڭعاي قاعيدالارى (بۇدان ءارى – قاعيدالار) 2015 جىلعى 23 قاراشاداعى قازاقستان رەسپۋبليكاسى ەڭبەك كودەكسىنىڭ (بۇدان ءارى – ەڭبەك كودەكسى) 16–بابى 22) تارماقشاسىنا سايكەس ازىرلەندى جانە ورتاشا جالاقىنى ەسەپتەۋدىڭ بىرىڭعاي ءتارتىبىن ايقىندايدى. 2. وسى قاعيدالاردا مىناداي ۇعىمدار پايدالانىلادى: 1) اي – ءتيىستى ايدىڭ 1–نەن باستاپ 30–كۇنىنە (31-كۇنىنە) دەيىن قوسا العانداعى (اقپاندا – 28-كۇنىنە (29-كۇنىنە) دەيىن قوسا العانداعى) كەزەڭ; 2) ەسەپ ايىرىسۋ كەزەڭى – تولەنۋى ءتيىس اقىمەن (تولەممەن) بايلانىستى وقيعانىڭ الدىنداعى ۇزاقتىعى ون ەكى كۇنتىزبەلىك ايعا تەڭ كەزەڭ نە ەگەر قىزمەتكەر جۇمىس بەرۋشىدە ون ەكى كۇنتىزبەلىك ايدان كەم جۇمىس ىستەگەن جاعدايدا, ورتاشا جالاقىنى ەسەپتەۋ ءۇشىن پايدالانىلاتىن ناقتى جۇمىس ىستەگەن كەزەڭ; 3) جۇمىس ۋاقىتىنىڭ بالانسى – 36 ساعاتتىق, 40 ساعاتتىق جۇمىس اپتاسى كەزىندەگى (بەس كۇندىك, التى كۇندىك) جۇمىس كۇندەرىن (ساعاتتارىن) ەسكەرە وتىرىپ, ءتيىستى كۇنتىزبەلىك جىلعا ارنالعان جۇمىس ۋاقىتىنىڭ نورمالارىن اي بويىنشا ءبولۋ كورسەتكىشتەرىنىڭ كەستەسى. 4) كۇندىك (ساعاتتىق) جالاقى – ۋاقىت بىرلىگى (كۇن, ساعات) ءۇشىن جالاقى; 5) ورتاشا جالاقى – قىزمەتكەر جالاقىسىنىڭ ساقتالۋىنا كەپىلدىك بەرىلەتىن كەزەڭ ءۇشىن جۇمىس بەرۋشى ەسەپتەيتىن جانە قىزمەتكەرگە تولەنەتىن اقشا قاراجاتىنىڭ سوماسى; 6) ورتاشا كۇندىك (ساعاتتىق) جالاقى – ۋاقىت بىرلىگى (كۇن, ساعات) ءۇشىن ورتاشا جالاقى; 7) وقيعا – ەڭبەك كودەكسىنە سايكەس ورتاشا جالاقىنىڭ ساقتالۋىمەن نەمەسە تولەنۋىمەن, جىل سايىنعى اقىلى ەڭبەك دەمالىسىنىڭ پايدالانىلماعان كۇندەرى ءۇشىن بەرىلەتىن وتەماقىمەن بايلانىستى جاعدايلار; 3. ورتاشا ايلىق جالاقىنى ايقىنداۋ ءۇشىن ەسەپ ايىرىسۋ كەزەڭىنەن ەڭبەك كودەكسىنە سايكەس مەرەكە كۇندەرى, سونداي-اق دەمالىس كۇندەرى بولىپ تابىلاتىن مۇسىلمان كۇنتىزبەسى بويىنشا اتاپ وتىلەتىن قۇربان ايتتىڭ ءبىرىنشى كۇنى, 7 قاڭتار – پراۆوسلاۆيەلىك روجدەستۆو الىنىپ تاستالادى. 4. ورتاشا جالاقىنى ەسەپتەۋ كەزىندە ەسەپ ايىرىسۋ كەزەڭىنەن جۇمىس ىستەلمەگەن ۋاقىت جانە وسى كەزەڭدە ەڭبەك كودەكسىنە سايكەس قىزمەتكەرگە ورتاشا جالاقىسى تولەنگەن نەمەسە ساقتالعان كەزدەگى جۇمىس ىستەلمەگەن ۋاقىت ءۇشىن ەسەپتەلگەن سومالار الىنىپ تاستالادى. 5. ەگەر بۇل قىزمەتكەردىڭ جاعدايىن ناشارلاتپايتىن بولسا, ۇجىمدىق شارتتا ورتاشا جالاقىنى ەسەپتەۋدىڭ وزگە كەزەڭدەرى كوزدەلۋى مۇمكىن. 2. ورتاشا جالاقىنى ەسەپتەۋدىڭ بىرىڭعاي ءتارتىبى 6. 1999 جىلعى 1 شىلدەدەگى قازاقستان رەسپۋبليكاسىنىڭ ازاماتتىق كودەكسىنە سايكەس ازاماتتىڭ ءومىرى مەن دەنساۋلىعىنا كەلتىرىلگەن زياندى وتەۋ ماقساتىنداعى ايقىندالعان ورتاشا ايلىق جالاقىنى قوسپاعاندا, بەس كۇندىك, سونداي-اق التى كۇندىك جۇمىس اپتاسىندا ورتاشا ايلىق جالاقىنى ەسەپتەۋ بەلگىلەنگەن قوسىمشا اقىلار مەن ۇستەمەاقىلار, سىيلىقاقىلار جانە ەڭبەكاقى تولەۋ جۇيەسىندە كوزدەلگەن تۇراقتى سيپاتتاعى باسقا دا ىنتالاندىرۋ تولەمدەرى ەسكەرىلە وتىرىپ, ءتيىستى كەزەڭدەگى ورتاشا كۇندىك (ساعاتتىق) جالاقىنىڭ ەسەبىنەن ناقتى جۇمىس ىستەلگەن ۋاقىت ءۇشىن جۇرگىزىلەدى. ورتاشا جالاقىنى ەسەپتەۋ كەزىندە وسى قاعيدالارعا قوسىمشادا كورسەتىلگەن تولەمدەر ەسكەرىلمەيدى. 7. قىزمەتكەردىڭ ورتاشا جالاقىسى ورتاشا كۇندىك (ساعاتتىق) جالاقىنى وقيعا كەزەڭىنە سايكەس كەلەتىن جۇمىس كۇندەرىنىڭ (جۇمىس ساعاتتارىنىڭ) سانىنا كوبەيتۋ جولىمەن ەسەپتەلەدى. 8. بارلىق جاعدايلاردا ورتاشا كۇندىك (ساعاتتىق) جالاقى ەسەپ ايىرىسۋ كەزەڭدە ەسەپتەلگەن جالاقى سوماسىن ەسەپ ايىرىسۋ كەزەڭدەگى جۇمىس كۇندەرىنىڭ (ساعاتتارىنىڭ) سانىنا ءبولۋ جولىمەن ايقىندالادى. 9. ەگەر ەسەپ ايىرىسۋ كەزەڭى جۇمىسپەن تولىق وتەلمەسە, وندا ورتاشا كۇندىك (ساعاتتىق) جالاقى جۇمىس ىستەلگەن ۋاقىت ءۇشىن ەسەپتەلگەن جالاقىنىڭ سوماسىن وسى جۇمىس ىستەلگەن ۋاقىتقا سايكەس كەلەتىن بەس كۇندىك نەمەسە التى كۇندىك جۇمىس اپتاسى كەزىندەگى جۇمىس كۇندەرىنىڭ (ساعاتتارىنىڭ) سانىنا تيىسىنشە ءبولۋ جولىمەن ايقىندالادى. 10. ەگەر ەسەپ ايىرىسۋ كەزەڭىندە قىزمەتكەرگە جالاقى ەسەپتەلمەگەن بولسا, وندا ورتاشا كۇندىك (ساعاتتىق) جالاقىنى ەسەپتەۋ ەسەپ ايىرىسۋ كەزەڭىنىڭ الدىنداعى ون ەكى ايداعى جۇمىسى نە ەسەپ ايىرىسۋ كەزەڭىنىڭ الدىنداعى وسى جۇمىس بەرۋشىدە ناقتى جۇمىس ىستەگەن ۋاقىت كەزەڭى ءۇشىن ەسەپتەلگەن جالاقى سوماسىن وسى جۇمىس ىستەلگەن ۋاقىتقا سايكەس كەلەتىن بەس كۇندىك نەمەسە التى كۇندىك جۇمىس اپتاسى كەزىندەگى جۇمىس كۇندەرىنىڭ (ساعاتتارىنىڭ) سانىنا تيىسىنشە ءبولۋ جولىمەن جۇزەگە اسىرىلادى. 11. تولىق ەمەس جۇمىس اپتاسى (جۇمىس كۇنى) كەزىندە ورتاشا كۇندىك (ساعاتتىق) جالاقى وسى قاعيدالاردىڭ 8, 9, 10-تارماقتارىنا سايكەس ەسەپتەلەدى. 12. ەگەر قىزمەتكەر جۇمىسقا ورنالاسقان كەزدە ەسەپتەلگەن جالاقى سوماسى بولماسا نە وقيعا الدىنداعى 24 اي بويى جالاقىسى بولماعان جاعدايدا, وندا وقيعا ورىن العان جاعدايدا ورتاشا كۇندىك (ساعاتتىق) جالاقى قىزمەتكەردىڭ كۇندىك (ساعاتتىق) تاريفتىك مولشەرلەمەسىن (لاۋازىمدىق جالاقىسىن) نەگىزگە الا وتىرىپ ەسەپتەلەدى. 13. لاۋازىمدىق جالاقى ارتتىرىلعان جاعدايدا ورتاشا جالاقىنى ەسەپتەۋ ارتتىرۋ كوەففيتسيەنتىن ەسكەرە وتىرىپ, مىناداي تارتىپپەن جۇرگىزىلەدى: 1) ەگەر ارتتىرۋ ەسەپ ايىرىسۋ كەزەڭىندە جۇرگىزىلسە, ارتتىرۋدىڭ الدىنداعى ءاربىر اي ءۇشىن ورتاشا جالاقى ارتتىرۋ كوەففيتسيەنتىن ەسكەرە وتىرىپ ەسەپتەلەدى; 2) ەگەر ارتتىرۋ ەسەپ ايىرىسۋ كەزەڭىنەن كەيىن وقيعا بولعانعا دەيىن جۇرگىزىلسە, ەسەپ ايىرىسۋ كەزەڭى ءۇشىن ورتاشا جالاقى ارتتىرۋ كوەففيتسيەنتىن ەسكەرە وتىرىپ ەسەپتەلەدى; 3) ەگەر ارتتىرۋ وقيعا كەزەڭىندە جۇرگىزىلسە, ورتاشا جالاقىنىڭ ءبىر بولىگى لاۋازىمدىق جالاقى (مولشەرلەمە) ارتتىرىلعان كۇنىنەن باستاپ كورسەتىلگەن كەزەڭ اياقتالعانعا دەيىن ارتتىرۋ كوەففيتسيەنتىن ەسكەرە وتىرىپ ەسەپتەلەدى. ارتتىرۋ كوەففيتسيەنتى ارتتىرۋ ايىندا بەلگىلەنگەن لاۋازىمدىق جالاقىنى (مولشەرلەمەنى) ارتتىرۋعا دەيىن بەلگىلەنگەن لاۋازىمدىق جالاقىعا (مولشەرلەمەنى) ءبولۋ جولىمەن ەسەپتەلەدى. قىزمەتكەردى ءبىر لاۋازىمنان ەكىنشىسىنە اۋىستىرعان كەزدە ارتتىرۋ كوەففيتسيەنتى قولدانىلمايدى. 14. وتكەن جىلدىڭ جۇمىس قورىتىندىسى بويىنشا تولەنەتىن جىلدىق سىيلىقاقىلاردى, سىياقىلاردى قوسپاعاندا, تۇراقتى سيپاتتاعى جانە جۇمىس بەرۋشىنىڭ ەڭبەكاقى تولەۋ جۇيەسىندە كوزدەلگەن سىيلىقاقىلار مەن ەڭبەك ناتيجەلەرى ءۇشىن تولەنەتىن باسقا دا ىنتالاندىرۋ تولەمدەرى ورتاشا جالاقىنى ەسەپتەۋ كەزىندە ەسەپتەلگەن ۋاقىتى بويىنشا قوسىلادى. جۇمىس بەرۋشىنىڭ ەڭبەكاقى تولەۋ مەن سىيلىقاقى بەرۋ جۇيەسىندە كوزدەلگەن جۇمىس قورىتىندىسى بويىنشا تولەنەتىن توقساندىق, جارتى جىلدىق سىيلىقاقىلار ەسەپ ايىرىسۋ كەزەڭىنىڭ ءاربىر ايىنا تيىسىنشە 1/3, 1/6 مولشەرىندە ەسەپتەلەدى; ايلىق سىيلىقاقىلار – ەسەپ ايىرىسۋ كەزەڭىنىڭ ءاربىر ايى ءۇشىن بىرەۋدەن اسپاۋعا ءتيىس. وتكەن جىلدىڭ جۇمىس قورىتىندىسى بويىنشا تولەنەتىن جىلدىق سىيلىقاقىلار, سىياقىلار ورتاشا جالاقىنى ەسەپتەۋ كەزىندە, ەسەپ ايىرىسۋ كەزەڭى شەگىندەگى جىلدىق سىيلىقاقىنى, سىياقىنى ناقتى تولەۋ ايىنىڭ الدىنداعى ءاربىر ايعا 1/12 مولشەرىندە ناقتى تولەۋ ساتىنەن باستاپ ەسەپتەلەدى. ەسەپ ايىرىسۋ كەزەڭىنە كەلەتىن ۋاقىت جۇمىسپەن تولىق وتەلمەگەن جاعدايلاردا, ورتاشا جالاقىنى ەسەپتەۋ كەزىندە سىيلىقاقىلار, سىياقىلار ەسەپ ايىرىسۋ كەزەڭىندەگى جۇمىس ىستەگەن ۋاقىتقا بارابار ەسەپتەلەدى. ورتاشا جالاقىنى ەسەپتەۋ كەزىندە اكتسيالارىنىڭ باقىلاۋ پاكەتى مەملەكەتكە تيەسىلى ۇلتتىق كومپانيالاردىڭ, اكتسيونەرلىك قوعامداردىڭ باسشى قىزمەتكەرلەرىنىڭ جىلدىق سىيلىقاقىلارى ەسكەرىلمەيدى. ورتاشا جالاقىنى ەسەپتەۋدىڭ بىرىڭعاي قاعيداسىنا قوسىمشا ورتاشا جالاقىنى ەسەپتەۋ كەزىندە ەسكەرىلمەيتىن تولەمدەر ورتاشا جالاقىنى ەسەپتەۋ كەزىندە ەسكەرىلمەيتىن تولەمدەرگە مىنالار: 1. جىل سايىنعى اقىلى ەڭبەك دەمالىسىنىڭ پايدالانىلماعان بولىگى ءۇشىن وتەماقى; 2. ەڭبەككە ۋاقىتشا جارامسىزدىعى بويىنشا الەۋمەتتىك جاردەماقى, سونداي-اق جۇمىس بەرۋشى بەلگىلەيتىن الەۋمەتتىك جاردەماقى مولشەرىنە قوسىمشا تولەمدەر; 3. جىل سايىنعى اقىلى ەڭبەك دەمالىسىن بەرۋ كەزىندە قىزمەتكەرلەرگە تولەنەتىن ساۋىقتىرۋعا ارنالعان جاردەماقى; 4. قىزمەتتىك ىسساپارعا جىبەرىلەتىن قىزمەتكەرلەرگە بەرىلەتىن وتەماقى; 5. تۇراقتى جۇمىسى جولدا وتەتىن نەمەسە ءجۇرىپ-تۇرۋ سيپاتىندا نە قىزمەت كورسەتەتىن ۋچاسكەلەرى شەگىندە قىزمەتتىك ساپارلارمەن بايلانىستى بولعان جاعدايلاردا بەرىلەتىن وتەماقى تولەمدەرى; 6. دالا جۇمىستارىمەن اينالىساتىن قىزمەتكەرلەرگە بەرىلەتىن دالالىق جابدىقتالىم; 7. قىزمەتكەردى جۇمىس بەرۋشىمەن بىرگە باسقا جەرگە جۇمىسقا اۋىستىرۋ نەمەسە كوشىرۋ كەزىندەگى وتەماقى تولەمى; 8. قىزمەتكەردىڭ (جەكە تۇلعانىڭ) جەكە مۇلكىن تاراپتاردىڭ كەلىسىمى نەگىزىندە جۇمىس بەرۋشىنىڭ مۇددەلەرى ءۇشىن پايدالانعان كەزدەگى شىعىستاردى وتەۋ; 9. ەڭبەك كودەكسىنە سايكەس بەرىلگەن ءسۇتتىڭ نەمەسە وعان تەڭەستىرىلگەن باسقا دا ازىق-ت ۇلىكتىڭ ەمدەۋ-پروفيلاكتيكالىق تاعامداردىڭ, ارنايى كيىمنىڭ جانە باسقا دا جەكە قورعانۋ قۇرالدارىنىڭ قۇنى; 10. قىزمەتكەر ەڭبەك مىندەتتەرىن اتقارۋ كەزىندە ونىڭ ءومىرى مەن دەنساۋلىعىنا كەلتىرىلگەن زياندى وتەۋ بويىنشا تولەمدەر (جوعالتقان جالاقىسى بولىگىندەگى تولەمدەردەن باسقا); 11. قىزمەتكەرلەرگە جۇمىس بەرۋشى (بالا تۋعان كەزدە, دارىگەرلىك قىزمەتتىڭ اقىسىن تولەۋ ءۇشىن, جەرلەۋگە جانە باسقا دا جاعدايلاردا) كورسەتەتىن ماتەريالدىق كومەك (اقشالاي جاردەماقى), سونداي-اق جۇمىس بەرۋشىنىڭ قاراجاتى ەسەبىنەن ۇجىمدىق شارتتا جانە (نەمەسە) جۇمىس بەرۋشىنىڭ اكتىسىندە قوسىمشا كوزدەلگەن وتەماقىلار مەن الەۋمەتتىك كەپىلدىكتەر تولەمدەرى; 12. بىرجولعى كوتەرمەلەۋ تولەمدەرى (بىرجولعى اقشالاي سىياقىلاردى قوسا العاندا); 13. ەڭبەك كودەكسىنە سايكەس جۇمىس بەرۋشىنىڭ كىناسىنەن جالاقى تولەمدەرى كەشىكتىرىلگەن كەزدە جانە «اكىمشىلىك قۇقىق بۇزۋشىلىق تۋرالى» 2014 جىلعى 5 شىلدەدەگى قازاقستان رەسپۋبليكاسىنىڭ كودەكسىنە سايكەس مىندەتتى زەينەتاقى جارنالارىن ۋاقتىلى اۋدارماعانى ءۇشىن جۇمىس بەرۋشىنىڭ قىزمەتكەرگە تولەيتىن وسىماقىلارى; 14. قىزمەتكەرلەردى وقىتۋعا جانە بىلىكتىلىگىن ارتتىرۋعا بايلانىستى جۇمىس بەرۋشىنىڭ شىعىستارى; 15. سپورتتىق بايقاۋلاردا, كونكۋرستار مەن جارىستاردا جۇلدەلى ورىندار ءۇشىن بەرىلەتىن اقشالاي ناگرادالار; 16. ەڭبەك كودەكسىنىڭ 124-بابىنا سايكەس قىزمەتكەرگە مەملەكەتتىك جانە قوعامدىق مىندەتتەردى ورىندايتىن جەرى بويىنشا تولەنگەن جالاقى; 17. ەڭبەك كودەكسىنىڭ 72-بابىنا سايكەس قىزمەتكەرلەرگە كۇندەلىكتى جۇمىسىن (جۇمىس اۋىسىمىن) بولىكتەرگە ءبولۋ كەزىندەگى جۇمىسى ءۇشىن وتەماقى تولەمدەرى; 18. ۇيدە جۇمىس ىستەيتىن قىزمەتكەرلەرگە تولەنەتىن وتەماقى تولەمدەرى; 19. ەڭبەك كودەكسىنىڭ 82-بابىنا سايكەس بالانى (بالالاردى) تاماقتاندىرۋعا ارنالعان ۇزىلىستەر ۋاقىتى ءۇشىن ساقتالعان ورتاشا جالاقى جاتادى. قازاقستان رەسپۋبليكاسى ادىلەت مينيسترلىگى نورماتيۆتىك قۇقىقتىق اكتى 2015 جىلعى 26 جەلتوقساندا نورماتيۆتىك قۇقىقتىق اقتىلەردى مەملەكەتتىك تىركەۋ تىزىلىمىنە № 12533 بولىپ تىركەلدى.