قازاق ءانى «قارلىعاشتى» شىرقاپ, جۇرتتى تاڭ قالدىردى
سوڭعى بىرنەشە كۇننەن بەرى قىتاي حالىق رەسپۋبليكاسىنىڭ توراعاسى سي ءتسزينپيننىڭ زايىبى پەن ليۋاننىڭ قازاق ءانى «قارلىعاشتى» كەلىستىرىپ شىرقاعانى الەۋمەتتىك جەلىنى ءدۇر سىلكىندىرىپ تۇر. راس, ينتەرنەتكە سالىنعان روليكتە ءاننىڭ اتى دا, ونىڭ اۆتورى دا ايتىلمايدى. جانە ول حانزۋ تىلىندە شىرقالادى. ءبىراق مۋزىكا ماماندارىن بىلاي قويعاندا, قاراپايىم جەلى پايدالانۋشىلاردىڭ ءوزى ونىڭ قازاقتىڭ ءبىرتۋار كومپوزيتورى احمەت جۇبانوۆتىڭ تۋىندىسى ەكەنىن بىردەن جازباي تانىدى.
ال بۇل ءاننىڭ شىعۋ تاريحى مىناداي. ونىڭ ءسوزىن 1941 جىلى دراماتۋرگ يبادوللا ماتاقوۆ ا.جۇبانوۆ باسقاراتىن حور كاپەللاسىندا ءان سالاتىن ءجاميلا احمەتوۆا دەگەن قىزعا عاشىق بولىپ شىعارادى. وسى ولەڭنىڭ جولدارىن سول بويدا ۇناتقان جاس كومپوزيتور اۆتورمەن كەلىسىپ, وعان ءان جازادى. ساحنادا, راديودان ءجيى ورىندالعان اۋەن كوپ ۇزاماي ەل اراسىنا كەڭىنەن تاراپ كەتەدى. ول 40-50-جىلدارى حالىقتىڭ سۇيىكتى تۋىندىسىنا اينالادى. تاعى ءبىر ايتاتىن نارسە, ماحاببات تۋرالى ءاننىڭ ارقاسىندا جوعارىداعى يبادي مەن ءجاميلا قوسىلادى.
ەندى قىتايدىڭ ءبىرىنشى حانىمى پەن ليۋانگە كەلسەك, بۇل ونىڭ بۇرىنعى كەڭەس رەسپۋبليكالارى حالىقتارى ءاندەرىن ءبىرىنشى رەت ورىنداۋى ەمەس ەكەن. ول 2013 جىلى ناۋرىز ايىنىڭ سوڭىندا رەسەيگە رەسمي ساپار تۇزگەن جۇبايىمەن ءبىرگە كەلگەنىندە, ا.الەكساندروۆ اتىنداعى ءان جانە بي اكادەميالىق انسامبلىنە ارنايى اتباسىن بۇرىپ, اتى اڭىزعا اينالعان ونەر ۇجىمىنىڭ سۇيەمەلدەۋىمەن ورىستىڭ «وي, تسۆەتەت كالينا» ءانىن تاماشا ەتىپ شىرقايدى. الەۋمەتتىك جەلىلەردە قازىر وسى ورىنداۋ دا بار.
نەگىزى, مۇنىڭ ءوزى تەگىن ەمەس ەكەن. پەن ليۋان حانىم اسپاناستى ەلىنىڭ ايگىلى ءانشىسى. ول 18 جاسىنان قىتاي حالىق-ازاتتىق ارمياسى ساپىنا قوسىلىپ, كەرەمەت انشىلىك تالانتى ارقاسىندا اسكەري بولىمدەرگە گاسترولگە شىعىپ تۇرىپتى. وسى قىزمەتتە كەيىن گەنەرال-مايور شەنىنە دەيىن جەتكەن.
مۇرات ايتقوجا.
سىزدەر پەن ليۋان حانىم ورىنداعان «قارلىعاش» ءانى مەن ونىڭ قازاق تىلىندەگى نۇسقاسى ۆيدەوسىن گازەتتىڭ سايتىنان تىڭداي الاسىزدار.
ال 2002 جىلى بۇل ءاندى قازاقستاننىڭ «داۋىس International» توبى بىلاي ورىنداعان بولاتىن
قازاق ءانى «قارلىعاشتى» شىرقاپ, جۇرتتى تاڭ قالدىردى
سوڭعى بىرنەشە كۇننەن بەرى قىتاي حالىق رەسپۋبليكاسىنىڭ توراعاسى سي ءتسزينپيننىڭ زايىبى پەن ليۋاننىڭ قازاق ءانى «قارلىعاشتى» كەلىستىرىپ شىرقاعانى الەۋمەتتىك جەلىنى ءدۇر سىلكىندىرىپ تۇر. راس, ينتەرنەتكە سالىنعان روليكتە ءاننىڭ اتى دا, ونىڭ اۆتورى دا ايتىلمايدى. جانە ول حانزۋ تىلىندە شىرقالادى. ءبىراق مۋزىكا ماماندارىن بىلاي قويعاندا, قاراپايىم جەلى پايدالانۋشىلاردىڭ ءوزى ونىڭ قازاقتىڭ ءبىرتۋار كومپوزيتورى احمەت جۇبانوۆتىڭ تۋىندىسى ەكەنىن بىردەن جازباي تانىدى.
ال بۇل ءاننىڭ شىعۋ تاريحى مىناداي. ونىڭ ءسوزىن 1941 جىلى دراماتۋرگ يبادوللا ماتاقوۆ ا.جۇبانوۆ باسقاراتىن حور كاپەللاسىندا ءان سالاتىن ءجاميلا احمەتوۆا دەگەن قىزعا عاشىق بولىپ شىعارادى. وسى ولەڭنىڭ جولدارىن سول بويدا ۇناتقان جاس كومپوزيتور اۆتورمەن كەلىسىپ, وعان ءان جازادى. ساحنادا, راديودان ءجيى ورىندالعان اۋەن كوپ ۇزاماي ەل اراسىنا كەڭىنەن تاراپ كەتەدى. ول 40-50-جىلدارى حالىقتىڭ سۇيىكتى تۋىندىسىنا اينالادى. تاعى ءبىر ايتاتىن نارسە, ماحاببات تۋرالى ءاننىڭ ارقاسىندا جوعارىداعى يبادي مەن ءجاميلا قوسىلادى.
ەندى قىتايدىڭ ءبىرىنشى حانىمى پەن ليۋانگە كەلسەك, بۇل ونىڭ بۇرىنعى كەڭەس رەسپۋبليكالارى حالىقتارى ءاندەرىن ءبىرىنشى رەت ورىنداۋى ەمەس ەكەن. ول 2013 جىلى ناۋرىز ايىنىڭ سوڭىندا رەسەيگە رەسمي ساپار تۇزگەن جۇبايىمەن ءبىرگە كەلگەنىندە, ا.الەكساندروۆ اتىنداعى ءان جانە بي اكادەميالىق انسامبلىنە ارنايى اتباسىن بۇرىپ, اتى اڭىزعا اينالعان ونەر ۇجىمىنىڭ سۇيەمەلدەۋىمەن ورىستىڭ «وي, تسۆەتەت كالينا» ءانىن تاماشا ەتىپ شىرقايدى. الەۋمەتتىك جەلىلەردە قازىر وسى ورىنداۋ دا بار.
نەگىزى, مۇنىڭ ءوزى تەگىن ەمەس ەكەن. پەن ليۋان حانىم اسپاناستى ەلىنىڭ ايگىلى ءانشىسى. ول 18 جاسىنان قىتاي حالىق-ازاتتىق ارمياسى ساپىنا قوسىلىپ, كەرەمەت انشىلىك تالانتى ارقاسىندا اسكەري بولىمدەرگە گاسترولگە شىعىپ تۇرىپتى. وسى قىزمەتتە كەيىن گەنەرال-مايور شەنىنە دەيىن جەتكەن.
مۇرات ايتقوجا.
سىزدەر پەن ليۋان حانىم ورىنداعان «قارلىعاش» ءانى مەن ونىڭ قازاق تىلىندەگى نۇسقاسى ۆيدەوسىن گازەتتىڭ سايتىنان تىڭداي الاسىزدار.
ال 2002 جىلى بۇل ءاندى قازاقستاننىڭ «داۋىس International» توبى بىلاي ورىنداعان بولاتىن
سوڭعى جاڭالىقتار
استانادا وليمپيادا چەمپيونى ميحايل شايدوروۆتى سالتاناتتى تۇردە قارسى الدى
ەلوردا • بۇگىن, 02:45
قوعام • كەشە
«اتىراۋ» فۋتبول كلۋبى ساتىلىمعا شىعارىلدى
فۋتبول • كەشە
مويىنقۇم اۋدانىندا ءورت ءسوندىرۋ ءبولىمى اشىلدى
ايماقتار • كەشە
25 اقپانعا دەيىن سالىقتاردى تولەپ ۇلگەرىڭىز
سالىق • كەشە
«رەال» باس باپكەرگە بايلانىستى شەشىم قابىلدادى
فۋتبول • كەشە
