زيكا بەزگەگى ۇندىستانداعى كولىك وندىرىسىنە زيانىن تيگىزدى

استانا. 24 اقپان. تاياۋدا ءۇندىستان استاناسى – نيۋ-دەلي قالاسىندا وتاندىق اۆتوكولىك ءوندىرىسىنىڭ كورمەسى ءوتتى. وندا وسى ەلدەگى ەڭ ءىرى اۆتوكونتسەرن – Tata كومپانياسى Zica دەپ اتالاتىن جاڭا كولىك ءتۇرىن جۇرتشىلىق نازارىنا ۇسىنعان بولاتىن. الايدا, جاڭا مودەلدىڭ اتاۋى بۇگىندە بۇكىل الەمدى الاڭداتىپ وتىرعان ىندەتپەن بىردەي بولعاندىقتان, كوپشىلىكتىڭ كەرى اسەرىن تۋدىردى. بۇل تۋرالى rg.ru پورتالىنا سىلتەمە جاساعان egemen.kz ءتىلشىسى حابارلادى. نەگىزىندە كولىكتىڭ تولىق اتاۋى Zippy Car («ۇنەمدى اۆتوموبيل») ەكەن. ماركەتولوگتار وسى ەكى ءسوزدى بىرىكتىرىپ, تىلگە جەڭىل اتاۋ ويلاپ تاپقانىمەن, قىسقارعان نۇسقاسى كوپشىلىكتىڭ كوڭىلىنەن شىقپادى. ناتيجەسىندە كومپانيا جەتەكشىلەرى جاعىمسىز سوزدەن ارىلىپ, جاڭا كولىكتى Tiago دەپ وزگەرتۋگە ءماجبۇر بولدى. بۇل اتاۋ اشىق بايقاۋ قورىتىندىسى بويىنشا تاڭداپ الىندى. ايتا كەتەيىك, Zica اتاۋىن وزگەرتۋ ءىسى كەيىن قولعا الىنعاندىقتان, اۆتوموبيل كورمەسىندە اتالعان كولىك بەزگەكتىڭ اتىمەن تانىستىرىلدى. ەلامان قوڭىر. دەرەك: rg.ru. سۋرەت: tatamotors.com.