ازەربايجان ەلشىسىمەن كەزدەستى

كەشە قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى ق.تۇرعانقۇلوۆ ازەربايجان رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ر.ماممادوۆپەن كەزدەستى. ورتسايلاۋكوم باسشىسى مام­مادوۆتى 2016 جىلعى 25 قاڭتاردا قازاقستان رەسپۋبليكاسىنداعى ازەربايجان رەسپۋبليكاسىنىڭ ەلشىسى قىزمەتىنە كىرىسكەنىمەن قۇت­تىقتادى جانە ونى پارلا­مەنت ءماجىلىسىنىڭ جانە ءماسلي­حات­تارىنىڭ دەپۋتاتتارىن سايلاۋ جونىندەگى سايلاۋ ناۋقانىنىڭ بارىسىمەن تانىستىردى. «20 اقپاننان پارتيالىق تىزىمدەرى تىركەلگەن التى ساياسي پارتيا ءۇشىن ەلەكتوراتتىق ناۋقاننىڭ نەگىزگى كەزەڭ­دەرىنىڭ ءبىرى – سايلاۋالدى ۇگىت باستا­لادى. سونداي-اق, 20 اقپاننان قازاق­ستان حالقى اسسامبلەياسى سايلايتىن قازاقستان رەسپۋبليكاسى پارلامەنتى ءماجىلىسىنىڭ دەپۋ­تات­تىعىنا كانديداتتاردى ۇسىنۋ دا باستالادى», – دەدى ق. تۇرعانقۇلوۆ. ورتسايلاۋكوم مۇشەسى ت. وح­لوپ­كوۆا كەزدەسۋگە قاتىسۋشىلاردى قازاقستان حالقى اسسامبلەياسىنان سايلاناتىن پارلامەنت ءما­جى­لىسىنىڭ 9 دەپۋتاتىن سايلاۋدىڭ ەرەكشەلىكتەرىمەن تانىستىردى. ال ر. ماممادوۆ قازاقستان مەن ازەربايجاندى تابىستى ىنتىماقتاستىق بايلانىستىراتىنىن, ونىڭ ىشىندە ءبىزدىڭ ەلدەردەگى سايلاۋ ۇدەرىسىن بايقاۋدى ۇيىمداستىرۋداعى تاجىريبە الماسۋدىڭ ماڭىزدىلىعىنا نازار اۋداردى. سونىمەن بىرگە, ول ديپلوماتيالىق كورپۋستىڭ اعىمداعى پارلامەنتتىك سايلاۋعا مونيتورينگ جۇرگىزۋگە حالىقارالىق بايقاۋشىلار رەتىندە قاتىساتىنى تۋرالى اقپاراتتاندىردى جانە قازاقستان رەسپۋبليكاسىندا سايلاۋ ادەتتە دەموكراتيالىق جاعدايدا وتەتىنىن اتاپ ءوتتى. ءاليسۇلتان قۇلانباي, «ەگەمەن قازاقستان».