تۇركيادا تەررورلىق ارەكەت سالدارىنان 28 ادام قازا تاپتى

استانا. 18 اقپان. وتكەن تۇندە تۇركيا استاناسى – انكارا قالاسىندا جارىلىس بولىپ, 28 ادام قازا تاپتى. لاڭكەستىك وقيعا قالانىڭ ورتالىق اۋدانىندا ورنالاسقان اسكەري جاتاقحانانىڭ ماڭايىندا بولعان. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. سوڭىمەن قاتار, جارىلىس بولعان اۋداندا تۇركيانىڭ اسكەري اۋە كۇشتەرى جانە اسكەري تەڭىز كۇشتەرى قولباسشىلىعىنىڭ عيماراتى ورنالاسقان. ودان بولەك, وقيعا ورنىنان 100-300 مەتر جەردە باس شتاب, ىشكى ىستەر مينيسترلىگى جانە پارلامەنت عيماراتى بار. الدىن الا بەلگىلى بولعان دەرەكتەرگە قاراعاندا, باعدارشامعا توقتاعان تۇركيا قارۋلى كۇشتەرىنىڭ قىزمەتتىك اۆتوبۋسى جانىندا مينا قويىلعان اۆتوكولىك جارىلعان. بۇل كەزدە اۆتوبۋستا قىزمەتتەرىنەن جاتاقحاناعا قايتىپ كەلە جاتقان ساربازدار مەن وفيتسەرلەر بولعان. تۇركيانىڭ باس شتابى وسى وقيعاعا بايلانىستى ەل استاناسىندا اسكەري قىزمەتشىلەرگە تەررورلىق شابۋىل جاسالعانىن مالىمدەدى. سونىڭ سالدارىنان 28 ادام قازا تاپسا, 61-ءى جاراقات الدى. ەلامان قوڭىر. دەرەك: تاسس. سۋرەت: EPA.