«تەڭىزشەۆرويل» وتكەن جىلدىڭ ەسەبىن بەردى

الماتى. 17 اقپان. «تەڭىزشەۆرويل» جاۋاپكەرشىلىگى شەكتەۋلى سەرىكتەستىگى اتىراۋ وبلىسىنداعى الەۋمەتتىك ينۆەستيتسيالىق باعدارلامانىڭ جۇزەگە اسۋى جونىندەگى جىلدىق جينالىسىندا ءىس جۇزىندەگى باعدارلامالاردىڭ ناتيجەسىن باياندادى. بۇل تۋرالى كومپانيانىڭ ۇكىمەتپەن جانە جۇرتشىلىقپەن بايلانىس ءبولىمى تاراتقان مالىمەتتەرىنە سىلتەمە جاساعان egemen.kz ءتىلشىسى حابارلادى. «بيزنەستىڭ كورپوراتيۆتىك جاۋاپكەرشىلىگى بويىنشا الەمدەگى الدىڭعى قاتارلى تاجىريبەلەرىن نەگىزگە الا وتىرىپ, «تەڭىزشەۆرويل» ەرىكتى «يگىلىك» باعدارلاماسى جانە الەۋمەتتىك ينۆەستيتسيالار باعدارلاماسى سەكىلدى بىرقاتار ماقساتتى جوبالاردى جۇزەگە اسىرۋ ارقىلى اتىراۋ وبلىسىنداعى الەۋمەتتىك سالانى دامىتۋعا ايتارلىقتاي قارجى جۇمساۋدا», – دەدى كومپانيانىڭ باس ديرەكتورى تەد ەتچيسون. بۇگىندە «تەڭىزشەۆرويل» الەۋمەتتىك ماڭىزدى ماسەلەلەردى شەشۋدە تاجىريبەسى بار ۇكىمەتتىك ەمەس ۇيىمدارمەن بىرلەسكەن جۇمىسى ءوز جەمىسىن بەرۋدە. جىلدىق بيۋدجەتى 1 ميلليون اقش دوللارىنان اسا قۇرايتىن الەۋمەتتىك ينۆەستيتسيالار باعدارلاماسى دەنساۋلىق ساقتاۋ, ءبىلىم بەرۋگە باعىتتالعان جوبالاردى تابىستى جۇزەگە اسىرۋعا مۇمكىندىك تۋعىزدى. جىلدىق ەسەپكە ارنالعان شارادا جەرگىلىكتى كاسىپكەرلىك پەن جۇرتشىلىقتى قولداۋدىڭ ۇلگىسىن كورسەتۋدە ۇزدىك دەپ تانىلعان بىرقاتار ۇكىمەتتىك ەمەس ۇيىمدار مەن ءبىر توپ ەرىكتىلەر ارنايى سىيلىقپەن ماراپاتتالدى. 1993 جىلدان باستاپ كومپانيا ءوز قىزمەتكەرلەرى مەن جەرگىلىكتى تۇرعىنداردىڭ يگىلىگى ءۇشىن اتىراۋ وبلىسىنىڭ ءارتۇرلى الەۋمەتتىك جوبالارىنا 1,1 ميلليارد اقش دوللارىنان استام قارجى جۇمسادى. ال 2016 جىلعا اتىراۋ وبلىسىنىڭ دەنساۋلىق ساقتاۋ, ءبىلىم جانە وقىتۋ سالالارىنىڭ ساپاسىن جاقسارتۋعا كومەكتەسۋ ءۇشىن كومپانيانىڭ الەۋمەتتىك ينۆەستيتسيالار باعدارلاماسىنا 1 ميلليون اقش دوللارى شاماسىندا قارجى ءبولىندى. ايناش ەسالي. دەرەك, سۋرەت: «تەڭىزشەۆرويل» ۇكىمەتپەن جانە جۇرتشىلىقپەن بايلانىس ءبولىمى.