كورمەگە قىزىعۋشىلىق ارتا تۇسۋدە

جاقىندا سىرتقى ىستەر ءمينيسترىنىڭ ءبىرىنشى ورىنباسارى, ەكسپو-2017-ءنىڭ كوميسسارى ءراپىل جوشىباەۆ باستاعان قازاقستاندىق دەلەگاتسيا جۇمىس ساپارىمەن بەلگيا كورولدىگىندە بولدى. ساپار بارىسىندا بەلگيانىڭ ۆاللونيا ايماعى ىسكەر توپ­تارى­نىڭ جەتەكشىلەرىمەن جانە وكىل­دەرىمەن كەزدەسۋلەر وتكىزدى. ۆاللونيا ايماعى ۇكىمەتى باسشى­سىنىڭ ورىنباسارى, ەكونوميكا, ءبىلىم, كوممەرتسيا جانە جاڭا تەحنولوگيالار ءمينيسترى جان-كلود ماركۋرمەن وتكىزىلگەن كەلىسسوزدەر بارىسىندا ەكى ەل اراسىنداعى ىنتىماقتاستىق بايلانىستاردىڭ بولاشاعى تىلگە تيەك ەتىلدى. كەزدەسۋ كەزىندە ر.جوشىباەۆ ەكسپو-2017 كورمەسىنە دايىندىق بارىسى تۋرالى كەڭىنەن اڭگىمەلەپ, بەلگيالىق بيزنەسمەندەردى حالىقارالىق كورمە جۇمىسىنا قاتىسۋعا شاقىردى. تاراپتار بەلگيالىق كوم­پا­نيا­لاردىڭ «جاسىل» ەنەرگەتيكا سالاسىنداعى ىنتىماقتاستىعى قا­زاقستان جانە بەلگيا اراسىنداعى ەكونوميكالىق بايلانىستاردى جاڭا دەڭگەيگە كوتەرەتىندىگىن اتاپ كورسەتتى. بەلگيالىق ءمينيستردىڭ ايتۋى بويىنشا, كورولدىك 2050 جىلدارى ەلدىڭ بۇكىل ەنەرگەتيكاسىن جاڭعىرمالى قۋات كوزدەرىنە كوشىرۋ جونىندە اسا جوعارى جوس­پار قابىلداعاندىعىن تىلگە تيەك ەتتى. وسى جاڭعىرمالى ەنەرگەتيكانى دامىتۋ جونىندەگى ۇلتتىق جوسپارعا بايلانىستى 2020 جىلى بەلگيانىڭ بارلىق ەنەرگەتيكالىق قۋاتىنىڭ 13 پايىزى بالامالى ەنەرگەتيكا كوزدەرىنەن قامتاماسىز ەتىلەتىن بولادى. وسى ورايدا ج.-ك.ماركۋر استانادا وتەتىن ەكسپو-2017 حالىقارالىق كور­مەسى شەڭبەرىندە بەلگيالىق كومپانيالاردىڭ «جاسىل» ەنەرگەتيكا سالاسىنداعى تاجىريبەسىمەن بولىسەتىندىگىن ايتتى. سونىمەن بىرگە, ساپار بارىسىندا ر.جوشىباەۆ ۆاللونيانىڭ «جاسىل» ەكونوميكاسىن دامىتۋ جوسپارىنا قاتىسۋشى ءىرى ءجا­نە ۇساق كاسىپورىنداردى, ۋني­ۆەر­سيتەتتەردى, زەرتتەۋ ورتالىقتارىن جانە وقۋ بىرلەستىكتەرىن ءبىر ورتالىققا بىرىكتىرەتىن «Green win» اتتى ۇيىمدا بولدى. وسى جەردە ول جينالعان ىسكەر توپتار وكىلدەرىن قازاقستاندا بيزنەستى دامىتۋ ءۇشىن جاسالىپ وتىرعان مۇمكىندىكتەرمەن جان-جاقتى تانىستىردى. قازاقستان ۇكىمەتىنىڭ ينۆەستيتسيالىق احۋالدى جاقسارتۋ ماقساتىندا ءىس جۇزىنە اسىرىپ جاتقان ءتيىمدى شارالارىن تىلگە تيەك ەتتى. كەزدەسۋلەر قورىتىندىسىندا بىرقاتار بەلگيالىق كومپانيالاردىڭ باسشىلارى استانا قالاسىندا وتەتىن ەكسپو-2017 كورمەسىنە قاتىسۋعا قىزىعۋشىلىق تانىتتى. ۇلان سانجار.