بيۋللەتەندەر سانى بەكىتىلدى

ورتالىق سايلاۋ كوميسسياسىنىڭ كەشەگى وتىرىسىندا وسك پارلامەنت ءماجىلىسىنىڭ پارتيالىق تىزىمدەر بويىنشا سايلاناتىن دەپۋتاتتارىن سايلاۋدا ساياسي پارتيالارعا داۋىس بەرۋگە ارنالعان سايلاۋ بيۋللەتەنىنىڭ ءماتىنىن بەكىتتى جانە سايلاۋدى بايقاۋ جونىندەگى ەقىۇ/دياقب ميسسياسىنىڭ تاعى 28 بايقاۋشىسىن اككرەديتتەدى. ءبىرىنشى ماسەلە بويىنشا قۇجات جوباسىمەن ورتالىق سايلاۋ كوميسسياسى توراعاسىنىڭ ورىنباسارى ۆلاديمير فووس تانىستىردى. ونىڭ اتاپ وتۋىنشە, «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ 1995 جىلعى 28 قىركۇيەكتەگى كونس­تيتۋتسيالىق زاڭىنىڭ 12, 24 ءجا­نە 37-باپتارىنا سايكەس قر وسك 2016 جىلعى 1 قاڭتارداعى جاع­داي بويىنشا سايلاۋ كوميسسيا­لارىنا ۇسىنىلعان سايلاۋشىلار تۋرالى مالىمەتتەرگە ساي دايىن­دالۋعا جانە سايلاۋ ۋچاسكە­لەرىنە جەتكىزىلۋگە ءتيىس سايلاۋ بيۋللەتەندەرىنىڭ سانى قازاق­ستان رەسپۋبليكاسىنداعى سايلاۋ­شىلاردىڭ جالپى سانىنىڭ 1 پايىزى رەزەرۆىن قوسسا مىناداي بولاتىنىن بەلگىلەدى: ءبىرىنشى – قازاقستان رەسپۋبليكاسى پارلامەنتى ءما­جى­لىسى دەپۋتاتتارىنىڭ كەزەكتەن تىس سايلاۋى بويىنشا – 9889075 دانا; ەكىنشى – قازاقستان رەسپۋبليكاسى ءماسليحاتتارى دەپۋتاتتارىنىڭ كە­زەكتى سايلاۋى بويىنشا – 18321969 دانا. قۇجات جوباسى كوميسسيا ءمۇ­شە­لەرىنەن قولداۋ تاپقان سوڭ, «2016 جىل­عى 20 ناۋرىزعا تاعايىن­دالعان پارلامەنت ءماجىلىسى دەپۋ­تات­تارىنىڭ كەزەكتەن تىس سايلاۋى بويىنشا ساياسي پارتيالارعا جانە ءماسليحاتتارى دەپۋتاتتارىنىڭ كە­زەك­تى سايلاۋى بويىنشا داۋىس بە­رۋگە ارنالعان سايلاۋ بيۋللەتەن­دەرى تۋرالى» قاۋلى قابىلداندى. وتىرىستا, سونداي-اق, ورتساي­لاۋكوم ساياسي پارتيالارعا داۋىس بەرۋگە ارنالعان سايلاۋ بيۋل­لە­تەنىنىڭ ءماتىنىن بەكىتىپ, سايلاۋ بيۋل­لەتەندەرىنىڭ قورعالۋ دارەجەسىن بەلگىلەدى. وبلىستىق, استانا جانە الماتى قالالىق سايلاۋ كوميسسيالارى سايلاۋ بيۋللەتەندەرىن سايلاۋ ۋچاسكەلەرىنە ۋاقتىلى جەتكىزۋدى قامتاماسىز ەتۋى ءتيىس. وتىرىس بارىسىندا وسك ەكىنشى ماسەلە – «2016 جىلعى 20 ناۋرىزعا تاعايىندالعان پارلامەنت ءما­جى­لىسى دەپۋتاتتارىنىڭ كەزەكتەن تىس سايلاۋىنا جانە ءماسليحاتتار دەپۋتاتتارىنىڭ كەزەكتى سايلاۋى­نا حالىقارالىق ۇيىمنىڭ باي­قاۋ­شىلارىن اككرەديتتەۋ تۋرالى» قاۋلىنى دا قابىلدادى. اتالعان قاۋلىعا سايكەس ورتسايلاۋكوم قازاقستان سىرتقى ىستەر مينيستر­لىگىنىڭ ۇسىنۋى بويىنشا سايلاۋ­دى بايقاۋ جونىندەگى ەقىۇ/دياقب ميسسياسىنىڭ تاعى 28 بايقاۋشىسىن اككرەديتتەدى. ورت­سايلاۋكوم شەت مەملەكەتتەر مەن حالىقارالىق ۇيىمداردىڭ باي­قاۋشىلارىن اككرەديتتەۋدى 2016 جىلعى 14 ناۋرىزعا دەيىن جۇزەگە اسىرادى. ءاليسۇلتان قۇلانباي, «ەگەمەن قازاقستان».