«اۋىل» جاۋاپتى ناۋقانعا دايىن

كەشە استانادا «اۋىل» حالىقتىق-دەموكراتيالىق پاتريوتتىق پارتياسىنىڭ رەسپۋبليكالىق قوعامدىق شتابى بۇقارالىق اقپارات قۇرالدارىنىڭ وكىلدەرىنە ارناپ بريفينگ وتكىزدى. جيىندا پارتيانىڭ سايلاۋ ناۋقانىنداعى ۇگىت-ناسيحات جۇمىستارىنا دايىن ەكەندىگى ايتىلدى. بريفينگتە «اۋىل» پارتيا­سىنىڭ رەسپۋبليكالىق قوعامدىق شتابى تاراپىنان سايلاۋ ناۋ­قانىنا دايىندىق باعىتىندا بىرقاتار شارالار اتقارىلعانى بەلگىلى بولدى. رەسپۋبليكالىق قوعامدىق شتاب جەتەكشىسى رۇستەم جولامان ءمالىم ەتكەندەي, بارلىق ايماقتىق شتابتاردىڭ جۇمىسى شيراي تۇسكەن. شتاب مۇشەلەرى ۇگىت جۇمىستارىن جۇرگىزۋدىڭ ەرەجە-تالاپتارىن ءبىلىپ, قىر-سىرىنا قانىققان, سونداي-اق, زاڭگەرلەر شتاب قىزمەتكەرلەرىنە «سايلاۋ تۋرالى» زاڭ تالاپتارىن تۇسىندىرگەن. «2016 جىلدىڭ 4 اقپانىندا «اۋىل» پارتياسىنىڭ رەس­پۋب­ليكالىق قوعامدىق شتابى قۇرىل­دى. سول كۇننەن باستاپ شتا­بى­مىز كۇندىز-ءتۇنى جۇيەلى تۇردە جۇمىس ىستەپ كەلەدى. ءدال وسىنداي قوعامدىق شتاب ءبىزدىڭ وزگە دە وبلىس, اۋداندارىمىزدا بەلسەندى جۇمىس جۇرگىزىپ جاتىر. رەسپۋبليكالىق قوعامدىق شتابقا پارتيانىڭ بەلگىلى مۇشە­لەرى مەن قوعام قايراتكەرلەرى, ۇكى­مەتتىك ەمەس ۇيىمداردىڭ باسشىلارى, قوعام بەلسەندىلەرى ەنگەن. «اۋىل» پارتياسىنىڭ رەس­پۋب­ليكالىق قوعامدىق شتابىنىڭ باس­تى ماقساتى – سايلاۋ ناۋقانىن ءتيىمدى ۇيىمداستىرۋ, «اۋىل» پارتياسىنىڭ سايلاۋالدى باعدارلاماسىن ناسيحاتتاۋ جانە ءتۇسىندىرۋ. سونىمەن بىرگە, سايلاۋ قورىن قالىپتاستىرۋ, قورداعى قاراجاتتىڭ ماقساتتى تۇردە جۇمسالۋىن قاداعالاۋ جانە سەنىم بىلدىرىلگەن ادامدار مەن ءماجىلىس دەپۋتاتتىعىنان ۇمىتكەرلەردىڭ جۇمىس جوسپارىن دايىنداۋ شتاب­تىڭ نەگىزگى مىندەتتەرىنە جاتادى. بۇل جۇمىستاردىڭ بارلىعى بۇگىندە شتاب تاراپىنان جۇيەلى تۇردە جۇرگىزىلىپ كەلەدى. ماسەلەن, سايلاۋ ناۋقانى كەزىندە قانداي دا ءبىر زاڭ بۇزۋشىلىقتار ورىن الماۋى ءۇشىن شتابىمىزدا وسى جىلدىڭ 10 اقپانىندا بارلىق ايماقتاعى شتاب جەتەكشىلەرى مەن مۇشەلەرىنە ارنالعان ونلاين-ترەنينگ ءوتتى. ترەنينگتە زاڭگەرلەر «سايلاۋ تۋرالى» زاڭنىڭ نەگىزگى تالاپتارىن ءتۇسىندىرىپ بەردى. سونىمەن قاتار, ۇگىت-ناسيحات جۇمىستارىنا قاتىستى زاڭنامالىق شەكتەۋلەر تۋرالى دا ايتىلدى. بۇعان قوسا, ۇگىت-ناسيحات جۇمىستارىنا قاجەتتى كورنەكى قۇرالداردى ارنايى بەلگىلەنگەن ورىندارعا جا­بىس­تىرۋ, بيلبوردتار ءىلۋ, ءۇنپا­راقتار تاراتۋ تالاپتارى جايلى دا تولىق ءتۇسىندىرىلدى», – دەدى رەس­پۋبليكالىق شتاب جەتەكشىسى. سونىمەن قاتار, ر.جولامان بار­لىق ايماقتىق شتابتارعا ۇگىت-ناسي­حاتتىق ونىمدەر, پلاكاتتار مەن ۇنپاراقتار, پارتيانىڭ ساي­لاۋال­دى باعدارلامالارى قاجەتتى ءمول­شەردە تولىق جەتكىزىلگەنىن اتاپ ءوتتى. «بارلىق ايماقتىق شتابتارعا قاجەتتى ۇگىت-ناسيحات ماتەريالدارى جەتكىلىكتى دەڭگەيدە بەرىلدى. سول ءۇشىن ءبىز 16 مىڭ پلاكات, 16 مىڭ ۇنپاراق, 3200 دانا پارتيامىزدىڭ سايلاۋالدى باعدارلاماسىن باسىپ شىعاردىق. بۇلاردان بولەك, ءبىز لوگوتيپ باسىلعان كەۋدەشە­لەر, باس كيىمدەر, جالاۋشا, مويىن­ورا­عىشتار دايىندادىق», – دەدى ول. سونداي-اق, بريفينگتە ۇگىت-ناسي­حات ناۋقانى باستالعان كەز­دە پارتيا وكىلدەرى بارلىق ايماق­تاردى ارالاپ, ەڭبەك ۇجىمدارى­مەن كەزدەسۋلەر وتكىزىپ, فلەش-موب­تار جانە ءتۇرلى اكتسيالار ۇيىم­داس­تىرۋدى كوزدەپ وتىرعانى ءسوز بولدى.