بارلىعى زاڭ اياسىندا جۇرگىزىلۋى ءتيىس

وبلىستىق ىشكى ساياسات باسقارماسىندا پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ سايلاۋالدى ۇگىت-ناسيحات جۇمىستارى ماسەلەلەرىنە ارنالعان سەمينار-كەڭەس بولدى. وعان ساياسي پارتيالار مەن قوعامدىق بىرلەستىكتەر وكىلدەرى, وبلىستىق جانە قالالىق ماسليحاتتارعا تىركەلگەن ۇمىتكەرلەر, قالالىق جانە اۋداندىق اۋماقتىق سايلاۋ كوميسسيالارىنىڭ توراعالارى مەن حاتشىلارى قاتىستى. سەمينار-كەڭەس بارىسىندا بارلىق قاتىسۋشىلاردىڭ سايلاۋ ۇدەرىسىندە, سونىڭ ىشىندە, سايلاۋ­الدى ۇگىت-ناسيحات جۇمىستارىن جۇرگىزۋدە سايلاۋ زاڭدىلىعى نورمالارىن مۇلتىكسىز ساقتاۋى, سايلاۋ ناۋقانىن ماتەريالدىق-تەحنيكالىق جانە قارجىلىق قام­تاماسىز ەتۋ ماسەلەلەرى تالقى­لاندى. وبلىستىق سايلاۋ كوميس­سيا­سىنىڭ ءتورايىمى گۇلنار كۇن­باەۆانىڭ ايتۋىنشا, سايلاۋ ناۋقانىندا 526 سايلاۋ ۋچاسكەسى جۇمىس ىستەيتىن بولادى. وبلىستا قۇرىلعان 744 سايلاۋ كوميسسياسىندا 5208 مۇشە بار. وبلىستىق, قالالىق, اۋداندىق ءماسليحاتتار دەپۋتاتتارىن سايلاۋ ءۇشىن قازىر 14 اۋماقتىق جانە 204 وكرۋگتىك سايلاۋ كوميسسياسى بەلسەندى تۇردە جۇمىس ىستەۋدە. 31 وبلىستىق, 23 قالالىق جانە 150 اۋداندىق سايلاۋ كوميسسياسى جۇمىس ىستەيدى. سايلاۋعا تۋرا ءبىر اي قالعاندا ۋچاسكەلىك سايلاۋ كوميسسيالارى ءوز جۇمىسىن باستايدى. بۇقارالىق اقپارات قۇرال­دار­ىندا سايلاۋ وكرۋگتەرى مەن ۋچاس­كەلەرىنىڭ شەكاراسى, سايلاۋ كوميس­سيالارىنىڭ قۇرامى تۋرالى دەرەكتەر جاريالاندى. ۇستىمىزدەگى جىلعى 15 اقپان­داعى مالىمەتكە سۇيەنسەك, وبلىس بويىنشا 642 ۇمىتكەر ۇسىنىل­عان, ولاردىڭ 226-سى ساياسي پار­تيالاردىڭ وكىلدەرى. «نۇر وتان» پارتياسىنان – 204, «اقجولدان» – 12, قازاقستان كوممۋنيستىك حا­لىق پارتياسىنان – 5, «اۋىل» پار­تياسىنان – 4, «بىرلىكتەن» – 1, ارداگەرلەر قوعامدىق بىرلەستىگىنەن 2 ۇمىتكەر بار. قالعاندارى ءوزىن ءوزى ۇسىنعاندار. سەمينار-كەڭەستە ءسوز العان وبلىس اكىمى اپپاراتىنىڭ باسشىسى ءمادي ەلەۋسىز ساياسي ناۋقانعا دايىندىقتىڭ تياناقتى جۇرگىزىلىپ جاتقانىن تىلگە تيەك ەتە كەلىپ, سايلاۋ ۇدەرىسىن ماتە­ريالدىق-تەحنيكالىق جانە قار­جىلاي قامتاماسىز ەتۋ باعىتىندا ەشقانداي پروبلەما جوق ەكەنىن جەتكىزدى. وبلىستىق ىشكى ساياسات باس­قارماسى باسشىسىنىڭ ورىنباسارى ەرمەك تاۋانوۆ سايلاۋ ۇدەرىسىنە قاتىسۋشىلاردىڭ سايلاۋالدى ۇگىت-ناسيحات جۇمىستارىن جۇرگىزۋدىڭ زاڭ تالاپتارىنا ساي بولۋىنا جاعداي تۋعىزىلعانىنا توقتالدى. ال سەمينار-كەڭەستە «سايلاۋ تۋرالى» زاڭنامانىڭ قاعيداتتارىن قاتاڭ ساقتاۋعا بايلانىستى باسقا دا ماسەلەلەر بايىپتىلىقپەن تالقىلاندى. ساتىبالدى ءساۋىرباي, «ەگەمەن قازاقستان». اقتوبە وبلىسى.