ءۇشىنشى ۇمىتكەر قۇجات وتكىزدى

المالى اۋداندىق №1 وكرۋگتىك سايلاۋ كوميسسياسى قالالىق ءماسليحاتتىڭ دەپۋتاتتىعىنا نۇروتاندىق ۇمىتكەر, بەلگىلى عالىم راحمان الشانوۆتىڭ ۇمىتكەرلىك قۇجاتتارىن قابىلدادى. سايلاۋ كوميسسياسىنىڭ ءتورايىمى گۇلنار مۇساقۇلوۆا №1 وكرۋگ بويىنشا بۇعان دەيىن قۇجات تاپسىرعان ەكى ۇمىتكەردىڭ زاڭدى تۇردە تىركەلگەنىن ايتتى. ولار – قازاقستان رەسپۋبليكاسى بيليارد سپورتى فەدەراتسياسىنىڭ وكىلى نۇرسۇلۋ ەمبەرديەۆا مەن قۇرمانعازى اتىنداعى قازاق ۇلتتىق كونسەرۆاتورياسىنىڭ كافەد­را مەڭگەرۋشىسى زەرە شاكارىموۆا. ءۇشىنشى بولىپ قۇجات وتكىزگەن «تۇران» ۋنيۆەرسيتەتىنىڭ رەكتورى راحمان الشانوۆتان سايلاۋالدى تالاپتارىنا سايكەس, ءوتىنىشى مەن تولقۇجاتىنىڭ جانە «نۇر وتان» پارتياسىنىڭ مۇشەسى ەكەندىگىن راستايتىن كۋالىگىنىڭ كوشىرمەسى قابىلداندى. – ەندى ءۇشىنشى ۇمىتكەرىمىزدىڭ وسى قۇجاتتارىنا سۇيەنە وتىرىپ, كوشى-قون پوليتسياسى مەن باس پروكۋراتۋراعا سايلاۋ تالاپتارىنا سايكەس سۇراۋ سالامىز, – دەدى گۇلنار تولەندىقىزى. – تاعى ءبىر ەسكەرەتىن جايت, ول ءىس-ارەكەتتى ەلەكتروندى بايلانىس جۇيەسىمەن ورىنداۋعا بولمايدى, تەك قانا ءوز قولىمىزبەن الىپ بارىپ, كوزبە-كوز راستالعان قۇجاتتار الامىز. ءوز كەزەگىندە ءسوز العان ۇمىتكەر راحمان الشانوۆ: – ءبىزدىڭ الماتى – وتە ۇلكەن مەگاپوليس, مۇندا بۇگىنگى تاڭدا اتقارىلاتىن ءىس-شارۋا وتە كوپ. قالادا تىركەلگەن ميلليوننان استام سايلاۋشىنىڭ ۇشتەن ءبىرى – جاستار. جاستاردىڭ مۇددەسى – بولاشاقتىڭ مۇددەسى. قالالىق ءماسليحاتتىڭ سايلاۋىنا وسىمەن ەكىنشى رەت قاتىناسىپ وتىرمىن. بۇل جولى دا مەنىڭ كانديداتۋرامدى «نۇر وتان» پارتياسى ۇسىندى. قارسىلىق بىلدىرمەدىم, – دەدى. ۇمىتكەردىڭ قۇجاتتارىن وتكىزۋ راسىمىنە ونىڭ سەنىم بىلدىرىلگەن ادامدارى مەن «نۇر وتان» پار­تيا­سىنىڭ وكىلدەرى جانە باق وكىلدەرى قاتىستى. ەسكە سالا كەتەر ءبىر جايت, ال­ماتى قالاسى بويىنشا بۇگىنگە دەيىن قالالىق ءماسليحات دەپۋتاتتىعىنا 37 كانديدات تىركەلدى. تالعات ءسۇيىنباي, «ەگەمەن قازاقستان». الماتى.