جوعارى سوت كەڭەسىنىڭ وتىرىسى

ا.سموليننىڭ توراعالىق ەتۋىمەن جوعارى سوت كەڭەسىنىڭ وتىرىسى ءوتتى. جوعارى سوت كەڭەسى قازاقستان رەس­پۋبليكاسىنىڭ پرەزيدەن­تى تاعايىندايتىن توراعادان جانە باسقا دا ادامداردان تۇ­را­دى جانە ەلباسىنىڭ سوتتاردى قا­لىپتاستىرۋ جونىندەگى كونستيتۋتسيالىق وكىلەتتىكتەرىن, سۋديالاردىڭ تاۋەلسىزدىگى مەن ولارعا ەشكىمنىڭ تيىسپەۋ كەپىل­دىكتەرىن قامتاماسىز ەتۋ ونىڭ نەگىزگى مىندەتى بولىپ تابىلادى. سۋديا لاۋازىمىنا كان­ديدات­تاردان ەمتيحاندى قا­بىل­داۋ جونىندەگى بىلىكتىلىك كوميسسياسىنىڭ جاڭا قۇرامى وتىرىستا بە­كىتىلدى, ونىڭ قۇرامىنا عى­لىمي قوعامداستىقتىڭ, پرو­كۋراتۋرانىڭ, ادىلەت ورگان­دا­رىنىڭ, ادۆوكاتۋرانىڭ وكىلدەرى تاعايىندالدى, سونداي-اق, جوعارعى سوتتىڭ جانىنداعى اۋداندىق سوت توراعاسىنىڭ, وبلىستىق سوت توراعاسىنىڭ جانە سوت ال­قا­لارى توراعالارىنىڭ, جوعارعى سوت سۋدياسىنىڭ جانە سوت القالارى ءتور­اعا­لارىنىڭ لاۋازىمىنا كادر رەزەرۆى جونىندەگى رەسپۋبليكالىق كوميسسيانىڭ قۇرامى بەكىتىلدى. سۋديالاردى ىرىكتەۋ جۇيە­سىن جەتىلدىرۋ جونىندەگى زاڭ­نامالىق جاڭالىقتاردى جۇزەگە اسىرۋ ماقساتىندا كادر رەزەر­ۆىن قالىپتاستىرۋ جانە وعان قا­­تىس­تى جۇمىستى ۇيىمداستىرۋ قاعيدالارى مەن سوتتارمەن ءوزارا ءىس-قيمىل جونىندەگى كەڭەس تۋرالى ەرەجەدە وتىرىستا بەكىتىلدى. اتالعان قۇجاتتاردا سوت جۇيەسىندە مەريتوكراتيا قاعيداتىنىڭ جۇزە­گە اسىرىلۋى كوزدەلگەن, سونداي-اق, سۋديالاردى ىرىكتەۋگە جۇرتشىلىق وكىل­دەرىنىڭ قاتىسۋى جونىندە ماسەلەلەر رەتتەلگەن. سونىمەن قاتار, سوت جۇيەسى مەن جو­عارى سوت كەڭەسىنىڭ ۇيىمدىق-كادرلىق ماسەلەلەرى وتىرىستا قارالدى. وتىرىستىڭ قورىتىندىسى بو­يىنشا كەڭەس ءتيىستى شەشىمدەر مەن ۇسى­نىمداردى قابىلدادى.  «ەگەمەن-اقپارات».