جاستار قاۋىمداستىعى قۇرىلدى

جاستار قاشاندا قوعامنىڭ قۋاتتى كۇشى بولىپ تابىلادى. ولاردىڭ باستاماشىلدىعى مەن جاڭاشىلدىعى قاي ءىستىڭ دە ىلگەرىلەۋىنە سەرپىن بەرەرى ءسوزسىز. قازىر وبلىسىمىزدا 7 ەرىكتىلەر توبى تۇراقتى جۇمىس ىستەيدى. ولاردىڭ قاتارىنا 4000-عا تارتا جاس قامتىلعان. جاقىندا وتكەن ءوڭىر جاستارى­نىڭ القالى جيىنىندا وبلىس اكىمى بەردىبەك ساپارباەۆ جاستاردىڭ قوعامدا الاتىن ورنىنا ايرىقشا توقتالدى. ول ەلىمىزدىڭ ءاربىر ازاماتى, سونىڭ ىشىندە ءاربىر جاسى دا ءوزى ءومىر سۇرەتىن قوعامىنا, مەملەكەتىنە قىزمەت ەتۋى, ەلباسى نۇرسۇلتان نازارباەۆ «قازاقستان جاڭا جاھاندىق ناقتى احۋالدا: ءوسۋ, رەفورمالار, دامۋ» اتتى جولداۋىندا ايتقانداي, جاستارىمىز ءبىلىمدى, ەڭبەكقور, باستاماشىل ءھام بەلسەندى بولۋعا قازىردەن باستاپ داعدىلانۋى ءتيىس ەكەندىگىن اتاپ ءوتتى. جاستاردى ءاردايىم «ماعان بارلىق جاعدايدى جاساپ وتىرعان مەملەكەتىمە, وتانىما نە بەرە الامىن؟» دەگەن ساۋال تولعانتۋى كەرەك دەگەن وي مازالاۋى كەرەك ەكەندىگىنە نازار اۋداردى. ايماق باسشىسى جينالعان جاستار ۇيىمدارىنىڭ وكىلدەرىن اۋىزبىرشىلىك پەن بەلسەندىلىككە شاقىردى. باسقوسۋدا كوللەدج باسشى­لارى مەن جاستار ءسوز الىپ, ەرىك­تىلەر ۇيىمدارى تاراپىنان ات­قارىلىپ جاتقان شارالاردى باياندادى. قوعامدا سالاماتتى ءومىر سالتىن, قايىرىمدىلىقتى, وتانسۇيگىشتىكتى, اعا بۋىن وكىل­دەرىنە سىيلاستىقپەن قاراۋ­دى ناسيحاتتايتىن شارالار وتكىزىپ تۇرۋ تۋرالى كرەاتيۆتى ۇسىنىستارىمەن ءبولىستى. جيىندا «اقتوبە جاستارى» قاۋىمداستىعىن قۇرۋ تۋرالى شەشىم قابىلداندى. ال جاڭادان قۇرىلعان قاۋىم­داستىقتىڭ جەتەكشىسى بولىپ يسلام يسەنعازيەۆ بەكىتىلدى. يسلام – ەلىمىزدىڭ ۇلتتىق تاريحى مەن مادەنيەتى نەگىزىندە جاس ۇرپاقتىڭ رۋحاني الەۋەتىن قالىپتاستىرۋ ماقساتىندا قۇ­رىلعان «ەففەكت اقتوبە» جوباسىن ۇيىمداستىرۋشىلاردىڭ ءبىرى. وبلىستاعى بارلىق جاس­تار ۇيىمدارىنىڭ باسىن قوساتىن «اقتوبە جاستارى» قاۋىم­داس­تىعىنا العاشقى كوپشىلىككە ارنالعان شاراسىن ناۋرىز ايىنان باستاۋ ويلاستىرىلۋدا. بيىل العاش رەت مەملەكەت باسشىسى نۇرسۇلتان نازارباەۆتىڭ جارلىعىمەن 1 ناۋرىزدا العىس ايتۋ كۇنى اتاپ وتىلەدى. قاۋىم­داستىقتىڭ العاشقى شاراسى وسى اتاۋلى كۇنگە ارنالادى دەپ كۇتىلۋدە. ساتىبالدى ءساۋىرباي, «ەگەمەن قازاقستان». اقتوبە وبلىسى.