وتاندى ءسۇيۋ سۋرەت ارقىلى بەينەلەنەدى

«مەن قازاقستاندى سۇيەمىن». وسىداي تاقىرىپ اياسىندا «اق جول» دەموكراتيالىق پارتياسى ەل تاۋەلسىزدىگىنىڭ 25 جىل­دىعىنا وراي سۋرەتتەر بايقاۋىن جاريالادى. «اق جول» قدپ ورتالىق كەڭەسىنىڭ حاتشىسى ابدىرازاق سۇلتانوۆ جاڭا جوبانىڭ تۇساۋ­كەسەرىندە اتالعان بايقاۋدىڭ ءمان-ماڭىزىنا توقتالدى. – «اق جول» پارتياسى بۇگىن­نەن باستاپ ەل تاۋەلسىزدىگىنە 25 جىل تولۋىنا وراي «مەن قا­زاقستاندى سۇيەمىن» اتتى سۋرەت بايقاۋىن جاريالايدى. باي­قاۋعا قاتىسۋشىلارعا جاس جاعىنان شەكتەۋ قويىلمايدى: مەكتەپ وقۋشىسىنان باس­تاپ ەگدە جاستاعىلارعا دەيىن قا­تىسۋلارىنا مۇمكىندىگى بار. وعان قوسا, بايقاۋدا فوتوسۋرەت سالاسىندا عانا ەمەس, سونداي-اق, قىلقالامعا اۋەس جانداردىڭ دا باقتارىن سىناۋلارىنا بولادى. ياعني, سۋرەت ونەرىنىڭ ءار­قيلى جانرداعى شىعارمالارى قابىلدانادى, – دەدى ول. ابدىرازاق كەنجەكبەك ۇلىنىڭ ايتۋىنشا, بايقاۋ ەل تاۋەل­سىزدىگىنىڭ مەرەيتويىنا ارنا­لىپ وتىرعانىمەن, تا­قى­رىپ­تىق تۇرعىدان ەركىن شىعار­ما­شىلىقتى كوزدەيدى. بايقاۋعا قاتىسۋشى ءاربىر تالاپكەر ءوز تۋىندىسىندا وتانىن, مەملەكەتىن, ەلىن ارداقتاۋدى قاي تۇرعىدا بەينەلەيدى, قانداي ۇعىمدارمەن بايلانىستىرادى, قالاي جەتكىزۋگە تىرىسادى – مۇنىڭ ءبارى ولاردىڭ شىعارماشىلىق وي-قيالىنا بارىپ تىرەلەدى. ياعني, شى­عارماشىلىق شابىت ەركىن ەلدى قالاي ارداقتايتىندىعىمەن استارلاسادى دەگەن ءسوز. قىسقاسى, ءاربىر تالاپكەردىڭ تۋىندىسى وتان­دى ءسۇيۋ شىعارماشىلىق تۇرعىدان قانشالىقتى ءساتتى, تابىستى بەينەلەگەندىگىمەن باعا­لانادى. ونى بىلىكتى مامانداردان قۇرىلعان ارنايى كوميسسيا قاراپ, ۇزدىك سۋرەتتەردى ىرىكتەيدى. بايقاۋ ءبىر ايعا سوزىلىپ, ونىڭ قورىتىندىسى 18 ناۋرىزدا شى­عارىلادى. بايقاۋ بارىسىندا ىرىكتەلىپ الىنعان ۇزدىك سۋرەتتەر سايلاۋ كەزىندەگى پارتيانىڭ يميدجدىك ونىمدەرىندە پايدالانىلاتىن بولادى. «ەگەمەن-اقپارات».