تاۋەلسىزدىكتى تۋ ەتكەن «تۇلعالار تاعىلىمى»

قازاقستان رەسپۋبليكاسى ءوز تاۋەلسىزدىگىنىڭ 25 جىلدىق مەرەيتويىنا قادام باستى. مەملەكەت ورناتۋ, ونى الەمدىك قاۋىمداستىققا تانىتىپ, مويىنداتۋ كەز كەلگەن ۇرپاقتىڭ پەشەنەسىنە جازىلا بەرمەيتىن باقىت, جاۋاپتى دا كۇردەلى مىندەت ەكەنى ايان. ەلباسى ن.نازارباەۆتىڭ سارابدال ساياساتىنىڭ ارقاسىندا بۇگىندە تاۋەلسىز قازاقستاندى ءبۇ­كىل الەم مويىندادى. وسى ورايدا الەمگە دارا تالانتتارىمەن ايگىلى ونەر شاڭىراعى – قازاق ۇلتتىق ونەر ۋنيۆەرسيتەتى تۇڭعىش رەت «تۇلعالار تاعىلىمى» تاقىرىبىندا مەملەكەت, قوعام ىسىنە بەلسەنە ارالاسىپ, ءوز ءۇنىن قوسىپ جۇرگەن قايراتكەر تۇل­عالارمەن جىل بويى كەزدەسۋ ءوت­كىزۋدى جوسپارلاپ وتىر. تاۋەلسىز ەل بولعان شيرەك عا­سىردىڭ بەدەرىندە مادەني-رۋحانيات سالاسىندا دا قىرۋار جۇ­مىستار اتقارىلدى. بۇل باعى­تتى كەشەگى م.اۋەزوۆ, ع.مۇسىرەپوۆ, ع.مۇستافين سەكىلدى ۇلىلاردىڭ ءىزى قالعان قاراشاڭىراق – قازاقستان جازۋشىلار وداعىنىڭ دا قوسقان ۇلەسى ايرىقشا. سوندىقتان دا ءتاۋ­ەلسىزدىكتى تۇعىرلاندىرا ءتۇسۋ­دەگى زيالى قاۋىمنىڭ ەڭبەگى قاشاندا ەرەكشە باعاعا لايىقتى. سونىڭ ءبىر ايعاعى رەتىندە پارلامەنت سەناتىنىڭ دەپۋتاتى, قازاقستان جازۋشىلار وداعىنىڭ توراعاسى نۇرلان ورازالينمەن وتكەن كەزدە­سۋدى ايتقان بولار ەدىك. شارا شىمىلدىعىن اتالمىش ءبىلىم ورداسىنىڭ رەكتورى ا.مۇساقوجاەۆا اشىپ بەردى. سودان سوڭ ءداستۇرلى جىر-ايتىس ماماندىعىنىڭ 2-كۋرس ستۋدەنتى بەك شىمات جىردان شاشۋ شاشىپ, كەش كوركىن كەلتىردى. نۇرلان مىرقاسىم ۇلى – ەلى­مىز­دىڭ ساياسي, مادەني, ومىرىنە قويان-قولتىق ارالاسىپ, رۋحاني كەڭىستىگىمىز بەن ۇلتتىق ويلاۋ جۇيەمىزدىڭ تۇتاستىعىن ساقتاۋدا قايراتكەرلىك پەن قالامگەرلىكتى قاتار الىپ جۇرگەن تۇلعا. ول تاريح بەتتەرىن پاراقتاي وتىرىپ, «تاۋەلسىزدىك» دەگەن كيەلى دە قاستەرلى ۇعىمعا قالاي قول جەت­كىزگەنىمىزدى, ءوزى باسى-قاسىندا ءجۇرىپ كۋا بولعان سول ءبىر قيىن-قىستاۋ جىلداردى ەرەكشە تولقى­نىسپەن باياندادى. تاقىرىپ توڭىرەگىندە تاۋەل­سىزدىكتىڭ تۇعىرىن بەكىتە تۇسەتىن ءبىرشاما ماسەلەلەر دە قوزعالدى. اقىندىق تا, جازۋشىلىق تا ەڭ ال­دىمەن ونەر. وسى باعىتتا اتال­مىش ونەر وشاعى جانىنان جۇرەگىنە قالامىن سۇيەگەن ەرەكشە ونەر يەلەرىنە باعىت-باعدار بەرەتىن «جازۋشىلار زەرتحاناسىن» اشۋ تۋرالى دا ەستىر قۇلاققا جاعىمدى, تۇششىمدى ۇسىنىس وي ايتىلىپ, وعان رەكتور تاراپىنان كەلىسىم دە بەرىلگەندەي بولدى. كەش بارىسىندا ن.ءورازاليننىڭ «سىلكىنىس» اتتى ولەڭىن دراما اك­تەرى ماماندىعىنىڭ 3-كۋرس ستۋ­دەنتى قو­بىلاندى بولات ءنا­شى­نە كەلتىرە كوركەم وقىدى. ءبىر­جان سالدىڭ «ون ساۋساق», قاپەز بايعابىل ۇلىنىڭ «ءۇش مەركى», قازانعاپتىڭ كۇيى – «كوكەيگە تۇسكەن كوكىلجان» اتتى ءان-كۇيلەرى باسقا دا ونەرپازداردىڭ ورىنداۋ­ىندا تىڭدارمان قاۋىمنىڭ ىس­تىق ىقىلاسىنا بولەندى. وسىلايشا جىل باسىنداعى جىلى جۇزدەسۋ ستۋدەنت جاستاردىڭ جۇرەگىن جىرمەن جىلىتىپ, كوڭىل­دەرىنە قۋات, سەزىمدەرىنە شۋاق توك­كەندەي ەرەكشە اسەرگە بولەدى. نۇرلانىپ, قاناتتانىپ, ءجى­گەرلەنە ءتۇستى ولار. بۇل باقىتتىڭ يەسى – تاۋەلسىزدىك دەگەن كيەلى ۇعىم! سونى ۇمىتپاساق ەكەن. راۋشان تاۋىرحانقىزى, جۋرناليست.