الەمگە ايگىلى «NATIONAL GEOGRAPHIC»

تۇڭعىش رەت قازاق تىلىندە شىعا باستادى 127 جىلدىق تاريحى بار, ءىشى-تىسى بىردەي جالتىراعان جاقسى قاعازعا باسىلىپ, كوركەم بەزەن­دىرىلگەن «NATIONAL GEOGRAPHIC قازاقستان» جۋرنا­لىنىڭ العاشقى سانى وسى اقپان ايىندا قولىمىزعا ءتيدى. قىزىعا قاراپ, اقتارا شولىپ شىقتىق. ورنەگى بولەك, ورەسى بيىك باسىلىم ەكەندىگى بىردەن ءبىلىنىپ-اق تۇر. سىرتقى مۇقاباسىنا «تۇمسا تابيعات. ول بىزگە نە ءۇشىن كەرەك؟» دەگەن ساۋال تارتىلىپتى. جۋرنالدىڭ ىشكى مازمۇنى سۇراققا ساي ەكەندىگىن اڭعاردىق. وسى نومىردەگى «الەمدىك سەرۋەن», «ساياباقتار قاسيەتى», «جۇ­قارعان مۇزعا بەتالىس» سىندى الەمدىك تابيعاتتىڭ تىلسىمدارىنا بويلاعان جاريالانىمدارمەن قاتار «ارال تاعدىرى – ادام تاعدىرى» اتتى ماقالادا قازاق جەرىندەگى تابيعات قاسىرەتى ءسوز ەتىلىپتى. ءيا, الياسكادان اۆسترالياعا دەيىنگى اۋماقتا الەمنىڭ 80-نەن استام ەلىنە تارالاتىن جۋر­نال, ەندى مىنە, التاي مەن اتىراۋ اراسىنا قادام باسىپ وتىر. ورتالىق ازيادا تۇڭعىش رەت قازاق وقىرماندارىمەن قاۋىشقان باسپا برەندىندە ەڭ مىقتى عالىمدار مەن جۋرناليس­تەر ىزدەنىسى, فوتوگرافتاردىڭ تاڭداي قاقتىرار تۋىندىلارى جاريالانىپ تۇرماق. جۋرنالدىڭ الەمدەگى 60 ميلليوننان اس­تام وقىرمانىنا ەندى قازاق وقىر­ماندارى دا قوسىلدى. «NATIONAL GEOGRAPHIC» جۋرنالىنىڭ باس رەداكتورى سيۋزان گولدبەرگ العاشقى نومىرگە ارناعان اقجولتاي تىلەگىندە: «اي سايىن ۆاشينگتونداعى شتاب-پاتەر ۇجىمى قازاقستانداعى ارىپتەس­تەرىمىزبەن بىرلەسىپ, «NATIONAL GEOGRAPHIC قازاق­ستان» جۋرنالىنىڭ بەتى­نە قىزىقتى زەرتتەۋ ماقالالار ۇسىناتىن بولامىز. ءبىزدىڭ ماقسا­تىمىز ايقىن, ءبىز NATIONAL GEOGRAPHIC-ءتىڭ الەمدەگى ەڭ تانىمال, ءارى كوپتىلدى جۋرنال بولۋىن قالايمىز», دەپ اعىنان جارىلعان ەكەن. ولاي بولسا, 38-ءشى ءتىل بولىپ وسى قاتارعا قازاق ءتىلىنىڭ دە, سونداي-اق, بۇل باسىلىمدى شىعاراتىن ەلدەر قاتارىنا قازاقستاننىڭ دا قوسىلعانىن قۋانا سۇيىنشىلەيمىز. نازار قاسىم.