عالىمدار قاتەرلى ىسىكتىڭ ەمدەۋ جولىن تاپتى

ۆاشينگتون قالاسىندا وتكەن امەريكا بىرلەسكەن عىلىم­دى دامىتۋ اسسوتسياتسياسىندا عا­لىمداردان قۇرالعان زەرت­تەۋشى توپ قاتەرلى ىسىكتىڭ جاڭاشا ەمدەۋ جولىن تانىستىردى. ونكولوگيالىق زەرتتەۋ ور­تالىعىنىڭ دارىگەرى ستەنلي ريد­دەلدىڭ ايتۋىنشا, ادام اع­زاسىندا گەنەتيكالىق وزگە­رىس­تەرگە ۇشىراپ, قاتەرلى دەرتتى جەڭە بىلەتىن ت-ءليمفوتسيتى بولادى. مىنە, سوندىقتان دا ناۋ­قاس ءوز دەرتىمەن كۇرەسە بىلسە, اتالعان جاسۋشالار اعزاداعى ىسىك پايدا بولعان جاسۋشالاردى جويىپ جىبەرەدى. – ناۋقاستى دەرتىنەن ايىق­تىراتىن جاڭا جول گەندەگى جاسۋشالار بيوسينتەزدىك سۇزگىدەن وتكەندە, اعزاداعى ونكولوگيالىق ىسىك وزدىگىنەن جويىلادى. ول ءۇشىن ناۋقاس ءوز ومىرىمەن كۇرەسۋى كەرەك دەگەندى ۇسىنامىن, – دەدى دارىگەر. ايتا كەتەيىك, ريددەلدىڭ توبى ۇزاق زەرتتەۋ جۇرگىزۋ بارى­سىندا جاڭاشىل ەمنىڭ ءناتي­جەسىندە ناۋقاستىڭ اعزاسىنداعى قاتەرلى ىسىكتىڭ 94 پايىزى جويى­لىپ كەتكەن. سونداي-اق, قا­را­لۋشىلاردىڭ 80 پايىزىنا جاقسى دەگەن قورىتىندى شىعارىلعان. – مەنىڭ پايىمداۋىمشا, جاڭاشىل تەراپيانى قابىلداپ, ءوز دەرتىمەن كۇرەسكەن ناۋقاستىڭ ءومىرى ايتارلىقتاي ۇزارادى. ول ءۇشىن 4-5 اي مەرزىمدە كلينيكالىق سىناقتان ءوتىپ, دارىگەردىڭ ەمىن الۋى كەرەك, – دەدى ريددەل. سونداي-اق, ول مەديتسينالىق تەراپيادا ناۋقاس ت-ءليمفوتسيتىن قابىلداپ, ىشكى تۇيسىگىنە ىسىك جاسۋشالارى جويىلادى, دەرتىمە ەم بولادى دەگەن ويدى ءسىڭىرۋى ءتيىس. سوندا ادام اعزاسى ۇلكەن وزگەرىسكە ۇشىراپ, قاتەرلى دەرتتەن ايىعادى, دەدى. ميلان قالاسىنداعى سىناق كلينيكالارىنىڭ بىرىندە 10 ناۋقاس جىلىك مايىنا ترانسپلانتاتسيا جاساتۋ ءۇشىن يممۋ­نيتەتتى كۇشەيتەتىن ەم رەتىندە ت-ءليمفوتسيتىن قوسقان. ال اع­زاداعى اتالعان جاسۋشا 14 جىل بويى ءوزىنىڭ كۇشىن جويماي كە­لەدى. قورىتا كەلگەندە, بۇل گە­نە­تيكالىق يممۋنيتەتتى ارتتىراتىن جاسۋشالار ونكو­لوگيالىق دەرتتى جەڭۋگە قاۋقارلى ەكەنىن مەديتسينادا دالەلدەدى. عالىمدار ءداستۇرلى حيميا­تەراپيانىڭ ورنىن جاڭاشىل ت-ءليمفوتسيتى بولاشاقتا الماس­تىرادى دەپ ۇمىتتەنەدى. تورەبەك تۇرمانوۆ.