مارسقا ۇشۋ قاۋىپتى ەكەن

رەسەي عالىمدارى مارس­قا ۇشۋ ءما­سەلەسىن ۋاقىت­شا توقتاتۋ كەرەك دەپ سانايدى. رەسەيدىڭ جەر ماگ­نەتيزمى, يونوسفەرا جانە راديوتولقىنداردى تارا­تۋ ينستيتۋتىنىڭ عالى­م­دارىنىڭ ايتۋىنشا, كۇن جۇيەسىندەگى گالاكتيكالىق عارىشتىق ساۋلە شىعارۋ كوبەيگەن سايىن مارسقا ۇشۋ ادام ومىرىنە قاۋىپتى. «قازىر ءبىز كۇن جۇيەسىنىڭ ىشكى بولىگىندە ماگنيت ءورىسىنىڭ بەلسەندىلىگىنىڭ ازايۋىنا بايلانىستى گالاكتيكالىق ساۋلەنىڭ 15-20%.-عا كوبەيىپ جاتقانىن بايقاپ وتىرمىز. بۇل ادامنىڭ ومىرىنە قاۋىپتى. وعان عارىش كەمەسى جاقىنداسا جانىپ كەتۋى مۇمكىن. سوندىقتان ازىرگە مارسقا ۇشۋدى ويلاماس بۇرىن الدىمەن قاۋىپسىزدىك جاعىن ەسكەرۋ كەرەك», دەيدى ولار. 2009 جىلى كۇن جۇيەسىنىڭ 11 جىلدىق كەزەڭى باستالعانى بەلگىلى. وسىعان بايلانىستى كۇننىڭ اينالاسىندا نەشە ءتۇرلى وزگەرىستەر بولىپ تۇرادى. مىسالى, ءتورت جىلدا ءبىر رەت كۇندە داقتار كوبەيىپ, ونىڭ بەلسەندىلىگى ارتادى. ودان كەيىن كۇننىڭ داقتارى ازايىپ, ماگنيتتىك ءورىسى قايتا تارىلادى. رۇستەم جۇمان.