زيكا اۋرۋى - قولدان جاسالعان كەسەل

ساراپتاما جىل باستالىسىمەن زيكا ۆيرۋسى الەمنىڭ 26 ەلىنە جايىلىپ ۇلگەردى. بۇل ۆيرۋستىڭ سينتەزدەلگەن جاساندى ەكەندىگىن ءا دەگەننەن رەسەيدىڭ بۇرىنعى باس سانيتار دارىگەرى گەننادي ونيششەنكو ايتقان ەدى. ەكىنشى دۇنيەجۇزىلىك سوعىستان كەيىن قوس باسەكەلەس دەرجاۆا اقش پەن كەڭەس وداعىنىڭ بيولوگيالىق قارۋ جاساپ جانتالاسقانى ءمالىم. بۇعان دەيىن ماسادان تارايتىن بەزگەك پەن مالياريا سياقتى دەرت تۇرلەرىنىڭ بولعاندارى بەلگىلى. افريكادان 1947 جىلى زيكا ۆيرۋسىنا شالدىققان وقيعا تىركەلىپ, جاھان جۇرتشىلىعى مۇنداي اۋرۋدىڭ بار ەكەندىگىن سوندا بىلگەن. ودان كەيىن اۋرۋدىڭ ءوزى دە, اتاۋى دا ۇمىت بولعان. وسى كەزدە نەشە الۋان كەسەلدى ويلاپ تابۋمەن اقش-تىڭ ATCC, ۇلىبريتانيانىڭ LGC Standards كومپانيالارىنىڭ شۇعىلدانعانى جاسىرىن ەمەس. ءالى كۇنگە الەمنىڭ 20 مەملەكەتىندەگى زەرتحانالاردا اتالعان الپاۋىت ەلدەردىڭ 5 مىڭداي قىزمەتكەرى جۇمىس جاسايدى دەسەدى. ەندى اراعا جىلدار سالىپ, تاعى ءبىر سىناق جۇرگىزۋىنە نە سەبەپ بولدى ەكەن؟ قاشاننان وداقتاس اقش پەن باتىس بىرىگىپ, ءبىرى تاياۋ شىعىستان بوسقان بوسقىنداردىڭ جولىن بوگەسە, ەكىنشىسى وڭتۇستىك امەريكانى قىتايدان وقشاۋلاۋ ساياساتىن جۇرگىزگەنگە ۇقسايدى. وسى جىلى گەرمانيا 800 مىڭ بوسقىندى قابىلدايدى دەپ كۇپىنگەن مەركەل وتكەندە بەكەر مىنەز كورسەتتى. تۇركياعا ارنايى ساپارلاپ, ەل پرەمەرى ەردوعانعا «شەكاراڭدى جاپ, بوسقىنداردى تىي», – دەپ دۇرسە قويا بەرسىن. بۇدان بۇرىن ەۋرووداق سيريادان 3 ميلليونداي كەلىمسەك كەلەرىن جوسپارلاپ, ورتالاي 3,5 ميلليارد دوللار بولۋگە كەلىسكەن. ايتسە دە ءبارى ىسكە كەلگەندە ىركىلدى. بۇگىنگى كۇنى ەۋروپانىڭ جايى بەلگىلى. مۇنشاما قاراجاتتى ايتپاعاندا ءوز ەلدەرىندە كاسىپسىز جۇرگەندەردىڭ قاراسى قانشاما! جەرورتا تەڭىزىن كەسىپ وتكەندەردىڭ 60 پايىزى ەڭبەككە جارامسىز بالالار مەن ايەلدەر ەكەن. ءدال وسى كەزدە زيكا ۆيرۋسى قوزدى ەمەس پە؟ وڭتۇستىك امەريكادا دا ۆيرۋس كۇننەن-كۇنگە ورشۋدە. حالقى 200 ميلليونعا جۋىقتايتىن برازيليادا زيكانى جۇقتىرعانداردىڭ سانى بيىل 1,5-2 ميلليونعا جەتەتىن كورىنەدى. جاقىندا ەلدىڭ دەنساۋلىق ساقتاۋ ءمينيسترى جۇكتى ايەلدەرگە اقش-تان ساتىپ الىنعان ۆيچ-كە قارسى ۆاكتسينانى ەككەننەن سوڭ ىندەت جايلاعانىڭ مويىندادى. وسى اپتادا حالىقارالىق دەنساۋلىق ساقتاۋ ۇيىمىنىڭ ەسەبىنشە, جىل سوڭىنا دەيىن بۇل ماتەريكتەگى 4 ميلليون تۇرعىندى اتالعان كەسەل دەندەيدى ەكەن. وڭتۇستىك امەريكا مەملەكەتتەرى سوڭعى كەزدە اسپان استى ەلىمەن اراداعى الىس-بەرىس ارتىپ, قىتاي الداعى ونجىلدىقتا 250 ميلليارد دوللار ينۆەستيتسيا سالۋعا ق ۇلىقتى. برازيليانىڭ ءبىر وزىنە 50 ميلليارد دوللار قارجىسىن الا كەلمەك. اقش تا ايماقتاعى ۇستەمدىگىنەن ايىرىلماس ءۇشىن ايانباسى انىق. ينۆەستورلاردى ۇركىتپەككە زيكا ۆيرۋسىن تاراتقانى دا سوندىقتان. اعىلشىن تىلىنەن تارجىمالاعان شاراپات ءابدىراحمان. سۋرەت: amic.ru.