«گورنياك» – چەمپيون

حرومتاۋ قالاسىندا وتكەن 1999-2000 جىلدارى تۋعان جاسوسپىرىمدەر اراسىنداعى دوپتى حوككەيدەن قازاق­ستان رەسپۋبليكاسىنىڭ بىرىنشىلىگى مارەگە جەتتى. ءدوڭ تاۋ-كەن بايىتۋ كومبيناتىنىڭ ساۋىقتىرۋ-دەنە­شىنىقتىرۋ كەشەنىندە ءتورت كۇن بويى ەلىمىزدىڭ وڭىرلەرىنەن كەلگەن بەس كوماندا ەل بىرىنشىلىگىنىڭ التىن جۇلدەسىن ساراپقا سالدى. وسى كەشەننىڭ جانىنداعى دوپتى حوككەي سەكتسياسىنىڭ تاربيەلەنۋشىلەرى فينالدا ورال قالاسىنىڭ كومانداسىن, 4:2 ەسەبىمەن جەڭىپ, ەل چەمپيونى اتاندى. «گورنياك» كومانداسىنىڭ التى ويىنشىسى ەلىمىزدىڭ قۇراما كومانداسىنا شاقى­رىلدى. ەندى ولار 17 جاسقا دەيىنگى جاسوسپىرىمدەر ارا­سىنداعى رەسەيدىڭ ارحان­گەلسك قالاسىندا وتەتىن الەم ءبى­رىن­­شى­لىگىندە ەل نامىسىن قور­عاي­تىن بولادى. ولار – ازات بەكتۇرعانوۆ, ءامىر قادىرجانوۆ, نيكيتا مارۋسيچ, اندرەي سەمين, تالعات رامازان جانە دميتري بوديش. – ءبىزدىڭ بالالار وتە جيناقى جانە شەبەر وينادى. قارسىلاستارىمىز دا وسال ەمەس. شاكىرتتەرىم, اسىرەسە, فينالدا ادەمى ويىن ورنەگىن كورسەتتى, – دەيدى جاتتىقتىرۋشى امانسەرىك ۇستاباەۆ. دوپتى حوككەيدەن ەل بىرىنشىلىگى ءدوڭ تاۋ-كەن بايىتۋ كومبيناتى ساۋىقتىرۋ-دەنەشىنىقتىرۋ كەشەنى بازاسىندا 2008 جىلدان بەرى وتكىزىلىپ كەلەدى. ۇستىمىزدەگى جىلى ناۋرىز ايىندا مۇندا ەڭ جاس حوككەيشىلەردىڭ اراسىندا ەل بىرىنشىلىگىن وتكىزۋ كوزدەلۋدە. كومبينات ديرەكتورى مارال بەكەەۆ دوپتى حوككەيدەن قازاقستان چەمپيو­ناتىن حرومتاۋدا وتكىزۋ داستۇرگە اينالعانىن ايتا كەلە, بۇل ءۇردىستىڭ الداعى ۋاقىتتا دا جالعاسىن تاباتىنىنا سەندىردى. ساتىبالدى ءساۋىرباي, «ەگەمەن قازاقستان». اقتوبە وبلىسى.