ارىپتەستىككە ءازىر

«بىرلىك» ساياسي پارتياسى مەن «G-Global» «جاسىل ەكونوميكا» جانە دامۋ ءۇشىن» كواليتسياسى وكىلدەرىنىڭ كەزدەسۋى ءوتتى. كەزدەسۋدە ءسوز العان «بىرلىك» پارتياسىنىڭ مۇشەسى اسقار سىزدىقوۆ «جاسىل ەكونوميكا» تەك قورشاعان ورتانىڭ تازا, ال ادام دەنساۋلىعىنىڭ مىقتى بولۋى ءۇشىن عانا ماڭىزدى ەمەس ەكەنىن جەتكىزە كەلە بىلاي دەدى: «بۇل ءبىزدىڭ كاسىپورىندارداعى, كوممۋنالدىق وبەكتىلەردەگى, كولىكتەردەگى جانە تاعى باسقا شىعىندارىمىزدى بىرنەشە ەسەگە ازايتۋى مۇمكىن. دەمەك, بۇل ءبىر جاعىنان قارجىنى ۇنەمدەۋ ءۇشىن دە قاجەت. «جاسىل ەكونوميكا» الەمنىڭ جاھاندىق نارىقتارىندا ءبىزدىڭ تاۋارلارىمىز بەن قىزمەتتەرىمىزدى باسەكەگە قابىلەتتى ەتەدى». «G-Global» «جاسىل ەكونوميكا» جانە دامۋ ءۇشىن» كواليتسيا­سى باسقارماسىنىڭ ءتورايىمى سالتانات راحىم­بەكوۆا ءوز سوزىندە «جاسىل ەكو­نو­ميكانىڭ» يميد­جى قازاقستاننىڭ الەم جۇرتشىلىعى الدىن­داعى ينۆەستيتسيالىق تارتىم­دىلى­عىن ارتتىرۋعا ىقپال ەتەتىنىن ايتتى. «بۇگىندە دامىعان ەل­دەردەگى تۇلعالار, ساياساتكەرلەر, ءىرى بيزنەسمەندەر, عالىمدار, شىعارماشىل ازاماتتار «جاسىل ەكونوميكانىڭ» دامۋىنا ايرىقشا كوڭىل بولە باستادى. «جاسىل ەكونوميكا» حيميا مەن بيولوگيا, مەحانيكا مەن ساندىق تەحنولوگيالار, ماتەماتيكا مەن فيزيكا, روبوتتى تەحنيكا مەن الەۋمەتتىك عىلىمدار سالاسىنداعى كادرلارىمىزدىڭ ساۋاتتىلىعىن ارتتىرۋعا قوزعاۋ سالىپ, تۇرتكى بولادى. جاقىن بولاشاقتا مۇنداي كادرلار بارىنشا كوپ سۇرانىسقا يە بولماق», – دەدى ول ءوز سوزىندە. ال «اقبوتا» قوعامدىق ءبىر­لەس­تىگىنىڭ ءتورايىمى تاتيانا نەمتسان «جاسىل ەكونوميكانىڭ» ازاماتتاردى ساپالى ازىق-ت ۇلىكپەن قامتاماسىز ەتۋگە ءجا­نە ونى ەكسپورتتاۋ ارقى­لى جاقسى كىرىس الۋعا مۇمكىن­دىك بەرەتىنىن جەتكىزدى. «ەكو­نو­ميكالىق جاعىنان پايدا اكەلۋ ماقساتىندا كوپتەگەن ءىرى شەتەلدىك كومپانيانىڭ قازاق­ستاننىڭ «جاسىل ەكونوميكا­سىنا» بارىنشا نازار اۋدارۋعا دايىن ەكەندىگىنىڭ ءوزى وعان قوسىمشا تارتىمدىلىق بەرەدى. قازاقستاننىڭ بۇل سالادا از عانا كۇش-جىگەر جۇمساپ, ايتار­لىقتاي ناتيجەگە قول جەتكىزۋىنە مۇمكىندىگى بار», – دەدى ءوز ءسوزىن­دە ول. «ءبىزدىڭ پارتيامىزدىڭ نە­گىزگى قاعيداتتارىنىڭ ءبىرى – ەكولوگياسى تازا ورتا قا­لىپ­­تاستىرۋ. تازا ورتانى, تابي­عاتتى بولاشاققا اماناتتاۋ. سون­دىقتان, «G-Global» كوالي­تسياسىمەن بىرلەسە وتىرىپ, ەلىمىزگە «جاسىل ەكونوميكانى» ەنگىزۋ بويىنشا بىرلەسە جۇمىس جۇرگىزگىمىز كەلەدى. ماسەلەن, بۇگىندە تازا كوكونىس ونىمدەرىن ءوسىرۋ, ەلەكتر ەنەرگياسىن ءتيىمدى پايدالانۋ, كومىردى 60 پايىزعا دەيىن ۇنەمدەيتىن تەحنولوگيالاردى, بيوتەحنولوگيالاردى, تامشىلاتىپ سۋارۋ جۇيەسىن ەنگىزۋ بويىنشا ءىس-شارالار قولعا الىنىپ جاتىر. ءبىز وسى ارقىلى قازاقستاننىڭ ەكونوميكاسىن دامىتۋعا مۇمكىندىك الامىز دەپ ويلايمىن», – دەدى «بىرلىك» ساياسي پارتياسى توراعاسىنىڭ ورىنباسارى تولەگەن قۋانىشەۆ. ءلايلا ەدىلقىزى, «ەگەمەن قازاقستان».