جاۋاپكەرشىلىك جۇگى زور

ولەگ فرولوۆ – «ءوس­كەمەن قالالىق اۋعان سوعى­سى ارداگەرلەرى ۇيى­مى» قوعامدىق بىرلەستىك كەڭە­سى توراعاسىنىڭ ءبىرىن­شى ورىنباسارى. جۋىردا ولەگ گەننادەۆيچ «نۇر وتان» پارتياسىنىڭ اتىنان №15 سايلاۋ وكرۋگى بو­يىنشا وسكەمەن قالا­لىق ءماسليحاتىنىڭ دە­پۋ­تات­تىعىنا كاندي­دات­تىققا ۇسىنىلدى. اعىمداعى جى­لى 2 اقپاندا وتكەن پرايمەريزدە پار­تيالاستارىنىڭ قولداۋىنا يە بولىپ, 9 اقپاندا وتكەن پارتيانىڭ قالالىق كونفەرەنتسياسىندا الداعى سايلاۋعا ءتۇسۋ ءۇشىن پارتيالىق تىزىمگە ەندى. – بۇل – مەن ءۇشىن ۇلكەن مارتەبە. ەلباسى جۇكتەگەن مىندەتتەر مە­جە­سىنەن تابىلىپ, الەمنىڭ دامىعان 30 ەلىنىڭ قاتارىنا قوسىلۋ ءۇشىن تىنباي ەڭبەك ەتۋىمىز ءتيىس. ءماسليحات دەپۋتاتتارىنىڭ الدىندا جاڭا ەكونوميكالىق ساياسات شەڭبەرىندە بيۋدجەت قارجىسىنىڭ ءتيىمدى جۇمسالۋىن باقىلاۋ جانە داعدارىسقا قارسى باعدارلامالاردى جۇزەگە اسىرۋ مىندەتى تۇر. ياعني, قالامىزدىڭ گۇلدەنۋى جولىندا جانە سايلاۋشىلار سەنىمىنە يە بولۋ ءۇشىن ايانباي ەڭبەك ەتۋ كەرەك, – دەدى ولەگ فرولوۆ. قازاقستاننىڭ جاڭا داۋىرگە بەت العانىن ايت­قان ۇمىتكەر قالالىق ءماس­لي­حاتتىڭ وتكەن شاقىرى­لىمىندا وسكەمەندىك ينتەرناتسيوناليست-جاۋىنگەرلەرگە ەمدەۋ-ساۋىقتىرۋ شارالارى تۇرعىسىنان كوپ كومەك كورسەتىلگەنىن جەتكىزدى. ايتالىق, اۋعان سوعىسىنىڭ ارداگەرلەرى استانا مەن الماتى ەمحانالارىندا ەمدەلىپ, ۆىدريحا اۋىلىنداعى ۋبا شيپاجايىندا دەنساۋلىقتارىن تۇزەپ كەلەدى. ۇلى وتان سوعىسىنىڭ ارداگەرلەرى مەن ولارعا تەڭەستىرىلگەن تۇلعالاردى الەۋمەتتىك قورعاۋ تۋرالى زاڭ اياسىندا 15 اقپان كۇنى 50 مىڭ تەڭگە كولەمىندە ماتەريالدىق وتەماقى تولەنۋدە. سونداي-اق, سوڭعى 8 جىلدا اۋعان سوعىسىنىڭ ارداگەرلەرىنە 60 مىڭ تەڭگە كولەمىندە كوممۋنالدىق قىزمەت ءۇشىن جەڭىلدىك جاسالىپ وتىر. 2015 جىلى وبلىس ورتالىعىنداعى مەكتەپتەردە 40-تان استام ەرلىك ساباعى مەن 2 اسكەري-پاتريوتتىق ويىن وتكەنىن دە ايتا كەتكەن ءلازىم. دۋمان اناش, «ەگەمەن قازاقستان». وسكەمەن.