اۋعان سوعىسىنىڭ قۇرباندارىن ەسكە الدى

كەشە استانا قالاسىنداعى جاۋىنگەر-ينتەرناتسيوناليستەر مەموريالى الاڭىندا كەڭەس اسكەرلەرىنىڭ اۋعانستاننان شىعارىلعانىنا 27 جىل تولۋىنا وراي گۇل شوعىن قويۋ ءراسىمى ءوتتى. «نۇر وتان» پارتياسى جانىنداعى «جاس وتان» جاستار قاناتى مەن اۋعانستان جانە جەرگىلىكتى سوعىس ارداگەرلەرى وداعى بىرلەسىپ ۇيىمداستىرعان ءىس-شاراعا اۋعان سوعىسىنا قاتىسۋشىلار, ولاردىڭ اتا-انالارى مەن تۋعان-تۋىستارى جانە «جاس ۇلان» اسكەري مەكتەبىنىڭ تاربيەلەنۋشىلەرى قاتىستى. پاتريوتتىق شارادا اۋعان سوعىسىنىڭ ارداگەرى, حالىق قاھارمانى, گەنەرال-لەيتەنانت باقىتجان ەرتاەۆ قازاقستاننان اتتانعان جاۋىنگەرلەردىڭ ەر­لىك­تەرىن ەسكە الىپ, ولاردىڭ ين­تەرناتسيونالدىق بورىشتارىن ابىرويمەن اتقارعانىن ايتتى. «اۋعان سوعىسىنىڭ اياق­تال­عانىنا 27 جىل تولعانىمەن, سول ءبىر زۇلمات جىلداردىڭ قايعى-قاسىرەتى ءالى دە بولسا كوپتىڭ كو­كەيىندە. سەبەبى, تالاي وتباسىن قان جىلاتقان سول سوعىستا بىرەۋ ۇلىنان, ەندى بىرەۋ اسىل جارىنان, ال بىرەۋلەر اكەلەرىنەن ايىرىلدى. سوندىقتان قىر­شىن كەتكەن بوزداقتاردىڭ ەرلىكتەرىنە تاعزىم ەتىپ, قۇرمەت كورسەتۋ – ءبىزدىڭ ءمىن­دەتىمىز», – دەگەن ب.ەرتاەۆ بۇگىنگى وتان قورعاۋشىلاردىڭ سەنىم­دى دە باتىل بولۋى ءۇشىن وسىنداي شا­­رالاردىڭ پايداسى زور ەكەنىن جەتكىزدى. سونىمەن قاتار, اۋعان سو­­­­­عى­سىنىڭ ارداگەرى, قوعام قايراتكەرى باقىتبەك سماعۇل: «بۇل كۇن – اۋعانستاننان اعىل­­­عان تەمىر تابىتتار توق­تاعان, انالار كوز جاسىن كول قىلىپ, بالالارىن جوقتاعان كۇن. ەلباسى ايتقانداي, ءار قا­زاقستاندىق ەرلىك پەن ەلدىك­تى ۇشتاستىرىپ, ەلىمىزدىڭ كوركەيىپ, وركەندەۋىنە ەڭبەك ەتۋى ءتيىس. سول سەبەپتى, وسىنداي شارالاردا باتىر ۇلدارىمىزدىڭ ەرلىكتەرىن ناسيحاتتاپ, جاستارىمىزدى وتان ءۇشىن قانىن توكسە دە, ارىن توكپەيتىن پاتريوت ەتىپ تاربيەلەۋگە ۇمتىلۋىمىز كەرەك. ەندى ەشقاشان سوعىس بولما­سىن!», – دەدى. ءوز كەزەگىندە استانا قالاسى اكىمىنىڭ ورىنباسارى ەرمەك امان­شاەۆ بۇگىندە ەلوردادا مىڭنان استام اۋعان سوعىسى­نىڭ ارداگەرى تۇراتىنىن, ولاردىڭ تاۋەلسىز ەلىمىزدىڭ كوركەيۋى جو­لىندا جەمىستى ەڭبەك ەتىپ جاتقاندارىن جەتكىزدى. شارا سوڭىندا اۋعان سوعىسىندا قازا تاپقان جاۋىنگەرلەردىڭ قۇر­مەتىنە ءبىر مينۋت ۇنسىزدىك جاريالا­نىپ, قاتىسۋشىلار مە­موريالعا گۇل شوقتارىن قويدى. ايتا كەتەيىك, 1979 جىلدىڭ 25 جەلتوقسانى مەن 1989 جىل­دىڭ 14 اقپانى ارالىعىندا سان مىڭ­داعان كەڭەستىك اسكەري­لەر اۋعانستان جەرىندە وتان ال­دىنداعى بورىشىن وتەدى. ولار­دىڭ قاتارىندا 22 269 قازاقستاندىق بولسا, سولاردىڭ 924-ءى سۇم سوعىستىڭ قۇربانى بولدى, ال 1015-ءسى ەلگە مۇگەدەك بولىپ ورالدى. ال 21 جەرلەسىمىز ءىز-ءتۇزسىز جوعالعانداردىڭ تىزىمىنە قوسىلدى. ەلامان قوڭىر, «ەگەمەن قازاقستان».