كەڭەستەن كومەك كوپ

قوستاناي قالاسىنداعى «وتاۋ-ساۋدا» ساۋدا ورتا­لى­عىنا سەنبى, جەكسەنبى كۇن­دەرى قالالىقتار دا, اۋىلدان بازارلاۋعا كەلگەندەر دە سوقپاي كەتپەيدى. كوك­بازارعا كەلگەندەر ساۋدا ور­تالىعىنان كەرەگىن تابا­دى. مۇندا كيىم-كەشەك, تۇر­مىستىق بۇيىمداردان باس­تاپ, التىنعا دەيىن بار. سەنبى كۇنى امبەباپ دۇكەنگە كەلگەندەر التىننان كەم ەمەس تەگىن كەڭەس تە الىپ كەتتى. «نۇر وتان» پارتياسى وبلىستىق فيليالىنىڭ «جاس وتان» جاس­تار قاناتى ادەتتەگىدەي كەڭەس ورتالىعىن وسى «وتاۋ-ساۋدا» ساۋدا ورتالىعىنا اكەلدى. دۇكەننىڭ جەرگىلىكتى داۋىسكۇشەيتكىشىنەن ەكىنشى قاباتتا كەڭەس ورتالىعىنىڭ جۇمىس ىستەپ جاتقانىن حابارلاپ جىبەرگەن ەدى, ءاپ دەگەنشە ەمحانالاردان, وبلىستىق سايلاۋ كوميسسياسىنان, جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنان, جۇمىسپەن قامتۋ ورتالىعىنان كەلىپ وتىرعان مامانداردىڭ الدىندا جۇرت كەزەككە تۇرىپ ۇلگەردى. كەزەكتىڭ الدىندا تۇرعان جىگىت دەنيس بورسۋكوۆ وتكەن جىلى اۆتوموبيل جولدارى كوللەدجىن بىتىرگەن ەكەن. تەحنيك-مە­حانيك ماماندىعىن يگەرگەن. الايدا, كو­ڭىلىنە قو­نىمدى جۇمىستى ءالى تاپپاپتى. قازىر جۇمىسسىز ءجۇر. ول جۇمىسپەن قامتۋ ورتالىعىنان كەلىپ وتىرعان ماماندارعا ءوزىنىڭ تۇيىندەمەسىن تاستاپ كەتتى. ازىرگە ولارعا دەنيستىڭ ما­ماندىعىن ىزدەپ, سۇرانىس جاساعان جۇمىس بەرۋشى بو­لا قويماپتى. ال راتحان اح­مەتوۆ بولسا قوستاناي مەم­­لەكەتتىك پەداگوگيكالىق ينس­­تيتۋتىنىڭ سپورت ءجا­نە دەنەشىنىقتىرۋ فا­كۋلتەتىندە وقىپ ءجۇر. ءوزى­نىڭ بولاشاعىن ويلاعان ازامات كەڭەس بەرۋ ورتالىعىنان بولا­شاق جۇمىسىنىڭ جاي-جاپسارى تۋرالى بىلگىسى كە­لىپتى. – شىنىمدى ايتسام, مۇمكىندىگىنشە جۇمىستى قا­لادان تاپقىم كەلەدى. سونىڭ مۇمكىندىگى قالاي بولاتىنىن بىلگىم كەلگەن. مەن وقۋ ورنىن كەلەسى جىلى بىتىرەمىن, سونان كەيىن قالادان جۇمىس تاپپاسام, «جاستار پراكتيكاسىنا» جازىلۋىما بولادى ەكەن, – دەيدى راتحان. – مەن بيىل سايلاۋ­دا ءبىرىنشى رەت داۋىس بەرە­مىن. ماعان وبلىستىق سايلاۋ ۋچاسكەسىنەن كەلگەن كىسى قانداي قۇجاتپەن, قاي ساي­لاۋ ۋچاسكەسىنە باراتىنىمدى, الدىن الا سايلاۋ­شىلار تىزىمىنە ەنگەنىمدى قايدان ءبىلۋىم قاجەت­تىگىن ناقتىلاپ ءتۇسىندىرىپ بەردى, – دەدى قوس­تاناي مەملەكەتتىك پەداگوگيكا ينستي­تۋتىنىڭ ءبىرىنشى كۋرس ستۋدەنتى رۋسلان مۇحتاروۆ. كەڭەس ورتالىعىندا پسي­حولوگتار مەن مەديتسينا قىز­مەتكەرلەرى دە جۇرت­شى­لىقتىڭ ساۋالدارىنا ناقتى جاۋاپ بەرىپ جاتتى. ولار­دىڭ قان قىسىمىن, قان قۇرامىنداعى قانت مولشەرىن دە ءسۇت ءپىسىرىم ۋاقىتتا انىقتاپ بەردى. كە­ڭەس بەرۋ ورتالىعىن «نۇر وتان» پارتياسى وبلىس­تىق فيليالىنىڭ جاستار قاناتى ءجيى ۇيىمداستىرادى. ول 2013 جىلى قۇرىلعان ەدى, وسى ۋاقىتقا دەيىن 5447 ادام مەديتسينا, زاڭ, قۇقىق, قول­جەتىمدى تۇرعىن ءۇي, ءبىلىم الۋ سالاسىنان ءتيىمدى كەڭەستەر الىپتى. – كەڭەس بەرۋ ورتالىعى حالىقتىڭ كومەككە ءزارۋ ساناتىنا كەڭەس بەرىپ, دەمەپ جىبەرەدى. ونىڭ ارتىقشىلىعى دا وسىندا. ولار كەيدە ەم­حانالارعا, كەيبىر مەملە­كەت­تىك ورگاندارعا بارىپ, ءبۇ­گىنگىدەي ساناۋلى مينۋتتاردا سۇ­راقتارىنا جاۋاپ الا المايدى, بارلىعىنا ۋاقىت كەرەك. ال ءبىز جۇمىستى كۇنىنە ەكى ساعات وسىنداي ادامدار كوپ جۇرەتىن ورىنداردا ۇيىمداستىرامىز, – دەيدى «نۇر وتان» پارتياسى وبلىستىق فيليالىنىڭ «جاس وتان» جاستار قاناتىنىڭ ءتور­اعاسى ەرلان تولەۋتاەۆ. كەڭەس بەرۋ ورتالىعى «جاس وتان» جاستار قاناتىنىڭ جو­باسى بولعاندىقتان, كە­ڭەس سۇراپ كەلگەندەرگە قان­شالىقتى كومەك بەرىلگەنى پار­تيانىڭ وبلىستىق فيليالى جاستار قاناتىندا قاداعالانىپ وتىرادى. ءنازيرا جارىمبەتوۆا, «ەگەمەن قازاقستان». قوستاناي.