تەك قانا قىزدار...

قازاق مەملەكەتتىك پەداگوگيكالىق ۋنيۆەرسيتەتىندە «پاراساتتى نلو» (ناعىز ليدەرلەر وداعى) پىكىرسايىس كلۋبىنىڭ ۇيىمداستىرۋىمەن تۇڭعىش رەت تەك قىزدارعا ارنالعان «قازاق قىزى» اتتى ەكى كۇندىك رەسپۋبليكالىق پىكىرسايىس ءتۋرنيرى ءوتتى. قاتىسۋشىلار تەك قانا قىزدار بولعان تۋرنيردا شەشىم شىعارىپ, ءادىل تورەشىلىك ەتۋ – ەر-ازاماتتارعا بۇيىردى. العاش رەت ۇيىمداس­تىرىلىپ وتىرعان پىكىرسايىس دوداسىنا الماتى, وسكەمەن, سەمەي, قىزىلوردا قالا­لارىنىڭ جوعا­رى وقۋ ورىندارىنان, ياعني قازۇۋ, قازۇاۋ, UIB, قازۇتزۋ, اەجبۋ, قورقىت اتا اتىن­داعى قىزىلوردا مەملە­كەتتىك ۋنيۆەرسيتەتىنىڭ پىكىر­سايىسشىلارى قاتىسىپ, بار بىلىمدەرىن ورتاعا سالدى. جالپى, بۇل تۋرنير قازاق قىزدارىنىڭ وي-پىكىرىن جان-جاقتى, ەركىن ايتۋعا ءۇل­كەن ىقپالىن تيگىزدى. قاي تاقى­رىپقا بولماسىن كوسىلە ءسوي­لەپ, ماسەلەنى شەشۋ جولىن قاراستىردى. «قازاق قىزى» دەگەن اتقا لايىق بولۋ – ءار قا­زاق قىزىنىڭ باستى مىندەتى. ول كوركىمەن عانا ەمەس, اقىل-پاراساتىمەن, شەشەندىگىمەن, ۇتقىرلىعىمەن ەرەكشەلەنىپ تۇرۋى قاجەت. «قازاق قىزى» اتتى رەسپۋب­ليكالىق پىكىرسايىس تۋرنيرىنە قاتىسقان كوماندالارعا سايىس بارىسىندا ءتۇرلى تاقى­رىپتار قاراستىرىلىپ, وزەك­تى ماسەلەلەر قوزعالدى. ءپى­كىر­سايىسشىلاردىڭ نەگىزگى ءمىن­دەتتەرى – قوعامنىڭ وزەكتى ماسەلەلەرىن تالقىعا سالىپ, سول تۋرالى تۇسىنىكتەردى كە­ڭەيتۋ بولدى. ءار توپتى جەكە-جەكە تورەشىلەر باعالادى. تۋرنير يدەياسىنىڭ اۆتورى قىزدار ۋنيۆەرسيتەتىنىڭ پا­را­ساتتى ناعىز ليدەرلەر ودا­عىنىڭ پرەزيدەنتى ارداق ءازىم­حان, ءتۋرنيردىڭ باس تورە­شىسى ماگيستراتۋرا ستۋدەنتى سان­دۋعاش مەڭلىباەۆا, ال باس ۇيىم­داستىرۋشىسى – عازيزا دوسىم­بەك بولدى. تۋرنيردا «بۇل پالاتا 1/3 ستاتيستيكاسىنا ايەلدەر كى­نالى», «جاھاندانۋدا بارلىق سالت-داستۇرلەردى ۇستانۋ اقتا­لادى», «ايشا ءبيبى اكەسىن تىڭداعاندا باقىتتىراق بولاتىن ەدى», «زارينا پاتشايىم ەلىن ەمەس, سۇيگەنىن تاڭدايدى», «فەمينيزم قازاق قوعامىندا», «قازاق تاريحىنداعى ەسıمı التىن ارىپپەن جازىلعان ارۋدى اتايدى», «ساياساتقا ايەلدەردىڭ كەلۋى مەملەكەتتىڭ ساياسي جانە الەۋمەتتىك ماسەلەلەردı شەشۋگە وڭ اسەرىن تيگىزەدى دەپ ەسەپ­تەيدى» دەگەن جەتى تاقىرىپ ويناتىلدى. سونداي-اق, پىكىرسايىس دوداسىندا «پىكىرسايىس ارۋى – 2016» جەڭىمپازى س.دەميرەل ۋنيۆەرسيتەتىنىڭ ستۋدەنتى اي­نۇر ەسەنعاليەۆا يەمدەنىپ, ءتاج بەن باعالى سىيلىقتار تاپ­سىرىلدى. پىكىرسايىس ورىن­­دارىندا امەريكاندىق پار­لامەنتتىك فورمات بويىنشا ءى ورىندى ءا.مول­داعۇلوۆا كومانداسى, ياعني ۋنيۆەرسيتەتتىڭ پىكىرسايىس كلۋبىنىڭ ءمۇ­شەسى ايدا وتە­مىسوۆا مەن حا­لىقارالىق بيزنەس ۋنيۆەر­سيتەتىنىڭ ستۋدەنتى اي­جان اۋەلبەك يەمدەنىپ, ماقتاۋ قا­عا­زى مەن سىيلىقتار تاپسىرىلدى. ءىى ورىندى «تۇمار حانىم مەن تەمىر حانشا» توبى – م.دۋلاتي اتىنداعى تاراز مەملەكەتتىك ۋنيۆەرسيتەتىنىڭ ستۋدەنتتەرى اقنۇر سارسەنبەك پەن اقەركە التاەۆا, ءىىى ورىندى «قاناتسىز پەرىشتەلەردەن» – اقەركە داۋلەت پەن سەمەي قالاسىنداعى س.امانجولوۆ اتىنداعى مەدي­تسينالىق ۋنيۆەرسيتەتتىڭ ستۋ­دەنتى ەركەجان كامەتاەۆا يە­لەندى. اتالمىش تۋرنير الداعى ۋاقىتتا دا ءوز جالعاسىن تاپپاق. گۇلزەينەپ سادىرقىزى, «ەگەمەن قازاقستان».