جاساندى ينتەللەكت ينسۋلتتان بولاتىن ءولىم-ءجىتىمدى 40%-عا تومەندەتكەن

50 رەت

كورسەتىلدى

1 مين

وقۋ ءۇشىن

قازاقستاندا ءينسۋلتتى ەرتە دياگنوستيكالاۋعا ارنالعان جاساندى ينتەللەكت جۇيەسى بىرقاتار وڭىردە ءولىم-ءجىتىم كورسەتكىشىن 40%-عا ازايتۋعا سەپتىگىن تيگىزدى. بۇل تۋرالى پرەمەر-ءمينيستردىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆ مالىمدەدى, دەپ جازادى Egemen.kz.

قىرمىزى جۇماعاليقىزى

جاساندى ينتەللەكت ينسۋلتتان بولاتىن ءولىم-ءجىتىمدى 40%-عا تومەندەتكەن

فوتو: جي كومەگىمەن جاسالعان

ءمينيستردىڭ ايتۋىنشا, قازىرگى تاڭدا ەلىمىزدە حالىقتىڭ ءومىر ءسۇرۋ ساپاسىن جاقسارتۋعا باعىتتالعان 50-دەن استام AI-اگەنت بەلسەندى جۇمىس ىستەپ جاتىر.

قازاقستاندا ينسۋلتتەن بولاتىن ءولىم-ءجىتىم 4%-عا تومەندەدى

دەنساۋلىق ساقتاۋ سالاسىنداعى ەڭ ءساتتى جوبالاردىڭ ءبىرى – Cerebra AI. بۇل جۇيە ءينسۋلتتىڭ العاشقى بەلگىلەرىن انىقتاۋدا دارىگەرلەردىڭ باستى كومەكشىسىنە اينالدى.

«دەنساۋلىق ساقتاۋ سالاسىنداعى ناتيجەلى كەيستەردىڭ ءبىرى – Cerebra AI. بۇل – ءينسۋلتتى ەرتە دياگنوستيكالاۋعا ارنالعان جاساندى ينتەللەكت. ول كومپيۋتەرلىك توموگرافيا ناتيجەسىن 30 مينۋتتىڭ ورنىنا 5-10 مينۋت ىشىندە تالدايدى. ول ينسۋلت دياگنوستيكاسىن ەداۋىر جىلدامداتادى جانە دالدىگىن ارتتىرادى. جۇيە ەلورداداعى 17 ەمحانادا, سونداي-اق اقمولا, ماڭعىستاۋ, جامبىل جانە الماتى وبلىستارىندا ەنگىزىلدى», دەدى مينيستر.