سوت جۇيەسىنىڭ دامۋى

ەلىمىزدەگى جۇرگىزىلىپ جاتقان رەفورمالاردىڭ جاڭعىرىعى پرەزيدەنت جانىنداعى ور­تالىق كوممۋنيكاتسيالار قىزمەتىندە «ۇلت جوسپارى ايا­سىنداعى سوت جۇيەسىنىڭ دامۋى­نا ساراپشىلىق كوزقاراس: تالداۋ, كەلەشەگى مەن ىقتيمال تاۋەكەلدەرى» تاقىرىبىندا دوڭگەلەك ۇستەل ءوتتى. وعان جو­عار­عى سوت سۋديالارى, قۇقىق قورعاۋ سالاسىنىڭ ماماندارى, زاڭگەرلىك جانە عىلىمي قاۋىم­داستىقتىڭ وكىلدەرى, ۇكى­مەتتىك ەمەس ۇيىمداردىڭ جەتەك­شىلەرى جانە سوت تورەلىگى ينس­تيتۋتىنىڭ ماگيسترانتتارى قاتىستى. دوڭگەلەك ۇستەل وتىرىسىندا ەلىمىزدەگى سوت جۇيەسىنىڭ دا­مۋى, قازاقستاننىڭ ەڭ باس­تى قۇندىلىعى ادام جانە ونىڭ ءومىرى, قۇقىقتارى مەن بوستاندىقتارى ايتىلىپ, ەلبا­سىنىڭ «100 ناقتى قادام» – ۇلت جوسپارىنىڭ جۇزەگە اسىرىلۋ بارىسى تالقىلاندى. بۇل تۇرعىدا ءسوز العان جوعارعى سوت سۋدياسى باعلان ماقۇلبەكوۆ ەلىمىزدىڭ ەگەمەندىككە قول جەتكىزگەن جىلدارىنان بەرگى سوت جۇيەسىنىڭ قالىپتاسۋى مەن دامۋىن, حالىقتىڭ سۋديالارعا دەگەن سەنىمىن اتاپ ءوتتى. سونداي-اق, ول «100 ناقتى قادامداعى» وتاندىق سوت جۇيەسىن تۇبەگەيلى وزگەرتۋگە باعىتتالعان 11 قادام­نىڭ ىسكە اسىرىلۋ بارىسىنا توقتالدى. «100 ناقتى قادام» – ۇلت جوسپارىندا كورسەتىلگەندەي, سوت جۇيەسىن دامىتۋ, ادام قۇقىعى مەن بوستاندىقتارىن قالىپتاستىرۋ, حالىقتىڭ سەنى­مىنەن شىعۋ باعىتتارى بو­يىنشا جوعارعى سوت پەن بارلىق وڭىردەگى سۋديالار قى­رۋار شارۋالار اتقارىپ كەلەدى. ەلىمىزدە سوتقا شاعىم ءتۇ­سىرگەن تالاپكەردىڭ تالاپ-ارىزىن قاناعاتتاندىرۋ, ءادىل ۇكىم شىعارۋ سەكىلدى جۇيە­لەر قازاقستاندىقتاردىڭ دەمو­كراتيالىق قوعامدا ءومىر ءسۇرىپ وتىرعانىن بىلدىرەدى. ءبىز, اتالعان 11 قادامنىڭ ىسكە اسىرىلۋىنا باسىمدىق بەرىپ, سوت سالالارىن وڭتايلاندىرۋعا اي­رىقشا نازار اۋدارىپ كەلەمىز, – دەدى. سونداي-اق, جوعارعى سوت سۋدياسى القا بيلەر سوتى قول­دانىلاتىن سالالاردى كە­ڭەيتۋ, سوتتا ايىپتالۋشى مەن قورعاۋشى اراسىنداعى تەڭ­گەرىمدى قامتاماسىز ەتۋ, سۋديا­لىققا ۇمىتكەرلەرگە قويىلاتىن بىلىكتىلىك تالاپتارى مەن ىرىكتەۋ كەزەڭىن قاتاڭداتۋ سەكىلدى ماسەلەلەردى ورتاعا سالدى. بۇل ورايدا باس پروكۋراتۋرانىڭ سوتتاردا مەملەكەت مۇددەسىنە وكى­لەتتىلىك ەتۋ دەپارتامەنتى باسشىسىنىڭ ورىنباسارى م. ابىشەۆ ءسوز الىپ, ءوز ويىن ءبىلدىردى. ول ازامتاتتىق پروتسەسكە پروكۋروردىڭ قا­تى­سۋىن قىسقارۋ تۋرالى ۇسى­نىسىن ايتىپ, سوت جۇيە­سىند­ەگى قاداعالاۋشى ورگان­نىڭ قىزمەتىن باياندادى. پرو­كۋروردىڭ پايىمداۋىنشا, ەلىمىزدەگى سوت جۇيەسىندە ءجا­نە دامۋىندا حالىقارالىق ستان­دارتقا ساي ىلگەرىلەۋشىلىك بار كورىنەدى. – بۇل, ارينە, ىلكىمدى ىستەردىڭ ىرگەسىندە تۇرعان سۋديالار مەن پروكۋرورلاردىڭ جەمىستى ەڭ­بەگى, ناتيجەلى جۇمىسى, – دەدى م.ابىشەۆ. جالپى, دوڭگەلەك ءۇس­تەل­گە قاتىسۋشىلار سوت جۇيە­سىندە جۇرگىزىلىپ جاتقان رە­فورمالاردىڭ تاجىريبەلىك ماڭىزدىلىعىن, «100 ناقتى قادام» ۇلت جوسپارىنداعى اتالعان 11 قادامنىڭ ىسكە اسى­رىلۋ تەتىكتەرى تۋراسىندا ءوز وي-پىكىرلەرىن تارقاتتى. جيىننىڭ قورىتىندىسىندا ءسوز العان جوعارعى سوت جانىنداعى سوت­تاردىڭ قىزمەتىن قامتا­ما­سىز ەتۋ دەپارتامەنتى باس­شىسىنىڭ ورىنباسارى ج.ابديەۆ: – «ۇلت جوسپارى» زاڭ ءۇس­تەم­دىگىن قامتاماسىز ەتۋگە, ازا­ماتتاردىڭ قۇقىقتارى مەن مۇددەلەرىن قورعاۋداعى سوتتار جۇمىسىن جاڭا دەڭگەيگە كوتەرۋگە مۇمكىندىك بەرەدى. بەس ينستيتۋتتىق رەفور­مانىڭ ەڭ باستى تاجىريبەلىك قۇندىلىعى دا وسىندا, – دەدى. تالعات رايىمبەك, «ەگەمەن قازاقستان». استانا.