«كوڭىل قىمبات» كىتابى وقىرمانعا جول تارتتى

كەشە قازاقستان جازۋشىلار وداعىنىڭ مۇشەسى, قوعام قايراتكەرى, اقىن, جۋرناليست, جازۋشى جانە سازگەر اكىم ىسقاقتىڭ «كوڭىل قىمبات» اتتى شىعارماشىلىق كەشى ءوتتى. وعان ەلىمىزدىڭ بەدەلدى تۇلعالارى, باس رەداكتورلار كلۋبىنىڭ مۇشەلەرى, قوعام قايراتكەرلەرى مەن اقىن-جازۋ­شىلار, ۇستازدار جانە ستۋدەنتتەر قاتىستى. اقىننىڭ «كوڭىل قىمبات» دەپ اتالاتىن جاڭا كىتا­بىنىڭ تۇساۋكەسەر «لەنتاسىن» اكادەميك بولات كومەكوۆ پەن ەلتاڭبا اۆتورى جانداربەك مالىبەكوۆ قيدى. كوڭىلدى كەشتىڭ قۇرمەتتى قوناقتارى جازۋشىنىڭ ولەڭدەرىن جاتقا وقىپ, اندەرىن ورىندادى. – بۇگىنگى باسقوسۋدىڭ ورنى ەرەكشە, ولاي بولاتىن سەبەبى, مەنىڭ «كو­ڭىل قىمبات» دەگەن اۆتورلىق راديو­­­باعدارلامام بار. مەن وسى باعدارلامانى بىرنەشە جىلدان بەرى جۇرگىزىپ كەلەمىن. ەندى, مىنە, ارنايى كىتاپ ەتىپ شىعاردىق. شىنىندا دا, ادام بالاسىنا مىنا ومىردە كوڭىلدەن قىمبات ەشتەڭە جوق. سەنىڭ قانشاما ميلليونداعان اقشاڭ بول­عانىمەن, ادام­دىق قا­سيەتىڭ بولماسا ەشكىم دە باعالامايدى. قازاقتا «كۇلكى – اشىلعان گۇل, كوڭىل – شاشىلعان نۇر» دەگەن جاقسى ءبىر ماقال بار.. مىنا ومىرگە كەلگەن ءاربىر ازامات ادام­دىق قاسيەتىمەن تانىلىپ, بىرەۋگە جاقسى ءسوزىن ارناسا عانا, جاقسى جاۋاپ ەستيتىنى انىق. سول سە­بەپتى, بۇل فانيدە ادام­دىق كوڭىلدىڭ قىمبات ەكەندىگىنە ەش تالاس جوق. جالپى, بۇگىنگى كەزدەسۋ تاۋەل­سىز­دىگىمىزدىڭ 25 جىلدىعىنا, قازاق راديو­سىنىڭ 95 جىلدىعىنا جانە شالقار راديوسىنىڭ 50 جىلدىعىنا ارنالىپ وتىر, – دەدى كەش يەسى اكىم ىسقاق. سونىمەن قاتار, اقىنعا «حالىق­ارالىق جۋرناليستەر وداعىنىڭ مۇشە­سى» توسبەلگىسى تابىس ەتىلدى. ەلميرا ماتىباەۆا, «ەگەمەن قازاقستان».