جاس سپورتشىلار سايىسقا اتتاندى

ەندى ەكى كۇننەن كەيىن نورۆەگيانىڭ ليللەحاممەر قالاسىندا جاسوسپىرىمدەر اراسىنداعى ءىى قىسقى وليمپيا ويىندارىنىڭ الاۋى تۇتانادى. سوعان وراي كەشە استانا قالاسىنداعى «سارىارقا» رەسپۋبليكالىق ۆەلوترەگىندە ءدۇبىرلى دوداعا قاتىساتىن قازاقستاندىق دەلەگاتسيانى شىعارىپ سالۋ ءراسىمى ءوتتى. ءىس-شاراعا قاتىسقان مادەنيەت جانە سپورت ءمينيسترى ارىستانبەك مۇحامەدي ۇلى وتاندىق سپورتتىڭ بۇگىنگى جاي-كۇيى جونىندە ءسوز ەتىپ: «ەلباسىنىڭ تىكەلەي قامقور­­لىعى­نىڭ ارقاسىندا قازاق­ستان سپورتى الەمدىك ارەناداعى وزىندىك ورنىن الدى. قازىرگى تاڭدا ءبىزدىڭ سپورتشىلار كەز كەلگەن ءىرى جارىسقا قاتىسىپ قانا قويماي, تۇراقتى تۇردە جۇلدەلى ورىنداردان كورىنىپ ءجۇر. ەرەسەكتەرىمىزدەن بولەك, جاستار مەن جاسوسپىرىمدەر دە جوعارى ناتيجەلەرگە قول جەتكىزۋدە. مۇ­نىڭ ءبارى ەلىمىزدىڭ سپورتتاعى جەتىستىكتەرىن ارتتىرۋ باعىتىندا جاسالىپ جاتقان جۇمىستاردىڭ جەمىسى», – دەدى. سونداي-اق, ول جاس سپورتشىلارىمىزدىڭ الدا­عى سىننان سۇرىنبەي وتۋلەرىنە تىلەك­تەستىگىن ءبىلدىردى. ءوز كەزەگىندە اتالعان مينيس­ترلىكتىڭ سپورت جانە دەنە شىنىق­تىرۋ ىستەرى كوميتەتىنىڭ توراعاسى ەلسيار قاناعاتوۆ قازاقستان قۇرا­ماسىنىڭ بۇل بايراقتى باسە­كەگە قاتىسۋ ءۇشىن سپورتتىڭ 9 ءتۇ­رىنەن 20 جولداما جەڭىپ العا­نىن ايتتى. ونىڭ سوزىنە قارا­عاندا, قازاقستاندىقتار بياتلون, كونكي, شاڭعى, تاۋ شاڭعىسى, شانا, مانەرلەپ سىرعاناۋ, شورت-ترەك, فريستايل (سكي-كروسس) جانە تۇعىردان شاڭعىمەن سەكىرۋ سپورت تۇرلەرىنەن جۇلدەگە تالاسادى. شارا سوڭىندا ا.مۇحامەدي ۇلى وليمپيادانىڭ اشىلۋ سالتاناتىندا قازاقستاندىق دەلەگاتسيانى باستاپ شىعاتىن سپورتشى – شورت-ترەكتەن كوماندا مۇشەسى ەركەبۇلان شامۇحانوۆقا مەملەكەتتىك تۋدى تاپسىردى. ايتا كەتەيىك, جاسوسپىرىمدەر اراسىنداعى ءىى قىسقى وليمپيادا 12-21 اقپان ارالىعىندا وتەدى. سايىسقا الەمنىڭ 70 ەلىنەن 1100-گە جۋىق سپورتشى قاتىسادى دەپ كۇتىلۋدە. ولار سپورتتىڭ 16 تۇرىنەن 70 مەدال جيىنتىعىن ساراپقا سالادى. جالپى, جاسوسپىرىمدەردىڭ قىسقى وليمپياداسى العاش رەت 2012 جىلى اۆستريانىڭ ينسبرۋك قالاسىندا وتكەن بولاتىن. ول كەزدە قازاقستان سپورتشىلارى سايىستىڭ 10 ءتۇرى بويىنشا سىنعا ءتۇسىپ, ءبىر – كۇمىس جانە ەكى قولا مەدالعا قول جەتكىزدى. وسى ناتيجەمەن قازاقستان جالپى­كوماندالىق ەسەپتە 23-ورىنعا تابان تىرەگەن ەدى. ەلامان قوڭىر, «ەگەمەن قازاقستان». استانا.