نيكيتا ميحالكوۆتىڭ كوز جاسى

نەمەسە مۇحاممەد پايعامبار تۋرالى ءفيلمنىڭ تۇساۋكەسەرى وتكەن اپتادا ماسكەۋدە پار­سى رەجيسسەرى مادجيد ماد­جيديدىڭ «مۇحاممەد – جارات­قاننىڭ ەلشىسى» دەگەن فيل­مىنىڭ كورسەتىلىمى بولدى. پايعام­بار­دىڭ بالالىق شاعىن سۋرەت­تەيتىن يران كينەماتوگرافيا­سى تاريحىنداعى ەڭ قىمبات فيلم «كارو 11 وكتيابر» كينوتەاترىن­دا قويىلدى. ونى كورۋگە كوپتەگەن تانىمال جۇلدىزدار كەلدى. سولار­دىڭ اراسىندا بەلگىلى رەجيسسەر نيكيتا ميحالكوۆ تا بولدى. سوڭىنان جۋرناليستەرگە بەرگەن سۇحباتىندا رەسەي كينوسىنىڭ مەترى العان اسەرى وتە كۇشتى بول­عانىن, ءتىپتى كورسەتىلىمنىڭ كەي تۇستا­رىندا كوزىنە مولتىلدەپ جاس كەلىپ قالعانىن جاسىرماي ايتىپ بەردى. ميحالكوۆ يراندىق رەجيسسەردىڭ كارتيناسىن عازال پوەزياعا تەڭەدى, ال ءفيلمنىڭ ءوزى بولسا, «ناعىز, تازا يسلامعا» ۇڭىلۋگە مۇمكىندىك اپەرەدى. سونىمەن بىرگە, رەجيسسەر ايتەۋىر ءبىر ۋاقىتتا يسۋس حري­ستوس تۋرالى دا وسىنداي جاقسى فيلم ءتۇسىرىلىپ قالاتىنىنا ۇمىتتە­نەتىنىن جەتكىزدى. «شىنىم­دى ايتسام, مەن حريستوس تۋرالى دا وسىنداي كارتينا تۇسىرىلگەنىن ارمانداعان بولار ەدىم», – دەپ ءمالىم­دەدى ميحالكوۆ. بىراق جاۋ­اپ­كەرشىلىگى وتە جوعارى بول­عاندىقتان, بۇل جۇمىستى ءوزى قولعا الۋعا باتا الماس ەدى. لەنتانىڭ ماسكەۋدەگى كورسە­تىلىمىنە رەجيسسەر مادجيد ماد­جيديدىڭ ءوزى دە قاتىستى. «وكى­نىشكە قاراي, بۇل دىنگە ەشقانداي قاتىستارى جوق ادامداردىڭ ازعىن­دىعىنان سوڭعى كەزدەرى يسلامعا دەگەن ناشار كوزقاراس قالىپ­تاسىپ وتىر. مەن سوندىقتان ونەر پريزماسى ارقىلى يسلامنىڭ شىنايى كەسكىن-كەلبەتى مەن ناعىز ءمانىن كورسەتكىم كەلدى», – دەپ ءتۇسىندىردى ول ءوز ويىن. رەجيسسەر سونداي-اق كارتينانى نەگىزىنەن باتىس كورەرمەندەرىنە باعىت ۇستاي وتىرىپ تۇسىرگەنىن دە جاسىرمادى. سەبەبى, مۇسىلمان ەمەس قاۋىم اقيقات يسلامنىڭ قانداي ەكەنىن مۇحاممەد پايعامباردىڭ وبرازى ارقىلى تانىپ-بىلۋگە ءتيىس. «مۇحاممەد – جاراتقاننىڭ ەلشىسى» – كينەماتوگرافيا تاريحىندا وسى كەزگە دەيىن پايعامبار تۋرالى تۇسىرىلگەن ەكىنشى كوركەم فيلم. كارتينا مۇحاممەدتىڭ بالالىق جانە ءجاسوسپىرىم شاق­تارىنان سىر شەرتەدى. ول اللا ەلشىسىنىڭ ءومىرى تۋرالى تري­لوگيانىڭ ءبىرىنشى بولىگى بولىپ تابىلادى. ءفيلمدى تۇسىرۋگە 10 جىل ۋاقىت جانە 50 ملن. دوللارعا جۋىق قارجى جۇمسالعان. رۋسلان يگىلىك.