جاۋىنگەرلىك تەحنيكانىڭ زاماناۋي ۇلگىلەرى

قازاقستاننىڭ ينجەنەرلىك اسكەرلەر بولىمشەلەرى مەن قۇرى­لىمدارىنا وتە جاۋاپتى ءمىن­دەت جۇكتەلگەن. ولار قۇرلىق اسكەر­لەرىنىڭ بولىمشەلەرى مەن جالپى اسكەري بولىمدەرىنە جاۋىنگەرلىك ءىس-قيمىل جۇرگىزۋ ءۇشىن قولايلى جاعدايلار جاسايدى. «ينجەنەرلىك اسكەرلەر بەيبىت ۋاقىتتا دا وزىنە مىندەتتەلگەن سان الۋان تاپسىرمالار كەشەنىن ىسكە اسىرادى. ماسەلەن, ەۆاكۋاتسيا­لاۋ ايلا-تاسىلدەرىن, شابۋىلدا اسكەرلەردىڭ جىلجۋىن قامتاماسىز ەتەدى, جولدار سالادى, سۋلى توس­قاۋىلدان ءوتۋدى جابدىقتايدى, قار­­سىلاستاردىڭ بوگەتتەرىنە ءوت­­كەلدەر جاسايدى, قوزعالىس جولدارىن ينجەنەرلىك بارلاۋ, باسقارۋ بولىمدەرىن قۇرۋدى جۇزەگە اسىرادى. سونىمەن قاتار, سۋدى وڭدەۋ مەن تازارتۋ ارقىلى اسكەردى قاجەتتى سۋ قورىمەن قامتاماسىز ەتەدى», – دەپ اتاپ ءوتتى قر قك قا بب ينجەنەرلىك اسكەرلەر باستىعى پولكوۆنيك نۇرلان شايماحوۆ. سونداي-اق, ەلىمىزدىڭ بارلىق ايماعىندا ينجەنەرلەر جارىلعىش زاتتاردى تابۋ, انىقتاۋ جانە جويۋدى قامتاماسىز ەتەدى. بۇگىندە ينجەنەرلىك اسكەرلەر ينجەنەرلىك جاراقتاندىرۋ قۇرال­دارىمەن جانە قاجەتتى تەحنيكامەن جابدىقتالعان. الدا ساپالى قايتا جابدىقتاۋ جۇرگىزىلەدى دەپ كۇتىلۋدە. «2017-2018 جىلدارى قۇرلىق اسكەرلەرىنە قارايتىن اسكەرلەردى زاماناۋي قۇرالدارمەن جانە تەحنيكالارمەن قايتا جاب­دىقتاۋ جوسپارلانعان. بۇل جەر قا­زاتىن ينجەنەرلىك تەحنيكا, مينا جارعىش شەپتەر ورناتۋ مەن بارلاۋ جۇرگىزۋ تەحنيكاسى, فور­تيفيكاتسيالىق جابدىقتار, قورعانىس شەپتەرى, سۋدى انىقتاۋ جانە تازارتۋدى قامتاماسىز ەتۋ قۇرالدارى», – دەيدى پولكوۆنيك نۇرلان شايماحوۆ. قازىرگى ۋاقىتتا قازاقستاننىڭ قۇرلىق اسكەرلەرىنىڭ قۇرامىندا ساپەرلىك بريگادالار, جەكە ءبو­لىم­شەلەر, سونداي-اق, جالپى اسكەري بريگاداعا قاراستى ينجەنەرلىك بولىمشەلەر بار. ونىڭ ىشىنە 68665 اسكەري ءبولىمىنىڭ ينجەنەرلىك-ساپەرلىك روتاسى كىرەدى. باسقا دا ين­جەنەرلىك بولىمشەلەر سياقتى اتالعان روتا دا قر قك ءىرى جاۋىنگەرلىك جاتتىعۋلارىنا قاتىسادى. ينجەنەرلەر, قىزمەتشىلەر مۇن­دا ءوز شەبەرلىكتەرىن شىڭداپ, تەو­ريالىق جانە تاجىريبەلىك بىلىك­تىلىكتەرىن نىعايتادى. اسكەري مامانداردىڭ قۇرامى قۇرلىق اسكەرلەرى اسكەري ينستي­تۋتىنىڭ جانە جوعارى وقۋ ورىن­دارىنىڭ اسكەري كافەدرالارىنىڭ تۇلەك­تەرىمەن, 10228 اسكەري ءبولىمى كىشى ماماندارىمەن تولىعىپ وتىرادى.   «ەگەمەن-اقپارات».