الەۋمەتتىك جوبالار الەۋەتى السىرەمەيدى

ەلباسى نۇرسۇلتان نازارباەۆ «سامۇرىق-قازىنا» اق باسقارماسىنىڭ توراعاسى ومىرزاق شوكەەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى. ءو.شوكەەۆ كەزدەسۋ بارىسىندا مەملەكەت باسشىسىنا حول­دينگتى ترانسفورماتسيالاۋ باع­دار­لاماسىن جانە ونىڭ اكتيۆتەرىن جەكەشەلەندىرۋدى جۇزەگە اسىرۋ بارىسى تۋرالى, سونداي-اق كورپوراتيۆتىك باسقارۋدى جەتىلدىرۋ شارالارى جونىندە باياندادى. 2015 جىلى كوم­پا­نيانىڭ اعىمداعى شىعىستارى 520 ميلليارد تەڭگەگە قىسقارتىلدى, باسىمدىعى جوق بىرقاتار ينۆەس­تيتسيالىق جوبالار كەيىنگە قال­دىرىلدى, سونىڭ ارقاسىندا 255 ميلليارد تەڭگە ۇنەمدەلدى. كرە­ديتورلارمەن كەلىسسوزدەر ناتيجەسىندە كومپانيالار توبى­نىڭ جالپى قارىزى 7 ميلليارد دوللارعا ازايدى. نۇرسۇلتان نازارباەۆ جۇزەگە اسىرىلىپ جاتقان جەكەشەلەندىرۋ باعدارلاماسىنىڭ ماڭىزدىلىعىن اتاپ ءوتىپ, وسى ۇدەرىستىڭ اشىقتىعى مەن جاريالىلىعىن قامتاماسىز ەتۋ مىندەتىن قويدى. سونىمەن قاتار, قازاقستان پرەزيدەنتى الەمدىك ەكونوميكانىڭ تۇراقسىزدىعىنا قاراماستان, حولدينگ الەۋمەتتىك ماڭىزدى جوبالاردى جۇزەگە اسىرۋدى جالعاستىرىپ, جاڭا جۇمىس ورىندارىن اشىلۋى تيىستىگىنە نازار اۋداردى. ءو.شوكەەۆ وڭىرلەردەگى ءىرى جو­با­لارعا, سونىڭ ىشىندە اتىراۋ وبلى­سىنداعى مۇناي حيمياسى ءونىم­دەرىن شىعاراتىن كاسىپورىن قۇ­رى­لىسىنا, جامبىل وبلىسىنداعى كاۋس­تيكالىق سودا جانە گليفوسات وندىرەتىن وندىرىستىك كەشەن­گە, سونداي-اق, «سولتۇستىك – شى­عىس» ەلەكتر تاراتۋ جەلىسىنىڭ قۇرى­لى­سىنا ينۆەستيتسيا سالۋ كولەمى ۇلعايعانى تۋرالى ايتتى. ەلباسى كەزدەسۋ قورىتىندىسى بويىنشا بىرقاتار ناقتى تاپسىرما بەردى. سۋرەتتى تۇسىرگەندەر س.بوندارەنكو, ب.وتارباەۆ.