العىس ارقالاعان ايناگۇل

بوكەي ورداسى اۋدانى ورتالىعى – سايقىن اۋىلىنىڭ تۇرعىنى ايناگۇل تەمەشەۆانىڭ «كۋليناريا» اشقانىنا ءبىرتالاي ۋاقىت بولدى. بۇرىن جەكە كاسىپكەر بيبىگۇل جۇماعۇلوۆانىڭ ناۋبايحاناسىندا جۇمىس ىستەگەن ول كەيىن جۇبايى سىرىم ساقىپقاليەۆپەن اقىلداسىپ, ءوز ىستەرىن باستايدى. الدىمەن وتباسى مۇشەلەرى بىرىگىپ, سامان قۇيىپ, ءوز قولدارىمەن كۋليناريا عيماراتىن تۇرعىزادى. قاجەتتى قۇرال-جابدىقتاردى اقساي قالاسىنان, ال, تابالاردى ورالدان الدىرتىپ, بۇگىندە جەرلەستەرىن نان, پيروگ, تورت, توقاش, پيتستسا, ت.ب. ونىمدەرمەن قامتىپ وتىر. – كوبىنە ساداقا, توي, شىلدەحانا, تۋعان كۇن سىندى ايتۋلى كۇندەرگە الدىن-الا تاپسىرىس بەرىلەدى. قۋانىش داستارحانىنا دەپ بوس تۇرعان پەشىمە تاعام ءپىسىرىپ بەرۋىمدى وتىنەتىندەر دە كەزدەسەدى. قالاي ەتكەندە دە, مەن ولاردىڭ سۇرانىستارىن جەرگە تاستامايمىن. ءارى اقىلارىن تولەيتىندىكتەن وزىمە دە پايدا تابامىن, – دەيدى كاسىپكەر كەلىنشەك. قىسقاسى, كاسىپكەردىڭ ءار كۇنى بوس وتپەيدى. «كۋليناريا» ءىشى دە تالاپقا ساي جابدىقتالعان, ۇقىپتى قولدىڭ تابى اڭعارىلادى. كاسىبىڭ ناسىبىڭە اينالا بەرسىن, ايناگۇل, دەيمىز ءبىز. تەمىر قۇسايىن, «ەگەمەن قازاقستان». باتىس قازاقستان وبلىسى.