فوتو: اشىق دەرەككوز
ونىڭ ايتۋىنشا, قازىرگى تاڭدا «قازاقتەلەكوم» ەلدەگى دەرەكتەردى وڭدەۋ ورتالىقتارىنىڭ ەڭ ءىرى جەلىسىن باسقارىپ وتىر. جەلى قۇرامىندا 1,7 مىڭنان استام سەرۆەرلىك تىرەك, 25 مۆت قۋاتتىلىق جانە نارىقتاعى 47% ۇلەس بار.
وتكەن جىلدىڭ قازان ايىندا الماتى قالاسىندا ونىمدىلىگى 1,5 پەتافلوپس بولاتىن AI-Farabium سۋپەركومپيۋتەرى ىسكە قوسىلعان. قازىرگى تاڭدا ول الەمدەگى ەڭ قۋاتتى ەسەپتەۋ جۇيەلەرىنىڭ قاتارىندا 103-ورىندا تۇر, ءارى ونىڭ ەسەپتەۋ قۋاتى 100% دەڭگەيىندە جۇكتەلگەن.
ەلىمىزدىڭ سۋپەركومپيۋتەرى توپ-100 قاتارىنا ەندى
«سونداي-اق دەرەكتەردى وڭدەۋدىڭ جاڭا ورتالىقتارىنىڭ قۇرىلىسى جۇرگىزىلىپ جاتىر, بيىل قاراشا ايىندا قوسشى قالاسىندا الماتىداعى ورتالىقتان ءۇش ەسە قۋاتتى سۋپەركومپيۋتەردى ىسكە قوسۋ جوسپارلانىپ وتىر», دەدى باعدات مۋسين.
بۇدان بولەك, «قازاقتەلەكوم» ەكىباستۇز قالاسىندا دەرەكتەردى وڭدەۋ ورتالىقتارىنىڭ ارنايى القابىن سالۋ جوباسىنىڭ وپەراتورى رەتىندە بەلگىلەنگەن. قازىرگى ۋاقىتتا 20-دان استام گيپەرسكەيل-كومپانيامەن كەلىسسوزدەر جۇرگىزىلىپ جاتىر, ال الدىن الا سۇرانىس كولەمى 100 مۆت-تان اسادى.
2030 جىلعا قاراي سۋپەركومپيۋتەرلەر كەز كەلگەن قۇپياسوزدى بۇزا الادى
