فوتو: اشىق دەرەككوز
نەگىزگى جاڭاشىلدىق رەتىندە Smart Cargo تسيفرلىق پلاتفورماسى ەنگىزىلىپ جاتىر. جۇيە مەملەكەتتىك ورگاندار مەن بيزنەستى بىرىكتىرىپ, جۇك دەرەكتەرىنە QR-كود ارقىلى قول جەتكىزۋدى قامتاماسىز ەتەدى. سونىمەن قاتار قۇجاتتاردى اۆتوماتتى تەكسەرۋ, مارشرۋتتاردى قۇرۋ جانە قاجەتتى رۇقساتتاردى انىقتاۋ فۋنكتسيالارى قاراستىرىلعان. وسى شەشىمنىڭ ناتيجەسىندە شەكارادان ءوتۋ ۋاقىتى قازىرگى شامامەن 4 ساعاتتان 30 مينۋتقا دەيىن قىسقارادى دەپ كۇتىلەدى.
شەكاراداعى كەزەك ازايادى: وتكىزۋ بەكەتتەرىندە 200 ورىندىق اۆتوتۇراقتار سالىنادى
«بىرىڭعاي ينتەللەكتۋالدى كولىك جۇيەسى ە-كولىك قالىپتاسىپ جاتىر.. پلاتفورما QazTech بازاسىندا قۇرىلادى جانە بارلىق كولىك تۇرلەرىن بىرىكتىرەدى. بۇل دەرەكتەردى جيناۋعا, وڭدەۋگە, كولىك اعىندارىن بولجاۋعا جانە شەشىمدەردى اۆتوماتتى تۇردە قابىلداۋعا مۇمكىندىك بەرەدى», دەپ اتاپ ءوتتى مينيستر.
تسيفرلىق جۇيە كولىك باسقارۋ كەزىندە تەلەفون قولدانۋدىڭ 6 دەرەگىن تىركەدى
ءمينيستردىڭ سوزىنشە, تەمىرجول سالاسىندا دا تسيفرلاندىرۋ جوبالارى قولعا الىنعان. سونىڭ ءبىرى – KinetiX دياگنوستيكالىق جۇيەسى. بۇرىن ۆاگونداردى تەكسەرۋ قولمەن جۇرگىزىلىپ, 2 ساعاتقا دەيىن ۋاقىت الاتىن بولسا, قازىر جۇيە 9 نەگىزگى پارامەتر بويىنشا اۆتوماتتى تۇردە 8 مينۋت ىشىندە دياگنوستيكا جاسايدى. جاساندى ينتەللەكت پەن بەينەاناليتيكا اقاۋلاردى انىقتاپ, دەرەكتەردى ناقتى ۋاقىت رەجيمىندە وڭدەپ, ەسەپ بەرەدى.
