فوتو: اشىق دەرەككوز
ءمينيستردىڭ ايتۋىنشا, بۇرىن ءبىر ايماققا بىردەي باعىتتاعى بىرنەشە بيزنەس ءتۇرىنىڭ قاتار اشىلۋ قاۋپى بولعان. مىسالى, كوفەحانالار نەمەسە ءدارىحانالار ءبىر جەردە شامادان تىس شوعىرلانۋى مۇمكىن ەدى. ەندى جۇيە كاسىپكەرگە كارتا ارقىلى تاڭداعان اۋماقتاعى قولدانىستاعى جانە تىركەلىپ جاتقان بيزنەس نىساندارىن كورسەتەدى.
جاساندى ينتەللەكت ينسۋلتتان بولاتىن ءولىم-ءجىتىمدى 40%-عا تومەندەتكەن
سونىمەن قاتار قارجى مينيسترلىگىمەن بىرلەسىپ سالىق ەسەپتىلىگى مەن سالىق زاڭناماسىن تۇسىندىرەتىن تاۋلىك بويى جۇمىس ىستەيتىن AI-كومەكشى ىسكە قوسىلعان. ول جاڭا سالىق كودەكسىنىڭ كۇشىنە ەنۋىنە بايلانىستى وزەكتى بولىپ وتىر. جۇيە پايدالانۋشىلارعا كۇردەلى قۇقىقتىق ماتىندەردىڭ ورنىنا قاراپايىم ءارى تۇسىنىكتى كەڭەستەر بەرەدى.
«بۇل جاڭا سالىق كودەكسىنىڭ كۇشىنە ەنۋىنە بايلانىستى ەرەكشە وزەكتى بولىپ وتىر. ازاماتتار مەن بيزنەس وكىلدەرى سالىق ماسەلەلەرى بويىنشا تۇسىندىرۋلەردى تەز ءارى تۇسىنىكتى تۇردە الا الادى. پايدالانۋشى كۇردەلى زاڭدىق ءماتىندى ەمەس, نە ىستەۋ كەرەكتىگى جانە قاتەلىكتەردەن قالاي ساقتانۋ تۋرالى قاراپايىم ۇسىنىستاردى الادى», دەدى مينيستر.
ءمينيستردىڭ سوزىنشە جاساندى ينتەللەكت كليەنت اعىنىن, باسەكەلەستىك ورتانى جانە ايماقتاعى بيزنەس بەلسەندىلىگىن تالداپ, كاسىپ اشۋعا ءتيىمدى بالامالاردى ۇسىنادى. بۇل شەشىم بيزنەستى ىسكە قوسۋ كەزەڭىندەگى شىعىنداردى ەكى ەسەگە دەيىن ازايتۋعا جانە كاسىپتىڭ تۇراقتىلىعىن ارتتىرۋعا باعىتتالعان.
قازىرگى ۋاقىتتا بۇل جۇيە ارقىلى 5 مىڭنان استام سۇرانىس وڭدەلگەن.
نۇربولات امانبەك
