فوتو: ۆيدەودان الىنعان كادر
وقيعا Threads الەۋمەتتىك جەلىسىندە جاريالانعان جازبادان كەيىن بەلگىلى بولدى.
«بىزگە قارسى ءدامحانادان وتشاشۋ قوراپتارىن ۇستاعان ادامدار شىقتى. بىرنەشە مينۋتتان كەيىن ولار وتشاشۋدى تىكەلەي ساياباقتىڭ ىشىندە اتا باستادى. بىراق بىردەڭە دۇرىس بولماي قالدى. قوراپ اۋدارىلىپ كەتىپ, سناريادتار جان-جاققا ۇشىپ, اينالاسىنداعى ادامداردى «وقشاۋلاي» باستادى», دەپ جازدى جازبا اۆتورى.
الماتى قالالىق پوليتسيا دەپارتامەنتى المالى اۋداندىق باسقارماسى بۇل دەرەك بويىنشا تەكسەرۋ جۇرگىزىپ جاتقانىن راستادى. قازىرگى ۋاقىتتا وقيعاعا قاتىسۋشىلار مەن بارلىق ءمان-جايلار انىقتالىپ جاتىر. تەكسەرۋ ناتيجەسى بويىنشا كىنالى تۇلعالاردىڭ ءىس-ارەكەتىنە قۇقىقتىق باعا بەرىلىپ, قولدانىستاعى زاڭناماعا سايكەس شارالار قولدانىلادى.
ايتا كەتەرلىگى, 102-گە بۇل وقيعا بويىنشا ەشقانداي حابارلاما تۇسپەگەن. ءتارتىپ ساقشىلارى مۇنداي جاعدايلاردا دەرەۋ پوليتسياعا حابارلاسۋ قاجەتتىگىن ەسكەرتەدى.
وقىس وقيعادان ەشكىم زارداپ شەككەن جوق.
