الماتىدا «بابالار اڭساعان تاۋەلسىزدىك» اتتى سۋرەت بايقاۋى باستالدى

الماتى. 5 اقپان. ءابىلحان قاستەەۆ اتىنداعى قازاقستان رەسپۋبليكاسىنىڭ مەملەكەتتىك ونەر مۇراجايىندا «بابالار اڭساعان تاۋەلسىزدىك» اتتى ۇلتتىق بايقاۋ جاريالاندى. بۇل تۋرالى مەملەكەتتىك مۇراجايدىڭ ءباسپاسوز ورتالىعىنا سىلتەمە جاساعان egemen.kz ءتىلشىسى حابارلادى. بايقاۋ قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان جانە «ماڭگىلىك ەل» ۇلتتىق يدەياسى قۇندىلىقتارىنا سايكەس ءبىرتۇتاس مادەني كەڭىستىك قالىپتاستىرۋعا باعىتتالعان. بايقاۋ سۋرەتشىلەرگە قازاقستان مادەنيەتى مەن قازاقستان بەينەلەۋ ونەرىنىڭ تاريحىنا ءوزىنىڭ جەكە سالماقتى ۇلەسىن قوسۋىنا جانە ونەردىڭ جەتەكشى جانرلارىندا كەسكىندەمە مەن ءمۇسىننىڭ قانات جايۋىنا ىقپالىن تيگىزەدى. سونداي-اق, كەلەر ۇرپاققا ەلىمىزدىڭ باستى كوركەمدىك ورداسىندا ماڭگىلىك ساقتالاتىن, كورنەكتى تۋىندى قالدىرۋىنا زور مۇمكىندىك اشىپ بەردى. مادەني شارانىڭ ماقساتى مەن مىندەتتەرى – مەملەكەتىمىزدىڭ ماڭىزدى تاريحي وقيعالارى مەن تۇلعالارىن كوركەمدىك-بەينەلىك كورىنىستەردى زەردەلەۋ جانە ولاردى بەرۋ تاسىلدەرى ارقىلى پاتريوتتىق تاربيەگە ىقپال ەتۋ. سۋرەتشىلەر اراسىندا  باسەكە تۋدىرىپ, بەينەلەۋ ونەرى شەبەرلەرىنىڭ كاسىبي كوركەمدىك دەڭگەيىن كوتەرىپ, جەتىلدىرۋ جانە الەم ونەرى تاريحىنداعى ماڭىزدى جانرلاردىڭ ءبىرى تاريحي جانردىڭ ودان ءارى دامۋىنا قوزعاۋ سالۋ. بايقاۋ شارتىن ءباسپاسوز كونفەرەنتسياسىندا ءابىلحان قاستەەۆ اتىنداعى قازاقستان رەسپۋبليكاسىنىڭ مەملەكەتتىك ونەر مۇراجايىنىڭ ديرەكتورى, پروفەسسور گ.ك. شالابەۆا تانىستىرادى. ول شارت ءابىلحان قاستەەۆ اتىنداعى مۇراجايدىڭ سايتى مەن الەۋمەتتىك جەلىلەردە قوسىمشا جاريالانادى. بايقاۋ  2016 جىلدىڭ 15 جەلتوقساندا ءابىلحان قاستەەۆ اتىنداعى قازاقستان رەسپۋبليكاسىنىڭ مەملەكەتتىك ونەر مۇراجايىنىڭ زالدارىندا قازاقستان تاۋەلسىزدىگىنىڭ 25 جىلدىعىنا ارنالعان كورمەمەن اياقتالادى. تالعات ءسۇيىنباي. دەرەك, سۋرەت: ءابىلحان قاستەەۆ اتىنداعى قازاقستان رەسپۋبليكاسى مەملەكەتتىك ونەر مۇراجايىنىڭ ءباسپاسوز ورتالىعى.