اقتوبەلىك قۇتقارۋشىلار رەسپۋبليكالىق بايقاۋدا جەڭىسكە جەتتى

اقتوبە. 26 قاڭتار. ازاماتتىق قورعاۋ سالاسى بويىنشا مەملەكەتتىك جۇيەنى دامىتۋعا جانە كۇشەيتۋگە قوسقان ۇلەسى, ءوز قىزمەتتەرى بويىنشا قول جەتكىزگەن جەتىستىكتەرى ءۇشىن «ىشكى ىستەر مينيسترلىگى توتەنشە جاعدايلار كوميتەتىنىڭ 2015 جىلعى ۇزدىك جەدەل-قۇتقارۋ جاساعى» رەسپۋبليكالىق V بايقاۋىندا «اقتوبە وبلىسى توتەنشە جاعدايلار دەپارتامەنتى جەدەل-قۇتقارۋ جاساعى» مەملەكەتتىك مەكەمەسى توپ جاردى. بۇل تۋرالى egemen.kz ءتىلشىسى حابارلادى. استانا قالاسىندا وتكەن توتەنشە جاعدايلار كوميتەتىنىڭ القا جيىنىندا جاساق باسشىسى قاسىمجان بايساداقوۆقا ۇجىم قۇتقارۋشىلارىنىڭ كورسەتكەن باتىل ءىس-قيمىلدارى جانە ادامداردى قۇتقارۋداعى جەدەل ارەكەتتەرى ءۇشىن گراموتا جانە ەستەلىك سىيلىق تابىس ەتىلدى. ايتا كەتەيىك, بۇل اقتوبەلىك قۇتقارۋشىلاردىڭ ءۇشىنشى جەڭىسى, جاساق بۇعان دەيىن رەسپۋبليكا بويىنشا 2011 جانە 2014 جىلدارى ءبىرىنشى ورىندى يەلەنگەن بولاتىن. توتەنشە جاعدايلار كوميتەتىنىڭ باسشىلىعى تاراپىنان جوعارى باعا العان جاساق ۇجىمى وتكەن جىلى 531 شۇعىل شاقىرتۋعا بارىپ, 351 ادامدى تونگەن قاۋىپتەن قورعاپ قالدى. وسىنشاما ادامعا مەديتسينالىق جانە پسيحولوگيالىق كومەك كورسەتتى. ولاردىڭ كۇشىمەن وبلىستىڭ وزەن-كولدەرى مەن توعاندارىندا سۋعا كەتكەن 116 ادام قۇتقارىلدى. جول-كولىك اپاتىنا ۇشىراعان جانە تۇرمىستىق سيپاتتاعى اپاتتىق جاعدايعا تاپ بولعان 226 ادام قۇتقارىلدى. قازىر وبلىستىق جاساقتا 32 قۇتقارۋشى, 46 سۋعا سۇڭگىگىشتەر جۇمىس ىستەيدى. ولاردىڭ باسىم بولىگى ءبىرىنشى جانە ەكىنشى كلاسس دەڭگەيىندەگى كاسىبي ماماندار بولىپ تابىلادى. مەكەمەدەگى 28 اۆتوكولىك قاجەتتى قۇرال-جابدىقتارمەن جاراقتاندىرىلعان, 32 سۋعا ءجۇزۋ قۇرالدارى بار. سونداي-اق, 14 كۇنگە جەتەتىن ازىق-ت ۇلىك, ءدارى-دارمەك, جانار-جاعار ماي قورى جاساقتالعان. ساتىبالدى ءساۋىرباي. دەرەك, سۋرەت: egemen.kz.