«قازاقستاننىڭ ۇلتتىق يندۋستريالىق پالاتاسى» ونەركاسىپشىلەرى مەن كاسىپكەرلەرى وداعى زتب-نىڭ ەلباسىنىڭ «بەسىنشى شاقىرىلعان قازاقستان رەسپۋبليكاسى پارلامەنتىنىڭ ءماجىلىسىن تاراتۋ جانە قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ
كەزەكتەن تىس سايلاۋىن تاعايىنداۋ تۋرالى» جارلىعىنا بايلانىستى
مالىمدەمەسى
ەلىمىزدىڭ ونەركاسىپشىلەرى مەن كاسىپكەرلەرى وداعىنىڭ اتىنان مەملەكەت باسشىسىنا پارلامەنت ءماجىلىسىنىڭ قۇرامىن جاڭارتۋ تۋرالى وسى پالاتا دەپۋتاتتارىنىڭ ۇندەۋىنە قولداۋ كورسەتكەنى ءۇشىن ريزاشىلىعىمىزدى بىلدىرەمىز. كەزەكتەن تىس سايلاۋ وتكىزۋ تۋرالى جارلىققا قول قويۋ – ەلباسىنىڭ حالىق مۇددەسى ءۇشىن كەز كەلگەن قادامعا بارا الاتىن قامقورلىعىنىڭ جارقىن ايعاعى. ال ەل جۇرتشىلىعى دا پارلامەنتشىلەردىڭ اتالعان باستاماسىن جان-جاقتى قولداعان بولاتىن. ءبىز ينستيتۋتتىق رەفورمالاردى جۇزەگە اسىرۋ ءۇشىن ايتارلىقتاي كولەمدەگى زاڭنامالىق بازا قالىپتاستىردىق جانە دەپۋتاتتاردىڭ بۇرىنعى قۇرامى وزدەرىنىڭ جۇمىستارىن دىتتەگەن جەرىنە لايىقتى جەتكىزە ءبىلدى دەپ سانايمىز. وسىنىسىمەن دە ولار جاھاندىق سىن-قاتەرلەردى جاڭا جىگەرمەن, جاڭا كۇش-قۋاتپەن ەڭسەرۋ قاجەتتىگىن كورسەتتى. «100 ناقتى قادام» ۇلت جوسپارى مىندەتتەرىن ورىنداي جانە كاسىپكەرلىكتى قولداۋ مەن دامىتۋ باعدارلامالارىن جۇزەگە اسىرۋعا بەلسەندى قاتىسا وتىرىپ, ءبىزدىڭ ۇيىمنىڭ مۇشەلەرى ەل پرەزيدەنتىنە داعدارىسقا قارسى شارالاردى ءتيىمدى جۇزەگە اسىرۋعا قابىلەتتى جاڭا پارلامەنت جاساقتاۋعا مۇمكىندىك بەرگەنى ءۇشىن ريزاشىلىقتارىن بىلدىرەدى. حالىقتىڭ سەنىمىنە يە بولعان ءماجىلىس پەن بارلىق دەڭگەيدەگى ءماسليحاتتاردىڭ جاڭارعان قۇرامى ەلىمىز ءۇشىن اسا ماڭىزدى مىندەتتەردى ودان ءارى شەشۋ ءۇشىن قاجەتتى نارسەنىڭ بارلىعىن جاسايتىنىنا سەنىمدىمىز. بارلىق قازاقستاندىقتاردى ەلىمىزدىڭ بولاشاعى جولىندا بىرىگىپ, جاۋاپكەرشىلىك تانىتۋعا شاقىرامىز.
