سىن كەزەڭدەگى سىندارلى شەشىم

پارلامەنت دەپۋتاتتارىنىڭ  كەزەكتەن تىس سايلاۋى جايلى تولعانىس جالعىز قازاقستان ەمەس, بۇكىل الەم بۇرىن-سوڭدى بولماعان اسا قيىن, وتە كۇردەلى كەزەڭمەن بەتپە-بەت كەلىپ وتىر. داعدارىسقا شىداماي ەسەڭگىرەگەن كارى قۇرلىق, سوعىس ءورتى شارپىعان شالاجانسار ەلدەر, ەكى قولعا ءبىر كۇرەك تابا الماعان شاراسىزدار, ءبىر ءۇزىم نانعا زار بولعان ميلليونداعان بوسقىن... باقىتسىزدىق باسپالداقتارى كۇن سايىن كوبەيمەسە, ازايار ەمەس. ءسات سايىن قىرىق قۇبىلىپ تۇرعان الاقۇيىن ۋاقىت, الماعايىپ زاماندا تىعىرىقتان شىعار اداستىرماس اق جول تاۋىپ, كەمەل ويلى كەمەڭگەرلىك تانىتۋ – اۋاداي قاجەت. ۇلت باعىنا تۋعان تۇلعا, الەمدىك دەڭگەيدەگى دانا ساياساتكەر نۇرسۇلتان ءابىش ۇلى نازارباەۆتا جاراتقان يەم جومارتتىقپەن سىيلاعان سونداي اۋاداي قاجەت قاسيەت بار. سونىڭ كوركەم ءبىر كورىنىسى – مەملەكەت باسشىسىنىڭ 5-ءشى شاقىرىلىمداعى پارلامەنت ءماجىلىسىن تاراتۋ تۋرالى جارلىققا قول قويۋى, سونداي-اق پارلامەنت ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋعا بايلانىستى حالىققا ۇندەۋى. وسى ءبىر قيىن كەزەڭدە, ەل الدىندا سىن-قاتەر­لەر مەن اسا كۇردەلى مىندەتتەر تۇرعان شاقتا پرەزيدەنت ايتقانداي: «بىزدە تاعدىرعا مويىنسۇنىپ, ايتەۋىر ءبىر ۋاقىتتارى ءبارى ورنىنا كەلەتىنىنە, مۇناي باعاسى كوتەرىلىپ, جاعدايدىڭ جاقساراتىنىنا ۇمىتتەنىپ وتىرۋعا ۋاقىت جوق». وسى سوزىمەن, سوعان ساي جەدەل شەشىمىمەن ن.نازارباەۆ دانتە اليگەري ايتقان: «ۋاقىتتى زايا جىبەرگەنگە وكىنەتىن دانىشپان ادام» ەكەنىن تاعى ءبىر دالەلدەدى. ۇلت جوسپارىن جىلدام جانە بىلىكتىلىكپەن جۇزەگە اسىرۋ پار­لامەنتتىڭ ءتيىمدى جۇمىسىنا تاۋەلدى. ولاي بولسا, پار­لامەنتكە جاڭا­شىل, جاڭا كۇشتەردىڭ كەلۋى اسا ماڭىزدى. سول سە­بەپ­تى دە ەلباسى ايتقانداي: «سايا­سي پارتيالار كۇن ءتارتى­بىن­دەگى مىندەتتەردى تۇسىنە بىلەتىن ساۋاتتى, ىسكەر جانە ەل ءمۇد­دەسىنە ادال كانديداتتاردى ۇسىنۋعا ءتيىس». سىن كەزەڭدە جاسالعان سىندارلى شەشىمنىڭ تاعى ءبىر تيىمدىلىگى – ۋاقىتتان ۇتۋمەن بىرگە, بارلىق دەڭگەيدەگى ءماسليحاتتار سايلاۋىن پارلامەنت سايلاۋىمەن قاتار وتكىزۋ – قىرۋار قارجى ۇنەمدە­لەتىندىگىندە. قوعامنىڭ بارلىق الەۋمەتتىك توپتارى ۋاقىتتان وزا جاسالعان بەسىنشى شاقىرىلعان قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى پرەزيدەنت جارلىعىن قىزۋ قولداپ وتىر. ال ءبىزدىڭ, زيا­لى قاۋىمنىڭ قاستەرلى دە قاسيەتتى بورىشى – ەلباسىنىڭ حالىققا ۇندەۋىندە ايتىلعان مىندەتتەردى سوزىمىزبەن دە, ىسىمىزبەن دە قولداۋ. ۇلىلاردىڭ ءبىرى ايتقانداي: «قيىنشىلىق شەگىنە جەتكەن اسا كۇردەلى كەزەڭدە مادەنيەت قايراتكەرلەرىنىڭ ءرولى كۇرت ارتادى». سول جاۋاپ­ك­ەرشىلىكتى سەزىنە بىلسەك, وتان الدىنداعى قارىزىمىز بەن پارىزىمىزدىڭ وتەلگەنى. ءسابيت دوسانوۆ, جازۋشى, مەملەكەتتىك سىيلىقتىڭ لاۋرەاتى, تۇركى الەمىنە سىڭىرگەن ەڭبەگى ءۇشىن حالىقارالىق سىيلىعىنىڭ لاۋرەاتى.